Êsai 43:6 - Sơ̆p Hlabơar Nơ̆r 'Bok Kei-Dei

⁶ Inh gô khan kơ gah yă-nơ̆m: ‘Achăng lu sư bĕ’ păng khan kơ gah gơal: ‘Lê̆ pă rôp pơkơ̆ng lu sư.’ Chông ba bĕ lu kon drŏ-nglo Inh brŏk đơ̆ng dêh ataih, chông ba lu kon drŏ-kăn Inh brŏk đơ̆ng tôch kơ teh.

Êsai 43:6 Referans Kwoze

Je 3:14

Kră Yang khan: “Wih brŏk bĕ! Ơ lu kon sâu ưh kơ tơpăt, yua kơ Inh boih yŏng lu iĕm. Inh gô rơih iŏk lu iĕm minh 'nu đơ̆ng rim pơlei 'bar 'nu đơ̆ng adrĕch păng Inh gô năm ba lu iĕm brŏk tơ pơlei Siôn!

Êsai 18:7

Lăm kơplah noh, lu adrĕch adrung bơngai kơjung akâu akar rơmuăn, jơ̆ lu adrĕch adrung krưp dêh, kon pơlei mă jê̆ mă ataih hli ngăl, minh pôm teh đak đei bơngai pran kơtang chă tơgar pơjuă pơđep, teh đak đei lơ chơnglah krong klah asong teh đak sư, adrĕch adrung noh bơih gô chĕp ba tơmam pơyơ̆r ăn kơ Kră Yang Tih Hloh, lăm anih 'măn kơ anăn Kră Yang Tih Hloh oei, jơ̆ kông Siôn.

Horiso 107:3

Lu bơngai mă đei krao akŭm boih đơ̆ng jơ̆p kơ dêh char, Đơ̆ng gah hơlĕch, gah bơmơ̆t, đơ̆ng gah yă-nơ̆m gah gơal.

Both 30:4

Mă khan lu iĕm Sư puh boih truh tơring ataih tôch kơ plĕnh teh, Kră Yang 'Bok Kei-Dei iĕm kư̆m gô pơpôi akŭm iĕm dơ̆ng păng chông wih brŏk đơ̆ng anih noh.

Êsai 45:22

Ơ đĭ-đăng lu bơngai oei jơ̆p anih tôch kơ teh. Wih brŏk bĕ tơ Inh na lu iĕm gơh klaih! Yua kơ Inh bơih Kră Yang 'Bok Kei-Dei, ưh kơ đei yang nai ôh.

Êsai 49:12

Lăng to lu sư gô truh đơ̆ng ataih; mơ'nah gô truh đơ̆ng gah yă-nơ̆m, lu mơ'nah gô truh đơ̆ng gah bơmơ̆t păng lu bơngai nai dơ̆ng đơ̆ng dêh char Sinim.a

Êsai 49:22

Kră Yang khan thoi âu: “'Nâu, Inh gô yơ̆r ti Inh tơ kơpal lu teh đak, hơtŏk hla-kơ Inh tơ lăm kon pơlei. Na lu sư gô pôk lu kon drŏ-nglo 'bơ̆t kơtơh, koi lu kon drŏ-kăn tơ kơpal hơngiĕng na yak năm.

Êsai 54:3

Yua kơ iĕm gô rai lơ năm tơ gah 'ma păng gah 'ngiĕo; adrĕch adrung iĕm gô đei iŏk lu teh đak, păng gô oei tơ lu pơlei mă đĭ lê̆ bri juơ boih.

Êsai 60:4

Ngơk bĕ muh măt ih păng lăng. Đĭ-đăng lu sư akŭm băl wă năm tơkan tơ ih. Lu kon drŏ-nglo ih gô tơkan đơ̆ng ataih; lu kon drŏ-kăn ih đe gô kơ'mĭn glơng tơ ti.

Êsai 60:9

Tơpă lu bŏl đak dơsĭ răp gô Inh ngơ-ngei, lu duk Tarêsi adrol hloh gô năm ba lu kon drŏ-nglo ih wih đơ̆ng ataih, hơdai hăm hu maih lu sư, wă kơkuh kơ anăn Kră Yang, 'Bok Kei-Dei ih Tơ'ngla 'lơ̆ng Rơgoh Isơrael, yua kơ sư pơm bơih kơ ih đei tơdrong ư-ang.

