Êsai 44:15 - Sơ̆p Hlabơar Nơ̆r 'Bok Kei-Dei

¹⁵ 'Long noh đe yua pơm 'long ŭnh tơkuh; iŏk tŏ sĕt pơm ŭnh wă nhur păng kư̆m yua wă tơkuh ŭnh pơm 'bĕng. Đe kư̆m yua iŏk 'long noh pơm rup yang na kơkuh kơ sư, Traih pơm minh pôm rup, na bon kơkuh kơ sư.

Êsai 44:15 Referans Kwoze

II Ho 25:14

Kơplah Amasia brŏk đơ̆ng tơblah bơngai Eđôm, sư chĕp ba rup yang lu bơngai Sêir pơm yang sư kơdih, kơkuh păng pơyơ̆r tơmam soi kơ rup yang noh.

Tơdrông Tơ'bôh 9:20

Lu bơngai mă huay truh kơ tơdrong aseh pơrăm, lu sư oei ưh kơ chu tơbral 'mơ̆i. Lu sư oei kơkuh kơ yang kơnê̆, pơm kơdih rup yang păng maih păng hu păng mam kong păng tơmo dah păng 'long. Pơm kơdih rup mă ưh kơ 'bôh, ưh kơ kơtơ̆ng, ưh kơ gơh yak, 'noh boih kơkuh khan yang.

Êsai 45:20

Ơ lu kon pơlei klaih đơ̆ng anat anot đơ̆ng jơ̆p kơ dêh char. Năm tơ âu akŭm băl bĕ, đĭ-đăng wang năm jê̆. Lu bơngai tung rup yang pơm păng 'long. Lu sư ưh kơ hlôh krao khan kơ yang mă ưh kơ gơh dŏng pơklaih lu sư.

Êsai 44:10

Bu traih, man rup yang dah hling rup yang tơmam noh ưh kơ đei yua kiơ kơ sư ôh.

Lu 2:19

Mă-lei đơ̆ng rŏng kơ 'bok sek tơlang noh lôch na lu bơngai Isơrael pơm kơnê̆ hloh dơ̆ng kơ adrol, lui kiơ̆ kơkuh kơ lu yang nai; lu bơngai Isơrael ưh kơ chu hŭt lê̆ tơdrong kơnê̆, oei rok kiơ̆ trong kơnê̆ khŏm khŏm.

Êsai 44:14

Sư kăl 'long Hơngo. Dah iŏk 'long hơngo hla top păng 'long kôih. Lê̆ sư chăt hơdai lu 'long lăm bri, sư pơtăm 'long hơngo, đak 'mi jruh pơm kơ 'long wơ̆ tih.

Êsai 44:16

Minh puăt sư iŏk tơkuh lăm ŭnh, na lăm minh puăt 'long ŭnh noh sư 'buh 'nhĕm, păng sa phĭ hrăp. Sư nhur ŭnh noh mơ̆n păng khan: Hah ha! Inh nhur âu mơn tơtŏ dêh,

Êsai 44:17

'Long mă oei rơkah sư iŏk pơm rup yang, rup mă pơm kơdih na drap kŭp kơ̆l 'bơ̆t anăp rup noh na sư kơkuh, krao khan apinh rup yang sư pơm noh khan: “Apinh dŏng pơklaih inh yua kơ ih jơ̆ yang inh!”

Êsai 46:6

Lu sư iŏk maih đơ̆ng lăm kơdŭng păng iŏk hu kŏng hăm 'long kŏng, lu sư mưng apah bơngai tuh hling maih pơm rup yang, đơ̆ng noh drap kơkuh.

Êsai 2:8

Dêh noh 'bĕnh-'bang kơ rup yang; lu sư kơkuh kơ rup yang đêl tơpang ti lu sư pơm kơdih. Đơ̆ng hơnglâu ti lu sư pơm.