Êsai 43:4 - Sơ̆p Hlabơar Nơ̆r 'Bok Kei-Dei

⁴ Yua kơ iĕm bơih gĭt dêh 'bơ̆t anăp Inh; trŏ kơ Inh 'mêm kơeng, na Inh ăn đei bơngai wă tơplih iŏk iĕm păng ăn đĭ-đăng kon pơlei tơplih kơ tơdrong arih iĕm.

Êsai 43:4 Referans Kwoze

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

Je 31:3

Sơ̆ Kră Yang tơ'bôh boih kơ bơ̆n khan: “Inh 'mêm mơnat kơ iĕm hăm tơdrong 'mêm ling-lang hlŏng hloi, Thoi noh na Inh oei wei kơjăp 'mêm kơ iĕm.

Bl 12:2

Inh gô ăn kơ ih jing minh adrĕch adrung tih, Inh gô ăn kơ ih pŭn hiôk, đe kư̆m gô ư-ang kơ ih, păng ih gô jing tơm kơ tơdrong pŭn hiôk,

Tơdrông Tơ'bôh 3:9

Lu đe mơ'nah khan lu sư bơngai Juđê, mă tơpă lu sư ưh kơ trŏ bơngai Juđê ôh, lu sư hơlĕnh đĕch; tơdrong lu sư chă akŭm, lu sư akŭm tơdrong yang Satan. Thoi noh na Inh gô ăn kơ lu sư sơtơ̆p kŭl-tăng 'bơ̆t anăp iĕm, na Inh gô bơtho lu sư tơdrong Inh 'mêm kơ iĕm.

Yo 17:23

Inh pôm đon hăm lu sư păng ba pôm đon dih băl, wă kơ lu sư pôm đon tơduă lu sư mơ̆n; na lu bơngai ala teh âu băt kơ Ih wơh Inh tơpă păng lu bơngai ala teh gô băt kơ Ih 'mêm kơ lu bơngai pơhrăm păng Inh, noh kư̆m thoi Ih 'mêm kơ Inh mơ̆n.

Yo 16:27

kơlih kơ 'Bă Inh 'mêm mơnat kơ iĕm tơpă. Sư 'mêm kơ iĕm yua kơ iĕm 'mêm kơ Inh păng lui kơ Inh jur đơ̆ng 'Bă Inh 'Bok Kei-Dei.

Hôsia 11:1

Kơplah Isơrael oei 'lơ̆p, Inh 'mêm dêh kơ lu sư, păng Inh krao kon drŏ-nglo Inh lĕch đơ̆ng dêh char Êyiptơ.

I Pet 1:7

Tơdrong gleh 'Bok Kei-Dei wă pơlong lăng tơdrong lui bơ̆n, wă kơ băt bơ̆n lui tơpă dah ưh. Bĭ maih đe kư̆m 'buh pơlong sư tơ ŭnh wă kơ băt sư maih tơpă dah ưh; na tơdrong bơ̆n lui kơ Yêsu Krist kăl hloh kơ maih tơpă, yua kơ maih sư gô hiong răm. Na bơ̆n kon bơngai trŏ kơ 'Bok Kei-Dei pơlong lăng tơdrong lui bơ̆n wă kơ bơ̆n lui kơjăp, na Sư gô bơnê kơ bơ̆n, hăm ăn kơ bơ̆n hiôk kơplah năr Yêsu Krist jur ning-mônh.

Malachi 3:17

Kră Yang Tih Hloh khan: “Lu bơngai noh lu sư jing gah Inh, jing tơmam 'măn kơ Inh yua lăm năr Inh wă pơm. Inh gô mơnat ăn kơ lu sư thoi 'bă mơnat ăn kơ kon tơdăm sư bơ̆jang kơ sư kơdih.

Horiso 135:4

Yua kơ Kră Yang rơih boih Jakôp kơ Sư, păng rơih Isơrael jing tơmam Sư kơdih.

Both 26:18

Năr 'nâu Kră Yang kư̆m pơkă drơ̆ng iŏk iĕm pơm kon pơlei pơla Sư, jing tơmam gĭt Sư thoi Sư đei pơkă hăm iĕm păng iĕm athei wei răk đĭ dôm lu nơ̆r Sư tơtă.

Both 14:2

yua kơ iĕm jing minh adrĕch 'lơ̆ng rơgoh ăn kơ Kră Yang 'Bok Kei-Dei iĕm; Kră Yang rơih iŏk boih iĕm đơ̆ng lăm lu adrĕch kon pơlei kơpal teh âu. Wă jing tơmam Sư kơdih lĕch đơ̆ng đĭ-đăng, adrĕch kon pơlei pơla oei ala teh âu.

Yo 17:26

Inh tơhlôh kơ lu sư dôm tơdrong Ih. Păng Inh oei tơhlôh kơ lu sư wă kơ lu sư băt tơpă Ih 'mêm kơ lu sư, kư̆m thoi Ih 'mêm kơ Inh; păng Inh gô oei lăm lu sư mơ̆n.”

Malachi 1:2

Kră Yang đei khan: “Inh 'mêm kơ lu iĕm;” păng lu iĕm đei khan: “Ih 'mêm kơ lu nhôn thoi yơ?” Kră Yang khan: “Êsâu hăm trŏ kơ 'nhŏng Jakôp dah ưh?

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Yo 5:44

Na lơliơ iĕm gơh lui lĕ? Ling-lang iĕm wă kơ bôl iĕm lăp đon kơ iĕm. Minh 'nu Kră Yang 'Bok Kei-Dei đĕch tih hloh tơpă mă-lei iĕm ưh kơ wă Sư lăp đon kơ iĕm.

Êsai 63:9

Lăm lu sư đei tơdrong pơmat-tat, Kră Yang kư̆m wang pơmat-tat, păng linh jang 'lơ̆ng 'bơ̆t anăp lu sư dŏng pơklaih lu sư boih. Đơ̆ng jơhngơ̆m mơnat păng 'mêm kơeng na huai iŏk lu sư. Kră Yang pôk kơ'mĭn lu sư ling-lang rim năr đơ̆ng sơ̆.

Horiso 112:9

Sư hơmrah asong ăn tơmam kơ lu dơnuh hin. Tơdrong tơpăt sư oei oei ling-lang. Đe gô ư-ang kơ tơdrong jei sư

Êsai 49:5

Dang ei, Kră Yang khan: Sư Tơ'ngla pơjing inh đơ̆ng lăm klak mĕ inh, ăn kơ inh jing đĭch đam Sư wă kơ inh chông ba adrĕch Jakôp wih tơ Kră Yang, păng akŭm Isơrael brŏk tơ Kră Yang; yua kơ inh đei pơyom 'bơ̆t anăp Kră Yang, păng Kră Yang 'Bok Kei-Dei ăn kơ inh đei jơhngơ̆m pran.

Both 4:37

Yua kơ đơ̆ng Sư 'mêm kơ lu 'bok iĕm, na rơih iŏk adrĕch adrung lu iĕm 'nâu, kơ Sư kơdih păng Sư yua tơdrong mơsêh tih Sư krao tơlĕch boih iĕm đơ̆ng dêh Êyiptơ.