Êsai 66:20

Kră Yang khan: “Lu sư gô chông ba đĭ-đăng 'nhŏng oh lu iĕm đơ̆ng jơ̆p-jang kơ dêh char thoi tơmam pơyơ̆r soi sơmah kơ Kră Yang ba lu sư hăm aseh, gre aseh, gre tŭn hơnhŭn hơbang, aseh iĕ, aseh lăk-đa truh tơ kông rơgoh Inh tơ pơlei Jêrusalem.” Lu sư chông ba lu sư hăm gre tŭn, gre aseh, aseh, aseh iĕ lăk-đa: ‘Kŭm thoi kon pơlei Isơrael chĕp tơmam soi phe 'ba lăm ge mong tơmam rơgoh lăm hnam akŭm Kră Yang.

Je 23:8

Mă-lei đe gô khan: Sĭt tơpă thoi Kră Yang arih, Kră Yang mă đei dŏng pơklaih adrĕch adrung bơngai Isơrael đơ̆ng gah yă-nơ̆m, păng lu char mă lu sư oei đơ̆ng Kră Yang puh lu sư sơ̆.’ Lu sư gô wih brŏk oei tơ dêh char lu sư kơdih.

Je 29:14

Kră Yang khan: “Inh gô ăn kơ lu iĕm tơ'bơ̆p Inh păng Inh gô iŏk chông anhăk pơdrâu lu iĕm brŏk đơ̆ng pơm bơnă.” Kră Yang khan: “Inh gô akŭm pơđĭ lu iĕm đơ̆ng jơ̆p kơ dêh char, đơ̆ng rim pơlei pơla mă Inh đei puh lu iĕm tơ noh păng gô iŏk anhăk lu iĕm wih brŏk tơ teh đak mă đêl Inh puh iĕm đơ̆ng noh sơ̆.”

Je 31:8

'Nâu, Inh gô chông lu sư brŏk đơ̆ng char gah yă-nơ̆m, Inh akŭm pơpôi lu sư đơ̆ng tôch kơ teh đak. Lăm lu sư đei bơngai măt tol, bơngai hơwen, lu drŏ-kăn oei anăp păng drŏ-kăn wă tơpŭ, minh khŭl tơpôl lơlap tơpă gô wih brŏk tơ âu.

Êsêkiên 36:24

Inh gô dui iŏk lu iĕm đơ̆ng lăm lu dêh char akŭm pơpôi lu iĕm đơ̆ng jơ̆p kơ teh đak, ba lu iĕm wih brŏk oei tơ char lu iĕm kơdih.

Êsêkiên 37:21

păng khan bĕ kơ lu sư: Kră Yang khan thoi âu: Inh gô chông ba adrĕch adrung Isơrael đơ̆ng lu char mă lu sư oei, Inh gô akŭm lu sư đơ̆ng jơ̆p kơ dêh char chông ba lu sư wih brŏk tơ char lu sư kơdih.

Jôel 3:7

Dang ei Inh gô pơtrŭt lu sư iung brŏk đơ̆ng anih mă lu iĕm đei tĕch lu sư păng Inh gô pơdrâu tơwih tơdrong kơnê̆ tơ kơ̆l lu iĕm kơdih.

Sa 6:6

Gre mă đei aseh găm sư dui gre năm tơ gah yă-nơ̆m, gre mă aseh kok năm tơpăt tơ gah bơmơ̆t, đơ̆ng noh aseh brông drơ̆k-drơ̆l năm tơklă tơ gah gơal.”

Êsai 11:12

Kră Yang gô pơdơ̆ng hla-kơ ăn kơ rim teh đak akŭm iŏk lu bơngai Isơrael mă đêl đe puh tơweh; pơpôi iŏk lu bơngai Juđa đêl lu sư tơklah tơklang đơ̆ng puăn pah mum teh đak.

Êsai 27:13

Lăm năr noh đe gô hlôm tơgiĕp re tih: Kơplah noh lu bơngai wơ̆l jrok lăm dêh Asiri păng lu bơngai pơm đĭch đam đơ̆ng Êyiptơ, gô brŏk kơkuh 'bơ̆t anăp Kră Yang tơ kơpal kông rơgoh 'lơ̆ng tơ pơlei Jêrusalem.