Êsai 42:10 - Sơ̆p Hlabơar Nơ̆r 'Bok Kei-Dei

¹⁰ Hơri bơnê bĕ kơ Kră Yang 'bai hơri 'nao. Hơri bơnê bĕ kơ Sư đơ̆ng anih tôch kơ teh đak. Ơ Lu bơngai năm tơ đak dơsĭ, hăm lu sem brem arih lăm noh, ơ lu bŏl đak dơsĭ păng đĭ-đăng lu bơngai oei lăm noh.

Êsai 42:10 Referans Kwoze

Horiso 33:3

Hơri bĕ Kơ Sư minh 'bai hơri 'nao, reh brŏ tơlei mă hiôk păng hơri nơ̆r re chơt hiôk.

Êsai 42:4

Sư ưh kơ gleh lap, ưh kơ bơ̆l hăl ôh, dĭng truh kơ pơjing tơdrong tơpăt hơnơ̆ng tơ teh đak âu, lu bŏl đak dơsĭ chang gô hơmĕng kơ khôi juăt sư.

Horiso 40:3

Sư ăn kơ 'bơ̆r inh đei 'bai hơri 'nao, Hơri bơnê kơkuh kơ Kră Yang 'Bok Kei-Dei lu bơ̆n. Lơ bơngai gô 'bôh păng hli, Păng gơnang kơ Kră Yang.

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.

Êsai 49:13

Ơ plĕnh, hơri bĕ! Ơ teh, hiôk chơt bĕ! Ơ lu kông pơret nơ̆r hơri bĕ! Yua kơ Kră Yang đei pơlung bơih kon pơlei Sư păng mơnat kơ lu bơngai pơmat-tat.

Tơdrông Tơ'bôh 14:3

Lu sư hơri minh tơdrong 'nao 'bơ̆t anăp tang-dŏ 'Bok Kei-Dei, 'bơ̆t anăp puăn anăn păng 'bơ̆t anăp lu đe kră. Pôm lu minh-hrĕng puăn-jĭt puăn-rơbâu 'nu noh đĕch gơh hơri tơdrong 'nao ei, lu nai ưh kơ đei bu gơh ôh, yua kơ lu bơngai noh 'Bok Kei-Dei huai iŏk lu sư đơ̆ng khŭl bơngai ala teh âu boih.

Jêphania 2:11

Kră Yang gô tơ'bôh kơ lu sư hli krưp tơpă; yua kơ Sư gô pơlôch lu yang kơpal teh âu hăm tơdrong pơngot rơwĕt na rim 'nu bơngai lăm teh đak gô kơkuh kơ Kră Yang, lăm dêh char sư kơdih. Mă đĭ-đăng kơ bŏl đak păng dêh lei-lăi.

Êsai 65:14

'Nâu lu đĭch đam Inh gô hơri ư-ang yua kơ jơhngơ̆m chơt hiôk, Mă-lei lu iĕm gô nhơ̆m ôr yua kơ jĭ jơhngơ̆m. Lu iĕm gô nhơ̆m ôr yua kơ jơhngơ̆m pơmat-tat.

Êsai 60:9

Tơpă lu bŏl đak dơsĭ răp gô Inh ngơ-ngei, lu duk Tarêsi adrol hloh gô năm ba lu kon drŏ-nglo ih wih đơ̆ng ataih, hơdai hăm hu maih lu sư, wă kơkuh kơ anăn Kră Yang, 'Bok Kei-Dei ih Tơ'ngla 'lơ̆ng Rơgoh Isơrael, yua kơ sư pơm bơih kơ ih đei tơdrong ư-ang.

Êsai 51:5

Tơdrong 'lơ̆ng tơpăt Inh wă jê̆ truh; tơdrong dŏng pơklaih Inh truh bơih. Tơpang ti Inh gô wei pơgơ̆r đĭ-đăng kon pơlei. Lu bơngai oei lăm bŏl dơsĭ chang gô Inh păng lu sư hơmĕng gơnang kơ tơpang ti Inh.

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Êsai 44:23

Ơ lu plĕnh, hơri chơt hiôk bĕ! Yua kơ Kră Yang pơm bơih tơdrong âu, Ơ teh đak ôr jreo bĕ, Ơ lu kông, ơ lu bri hăm lu 'long lăm noh hơri ôr bĕ! Yua kơ Kră Yang huai iŏk bơih Jakôp păng gô đei ư-ang lăm Isơrael.

