Êsai 41:29 - Sơ̆p Hlabơar Nơ̆r 'Bok Kei-Dei

²⁹ Tơpă đĭ-đăng lu sư jơ̆ tơdrong kơ đei, tơdrong jang lu sư jing pă yua, rup lu sư man, dang kial 'biao pă đei.

Êsai 41:29 Referans Kwoze

Je 5:13

Lu bơngai khan lê̆ adrol hơlĕnh thoi kial. Lu sư ưh pă đei nơ̆r Kră Yang wă khan lê̆ adrol dơ̆ng, tơdrong lu sư pơma lê̆ 'bơm lu sư.”

Êsai 41:24

Âu, lu iĕm ưh kơ rơ-a kiơ, tơdrong jang iĕm pơm kư̆m ưh kơ yua kiơ, bơngai mă rơih lu iĕm jơ̆ bơngai trŏ kơ areh krưp dêh tơpă.

Habakuk 2:18

Rup hling man mă thơ̆ đei hling pơm, hăm đei lơi kiơ kơ sư? Man rup pơm yang, noh thoi 'bok thây bơtho hơlĕnh, đei yua kiơ? Mă lu thơ̆ man rup yang ưh kơ gơh pơma na kư̆m lui gơnang gơnăi đơ̆ng tơpang bơ̆n pơm kơdih?

Lu 18:17

Lu pơđăm 'nu mă đêl năm chop lăng dêh 'noh lu sư mơ̆t lăm hnam tơtông iŏk rup man, ao êphot, lu rup yang nai păng rup yang đe hling đe tuh; kơplah noh 'bok soi oei dơ̆ng 'bơ̆t 'măng hơdai hăm lu tơdrâu-hrĕng 'nu chĕp tơmam tơblah khêl đao.

I Sam 12:21

'Nĕ kơ achăng Kră Yang chă kơkuh kơ rup yang hiong răm đĕch, ưh kơ đei yua kiơ, ưh kơ băt pơklaih; yua kơ rup yang jơ̆ hiong răm đĕch.

Êsai 2:8

Dêh noh 'bĕnh-'bang kơ rup yang; lu sư kơkuh kơ rup yang đêl tơpang ti lu sư pơm kơdih. Đơ̆ng hơnglâu ti lu sư pơm.

Êsai 17:8

Lu sư gô ưh pă lăng tơ chơnang soi mă đêl ti lu sư pơm, păng kư̆m ưh pă lăng dơ̆ng ti lu sư pơjing kơdih, mă rup yang Arsêrim, păng chơnang soi lu sư soh 'long 'bâu phu.

Êsai 37:19

Klơ̆m lê̆ rup yang lăm ŭnh. Noh ưh kơ yang tơpă ôh, noh đơ̆ng ti kon bơngai pơm păng 'long păng tơmo, na lu sư gơh pơrăm lu yang noh.

Je 14:22

Hăm đei lu yang kiơ gơh pơm đak 'mi ăn kơ kon bơngai? Đơ̆ng plĕnh hăm gơh tơjur kơdih đak 'mi tơ teh? Ơ Kră Yang 'Bok Kei-Dei lu nhôn, Ih đĕch gơh pơm. Thoi noh lu nhôn oei chang gô Ih, Yua kơ Ih boih pơjing kơ dôm tơdrong noh.

Horiso 96:5

Yua kơ đĭ-đăng yang mă kon pơlei kơkuh noh jơ̆ yang man kơdih; Mă-lei Kră Yang Sư pơjing plĕnh.

Êsai 46:7

Lu sư tôi rup yang noh tơ hơngiĕng tung ba pơdơ̆ng 'bơ̆t anih sư, na yang noh dơ̆ng minh 'bôt 'bơ̆t doh, ưh kơ gơh weh tơ anih tơ nai. Tơdah đei bu krao khan: Yang noh ưh kơ gơh tơl tơwih păng ưh kơ gơh dŏng lu sư đơ̆ng tơdrong anat anot.

Sa 10:2

Yua kơ lu rup man chă pơma pơhlŭ lu pơjâu 'bôh hơlĕnh đĕch; lu sư roi tơdrong lu sư hơpo hơlĕnh, sư pơlung ngôi đĕch ưh kơ đei yua kiơ. Thoi noh na kon pơlei tơklah tơklang thoi triu, đe pơmat lu sư yua kơ ưh pă đei bơngai wei.