Êsai 41:9 - Sơ̆p Hlabơar Nơ̆r 'Bok Kei-Dei

⁹ Inh iŏk iĕm đơ̆ng tôch kơ teh đak, krao iŏk iĕm đơ̆ng puăn pah mum teh; Inh khan kơ iĕm: Iĕm bơih đam Inh, Inh rơih iŏk iĕm bơih, ưh kơ đei layơ achăng lê̆ ih.

Êsai 41:9 Referans Kwoze

I Sam 12:22

Kră Yang yua kơ anăn Sư tih dêh, na Sư ưh kơ achăng lê̆ kon pơlei Sư: Sư wă kơ lu iĕm pơm kon pơlei Sư.

Horiso 94:14

Yua kơ Kră Yang ưh kơ đei achăng lê̆ kon pơlei Sư. Kŭm ưh kơ lê̆ ôh dôm lu bơngai jing kon pơlei pơla Sư,

Ya 2:5

Ơ lu 'nhŏng oh mă inh 'mêm, mơ̆ng bĕ: 'Bok Kei-Dei rơih lu bơngai dơnuh hin mă oei tơ ala teh âu, wă kơ lu sư mơdrŏng kơ tơdrong lui gơh oei tơ dêh char Sư, kư̆m thoi Sư wă ăn kơ dôm lu bơngai mă 'mêm kơ Sư.

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.

Luka 13:29

Kơplah ei ning-mônh gô đei lơ bơngai ưh kơ sĭ khŭl iĕm Juđê đơ̆ng jơ̆p-jang teh đak, đơ̆ng hơlĕch, đơ̆ng bơmơ̆t, đơ̆ng yă-nơ̆m, đơ̆ng gơal, na lu sư oei sŏng sa hơdai tơ dêh char 'Bok Kei-Dei.

Êsai 41:8

Mă-lei iĕm, ơ bơngai Isơrael, đĭch đam Inh, păng iĕm ơ adrĕch Jakôp bơngai mă Inh đei rơih iŏk bơih, adrĕch adrung Abraham buăl Inh.

Êsai 41:2

Bu râu tơiung bơngai đơ̆ng gah hơlĕch? Kră Yang Krao sư năm bơ̆jang lăm tơdrong 'lơ̆ng tơpăt. Kră Yang jao đĭ teh đak ăn kơ sư, pơjuă lu pơtao tơ ala jơ̆ng sư, sư pơm kơ lu pơtao nhen 'bruih teh hăm đao gưm sư, jao lu pơtao hră sư pơm kơ lu sư thoi hơkam 'ba kial bơbơ̆t pơđông đĭ.

Both 14:2

yua kơ iĕm jing minh adrĕch 'lơ̆ng rơgoh ăn kơ Kră Yang 'Bok Kei-Dei iĕm; Kră Yang rơih iŏk boih iĕm đơ̆ng lăm lu adrĕch kon pơlei kơpal teh âu. Wă jing tơmam Sư kơdih lĕch đơ̆ng đĭ-đăng, adrĕch kon pơlei pơla oei ala teh âu.

Horiso 135:4

Yua kơ Kră Yang rơih boih Jakôp kơ Sư, păng rơih Isơrael jing tơmam Sư kơdih.

Êsai 11:11

Lăm năr noh kơnh, Kră Yang gô yơ̆r ti Sư pă minh 'măng dơ̆ng wă huai iŏk kon pơlei Sư mă oei đei đơ̆ng lăm teh đak Asiri, Êyiptơ, Patrôs, Êthiôpi, Êlam, Sinar, Hamat păng đơ̆ng lu bŏl đak dơsĭ.

Êsai 14:1

Kră Yang gô mơnat kơ Jakôp, păng oei wă rơih iŏk đe Isơrael minh wơ̆t dơ̆ng, Kră Yang gô krao tơbrŏk lu sư dơ̆ng, oei lăm teh đak lu sư kơdih, lu bơngai tơmoi teh đak nai gô oei hơdai lu sư păng pơgơ̆p hơdai hăm adrĕch Jakôp.

Êsai 42:1

'Nâu bơih đam Inh bơngai mă Inh dŏng tơgŭm, bơngai mă Inh rơih iŏk, bơngai mă Inh lăp đon. Inh gô dan yang Bơhngol Inh lăm sư, sư gô ba ăn tơdrong tơpăt hơnơ̆ng kơ lu teh đak.

Êsai 44:1

“Dang ei mơ̆ng bĕ, ơ Jakôp đam Inh, ơ Isơrael mă Inh rơih iŏk bơih.

Êsai 45:4

Yua kơ Jakôp jơ̆ đĭch đam Inh păng Isơrael lu bơngai mă inh rơih iŏk. Na Inh krao ih hăm anăn ih păng ăn anăn ih đe gô pơyom, mă khan ih ưh kơ băt kơ Inh ră.

Malachi 1:2

Kră Yang đei khan: “Inh 'mêm kơ lu iĕm;” păng lu iĕm đei khan: “Ih 'mêm kơ lu nhôn thoi yơ?” Kră Yang khan: “Êsâu hăm trŏ kơ 'nhŏng Jakôp dah ưh?