Horiso 150:6

Ăn kơ đĭ lu kon sem brem mă dui jơhngơ̆m,a ư-ang bĕ kơ Kră Yang. Halêluya!

Horiso 97:1

Kră Yang pơgơ̆r, ơ teh chhôk hal bĕ; Ơ lu bŏl đaka chơt hiôk bĕ.

Horiso 96:11

Ơ lu plĕnh chơt hiôk păng teh 'nă hal bĕ. Ơ đak dơsĭ păng lu kon sem brem oei lăm dơsĭ ôr jreo chơt hiôk bĕ.

I Ho 16:32

Ăn kơ đak dơsĭ păng đĭ-đăng tơmam lăm dơsĭ ôr bĕ. Ăn kơ chŭn mir păng đĭ-đăng tơmam lăm noh hiôk chơt.

Le 15:1

Đơ̆ng noh, Môis păng kon pơlei Isơrael hơri 'bai 'nâu kơ Kră Yang, khan: Inh gô hơri ư-ang kơ Kră Yang, yua kơ Sư mơsêh mơyang tih. Kră Yang klơ̆m lê̆ aseh păng bơngai hao aseh lăm đak dơsĭ.

Le 20:11

yua kơ lăm tơdrâu năr Kră Yang đei pơjing plĕnh, teh, đak dơsĭ păng đĭ-đăng tơmam tơ lăm noh, năr tơpơh sư pơdơh: Na Kră Yang sơkat ăn pŭn hiôk kơ năr tơpơh wă 'măn pơm năr giĕng 'lơ̆ng rơgoh.

Horiso 65:5

Ơ Kră Yang 'Bok Kei-Dei Tơ'ngla dŏng pơklaih lu nhôn. Hăm tơdrong trŏ Ih gô tơl tơwih kơ lu nhôn kiơ̆ tơdrong tơpăt. Ih jơ̆ anih lu bơngai đơ̆ng tôch kơ teh đak păng jơ̆p kơpal đak dơsĭ ataih hơđơ̆ng hơmĕng.

Horiso 72:10

Lu pơtao Tarêsi păng lu bŏl đak dơsĭ gô ăn thuê̆ kơ sư. Pơtao Seba păng Seba gô pơyơ̆r ăn kơ sư.

Êsai 11:11

Lăm năr noh kơnh, Kră Yang gô yơ̆r ti Sư pă minh 'măng dơ̆ng wă huai iŏk kon pơlei Sư mă oei đei đơ̆ng lăm teh đak Asiri, Êyiptơ, Patrôs, Êthiôpi, Êlam, Sinar, Hamat păng đơ̆ng lu bŏl đak dơsĭ.

Êsai 12:5

Hơri bơnê bĕ kơ Kră Yang, yua kơ Sư đei pơm bơih dôm tơdrong jang gĭt kăl ư-ang, na roi pơdah bĕ kơ jơ̆p lăm teh đak băt.

Êsai 48:20

Lĕch bĕ đơ̆ng Babilôn! Kơdâu weh bĕ đơ̆ng bơngai Kalđê! Athei jreo ôr hiôk chơt na khan roi tơbăt bĕ tơdrong 'nâu. Ră roi dĭng jơ̆p truh tôch kơ lăm teh đak! Athei khan: “Kră Yang dŏng pơklaih adrĕch Jakôp bơih, đĭch đam Sư.”

Êsai 60:6

Khŭl aseh lăk-đa gô 'bĕnh-'bang kơ dêh char ih, kon aseh lăk-đa đơ̆ng dêh char Mađian păng Êpha. Lu bơngai mơdro đơ̆ng Sêba truh, chĕp ba maih păng tơmam 'bâu phu păng hơri ư-ang kơ Kră Yang.

Êsai 62:11

'Nâu, Kră Yang roi tơbăt bơih. Truh tơ jơ̆p-jang lăm teh đak. “Roi tơbăt bĕ kơ kon adruh pơlei Siôn. “Âu Tơ'ngla dŏng pơklaih ih truh bơih. To lu bơngai mă Kră Yang dŏng pơklaih gô năm hơdai Sư.”