Êsai 42:16 - Sơ̆p Hlabơar Nơ̆r 'Bok Kei-Dei

¹⁶ Inh gô chông lu bơngai măt tol rok trong lu sư ưh kơ biơh năm, dui lu sư rok trong iĕ mă lu sư ưh tam juăt; inh gô tơplih măng mu jing hơdah 'bơ̆t anăp lu sư, Inh gô pơm kơ teh jrŭ đơng jing dơnă. Tơpă inh gô pơm lu tơdrong noh păng ưh kơ achăng tŭk lu sư ôh.

Êsai 42:16 Referans Kwoze

Êsai 30:21

Mă lu iĕm weh gah 'ma dah gah 'ngiĕo, đon lu iĕm gô kơtơ̆ng nơ̆r pơma đơ̆ng rŏng lu iĕm khan: “Âu jơ̆ trong mă lu iĕm athei rok kiơ̆!”

Luka 3:5

Dah teh thŭng thong, bơ̆n choh 'bŭ mă mơnglei; kiơ̆ kông lôk bơ̆n athei choh waih wă kơ sư mơnglei dang ăi; kiơ̆ trong wing bơ̆n kư̆m hơmet ming mă tơpăt; kiơ̆ trong kơnê̆ sơgol sơgônh bơ̆n athei choh ming mă tơhnă.

Êsai 35:8

Tơ noh gô đei minh pôm trong glung tih. Minh pôm trong đe krao trong 'Lơ̆ng Rơgoh. Bơngai 'mê̆-'mach ưh kơ gơh năm trong noh. Mă-lei 'măn lu bơngai kiơ̆ Kră Yang năm trong noh. Mă khan đơ̆ng kơ hlôh kơwao kư̆m huay kơ jrok.

Êsai 40:4

Rim anih thŭng thong gô tŏk kơjung, Rim kông, rim groi gô tơjur tơ kơđeh, lu anih hơlôk hơlak gô pơm dơnă, lu anih kông krang, gô jing dơnă 'lơ̆ng.

Êphêsô 5:8

Yua kơ dang ei iĕm ưh pă oei lăm măng mu thoi lu bơngai noh boih, iĕm oei lăm hơdah Kră Yang Yêsu Krist pơchrang ăn. Thoi noh na iĕm athei oei kiơ̆ kơ tơdrong hơdah Sư noh.

Êsai 32:3

Kơplah noh măt lu bơngai lăng gô 'bôh ưh pă bơbôl, đon lu bơngai kơtơ̆ng gô pơgling mơ̆ng.

Hêbrơ 13:5

Iĕm 'nĕ ham kơ mŭk tơmam ala teh, iĕm đei dôm yơ, iĕm hiôk-hiăi dôm noh. Yua kơ 'Bok Kei-Dei khan boih, Sư khan: “Inh ưh kơ đei layơ achăng lê̆ iĕm ôh.”

Êsai 29:18

Lăm năr noh lu bơngai klĭk gô kơtơ̆ng dôm nơ̆r đơ̆ng lăm sơ̆p hla bơar; măt lu bơngai tol đơ̆ng lăm măng mu gô lăng 'bôh.

Horiso 94:14

Yua kơ Kră Yang ưh kơ đei achăng lê̆ kon pơlei Sư. Kŭm ưh kơ lê̆ ôh dôm lu bơngai jing kon pơlei pơla Sư,

Êsai 48:17

Kră Yang Tơ'ngla dŏng pơklaih iĕm Tơ'ngla 'Lơ̆ng Rơgoh Isơrael khan: “Inh bơih Kră Yang, 'Bok Kei-Dei iĕm, Tơ'ngla bơtho iĕm mă đei tơdrong 'lơ̆ng kơ iĕm păng dui ba iĕm lăm trong iĕm gô năm.

Êsai 45:2

Inh gô năm adrol kơ ih, Inh gô pơm kơ lu kông groi dơnă, teh pơchah lê̆ lu 'măng Jang kong, gơ̆ lê̆ chơkăl bơsei.

Êsai 35:5

Kơplah noh lu bơngai măt tol gô 'bôh, lu bơngai klĭk klot gô kơtơ̆ng.

Hôsia 2:14

Na, 'nâu, Inh gô pơlung sư, chông ba sư năm tơ tơmăn glă păng iŏk nơ̆r rơngơp pơma hăm sư.

Hôsia 2:6

Thoi ei; 'nâu Inh gô iŏk jơla đăk trong sư, gô pơm dur găn sư, wă kơ sư chă trong rok ưh kơ đei dơ̆ng.

Êsai 29:24

Lu bơngai đei đon tơchĕng wơ̆l glăi gô jing gơh hlôh, păng lu bơngai juăt kơ tơtok sư gô pơhrăm iŏk tơdrong đe bơtho.”

Jôsuê 3:4

Mă-lei yak ataih băl sơlam lu iĕm hăm Hom tơdrong pơgơ̆p Kră Yang noh dang 'bar-rơbâu hơgăt; 'nĕ kơ yak jê̆, wă kơ lu iĕm băt kơ trong yak; yua kơ lu iĕm ưh tam lah yak trong noh.

Êsêkiên 14:23

Lu sư gô pơlung ih, ih gô 'bôh tôm tơdrong arih sa lu sư, ih gô băt tôm tơdrong Inh hlôi pơm hăm lu sư ưh kơ sĭ tơdrong kơđei ôh mă Inh đei pơm boih hăm lu sư. Kră Yang Tih Hloh khan thoi noh.”

Êsai 54:13

Đĭ-đăng kon ih gô đei Kră Yang bơtho tơ'bôh, păng tơdrong hiôk-hian kon hơ'lơ̆p ih gô tih tơpă.

Êsai 41:3

Sư druh lu sư ưh kơ đei tơdrong kiơ̆ 'bơm Sư, Na Sư rok trong mă jơ̆ng sư ưh tam mă biơh rok.

Bôk Bơthô 7:13

Lăng bĕ tơdrong jang Kră Yang 'Bok Kei-Dei. Tơmam kiơ sư gŭt pơđŏng yŏng kiơ kĕ 'bơ̆ tơpăt.

Bôk Bơthô 1:15

Tơdrong kiơ hlôi đŏng boih, ưh kơ gơh 'bơ̆ jing tơpăt dơ̆ng păng tơmam kiơ ưh kơ đei kư̆m ưh kơ đei.

Jang 26:18

Inh gô wơh ih wă kơ pơlar măt lu bơngai tơmoi wă kơ lu sư gơh 'bôh Tơdrong 'Nao 'Lơ̆ng, wă kơ lu sư gơh jăk đơ̆ng măng mu, na oei lăm hơdah, wă kơ sư jăk đơ̆ng yang Satan, na năm tơ 'Bok Kei-Dei. 'Bok Kei-Dei gô pơklaih lu sư đơ̆ng dôm tơdrong yoch hăm jô̆ lu sư jing bơngai 'lơ̆ng tơpăt thoi đĭ-đăng lu bơngai lui kơ Inh.’

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

Êsai 26:7

Trong lu bơngai 'lơ̆ng tơpăt jơ̆ tơpăt, ơ Kră Yang 'Lơ̆ng tơpăt, Ih pơm ăn trong kơ lu bơngai 'lơ̆ng tơpăt dơhnă hiôk.

Êsai 30:18

Mă tơpă, Kră Yang oei gô wă pơm 'lơ̆ng kơ lu iĕm, Tơpă Sư gô 'mêm mơnat kơ lu iĕm. Kră Yang jơ̆ Kră Yang 'Bok Kei-Dei 'lơ̆ng tơpăt. Pŭn hiôk dêh kơ bơngai bu oei chang gô Sư!

Êsai 41:17

Lu bơngai dơnuh păng lu bơngai kơ'bah tơmam chơchă đak. Mă-lei ưh kơ đei, hơpiĕt đĭ kro yua kơ rơhing dêh, Inh bơih Kră Yang gô tơl nơ̆r lu sư, Inh bơih Kră Yang 'Bok Kei-Dei Isơrael ưh kơ achăng tŭk lu sư ôh.

Êsai 45:7

Inh bơih Tơ'ngla pơm đei tơdrong hơdah păng pơjing tơdrong măng mu, pơm đei tơdrong hiôk-hian păng kư̆m ăn đei tơdrong pơrăm, Inh bơih Kră Yang Tơ'ngla pơm dôm tơdrong noh.

Êsai 52:12

Lu iĕm weh lĕch ưh kơ mah hăt hot, kư̆m ưh kơ mah kơdâu klĕnh; Kră Yang gô năm adrol kơ lu iĕm păng Kră Yang 'Bok Kei-Dei Isơrael năm đơ̆ng rŏng wei-lăng iĕm.

Êsai 58:10

Tơdah iĕm đĭ jơhngơ̆m rong lu bơngai pơmat-tat păng asong ăn sa phĭ kơ lu bơngai pơngot, lei tơdrong hơdah ih gô pơchrang lăm măng mu, kơplah noh măng ih thoi lĕ kơ 'năr dơ̆ng.

Êsai 62:12

Đe gô krao lu sư Kon Pơlei Rơgoh. Kon pơlei mă Kră Yang huai iŏk; gah ih đe gô krao kơ ih pơlei tih đe chơchă, pơlei mă ưh pă hŭt lê̆ juơ dơ̆ng.

Am 5:8

Chơchă bĕ Tơ'ngla pơjing kơ sơnglŏng hơdrŭng iĕr păng sơnglŏng gŭt-'năk, na tơplih măng mu jing hơdah, 'năr jing măng, Tơ'ngla krao đak đơ̆ng lăm dơsĭ na tuh kơpal teh. Anăn Sư Kră Yang.