Êsai 42:8 - Sơ̆p Hlabơar Nơ̆r 'Bok Kei-Dei

⁸ “Inh bơih Kră Yang, Noh jơ̆ Anăn Inh. Inh ưh kơ asong tơdrong ư-ang 'lơ̆ng rŏ Inh kơ minh 'nu bu nai, kư̆m ưh kơ ăn tơdrong pơư bơnê Inh kơ lu rup man!”

Êsai 42:8 Referans Kwoze

Êsai 48:11

Noh yua kơ Inh, yua kơ kơdih Inh na Inh pơm tơdrong 'nâu, yua kơ kiơ Inh lê̆ anăn Inh đe pơjăm pơjuă ngôi? Inh gô ưh kơ ăn tơdrong ư-ang Inh kơ bu nai ôh.

Êsai 43:11

Inh âu bơih Kră Yang, 'nguaih kơ inh, ưh kơ đei 'bok dŏng pơklaih nai ôh.

Le 34:14

Iĕm 'nĕ kơ drap kơkuh kơ lu yang nai ôh. Yua kơ Inh boih Kră Yang jơ̆ 'Bok Kei-Dei tơ'ngla băt gar.

Horiso 83:18

Wă kơ lu sư băt, lăp minh 'nu Ih đĕch, anăn Kră Yang; Kră Yang Tih Hloh pơgơ̆r kơpal teh âu.

Le 4:5

Kră Yang khan: 'Noh wă kơ lu sư lui kơ Kră Yang 'Bok Kei-Dei 'bok sư, wă khan Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp, đei tơ'bôh boih kơ ih.

Yo 5:23

wă kơ đĭ-đăng bơngai lui yom kơ Kon Sư kư̆m thoi lu sư lui yom kơ 'Bă Sư. Bơngai bu ưh kơ lui yom kơ Kon Sư, bơngai 'noh kư̆m dang sư ưh kơ lui yom kơ 'Bă Sư, yua kơ Kon Sư đơ̆ng 'Bă Sư wơh.

Yo 8:58

Yêsu khan kơ lu sư: “Inh khan kơ iĕm tơpăt, hơdrol kơ Abraham tam mă đei, Inh đei boih.”

Both 28:58

Tơdah iĕm ưh kơ kơchăng pơm kiơ̆ dôm nơ̆r đơ̆ng khôi juăt 'nâu, chih boih lăm sơ̆p hla bơar 'nâu, ưh pă hli kơ anăn 'lơ̆ng rŏ Kră Yang 'Bok Kei-Dei iĕm anăn ư-ang trŏ kơ hli yom krưp,

Horiso 66:2

Hơri ư-ang kơ anăn Sư păng pôk bơnê kơ Sư bĕ.

Êsai 43:3

Yua kơ Inh Kră Yang 'Bok Kei-Dei iĕm, Tơ'ngla 'lơ̆ng rơgoh Isơrael, Tơ'ngla dŏng pơklaih iĕm. Inh ăn bơih dêh char Êyiptơ jing tơmam huai iŏk iĕm. Char Kus păng Sêba pơm tơmam huai tơplih kơ iĕm.

Da 5:4

Thoi noh lu sư huch tơdrô păng drap kơkuh bơnê kơ rup yang đe man păng maih păng hu păng kong păng 'long păng bơsei păng tơmo.

Êsai 48:5

Na Inh pơma dôm tơdrong 'noh kơ lu iĕm đơ̆ng sơ̆, bơtho lu iĕm dôm tơdrong 'noh adrol kơ sư tam mă truh, kơnh hli kơ iĕm khan: 'Noh jĭ rup yang đơ̆ng inh pơm, rup yang inh traih, rup yang inh tuh hling đơ̆ng inh athei đei dôm tơdrong 'noh.

Êsai 48:6

Ih kơtơ̆ng bơih, ih lăng lăng bĕ dôm tơdrong 'nâu lei lu iĕm ưh kơ sơng iŏk hă? Đơ̆ng âu tơ anăp, Inh gô ăn kơ iĕm băt dôm tơdrong 'nao, dôm tơdrong hrĕp mă iĕm tam mă băt,

Je 33:2

'Nâu Kră Yang khan, Sư boih Tơ'ngla pơjing teh đak păng pơm pơdơ̆ng tôm tơmam ăn kơ lu sư kơjăp; anăn Sư Kră Yang: