Êsai 41:11 - Sơ̆p Hlabơar Nơ̆r 'Bok Kei-Dei

¹¹ 'Nâu lu bơngai mă hil kơ iĕm, lu sư gô mơlâu păng hlơ̆l. Lu bơngai iung blah iĕm lu sư gô răm păng lôch hiong.

Êsai 41:11 Referans Kwoze

Le 23:22

Mă-lei tơdah iĕm mơ̆ng kiơ̆ nơ̆r sư păng pơm kiơ̆ dôm nơ̆r Inh bơtho khan, na Inh gô ayăt kơ lu bơngai ayăt kơ iĕm.

Êsai 45:24

Đe gô pơma pơđâu gah Inh khan: Lăm Kră Yang đĕch bơ̆n đei tơdrong 'lơ̆ng tơpăt păng pran kơtang. Đĭ-đăng lu bơngai hil kơ sư gô năm tơ sư na mơlâu.

Tơdrông Tơ'bôh 3:9

Lu đe mơ'nah khan lu sư bơngai Juđê, mă tơpă lu sư ưh kơ trŏ bơngai Juđê ôh, lu sư hơlĕnh đĕch; tơdrong lu sư chă akŭm, lu sư akŭm tơdrong yang Satan. Thoi noh na Inh gô ăn kơ lu sư sơtơ̆p kŭl-tăng 'bơ̆t anăp iĕm, na Inh gô bơtho lu sư tơdrong Inh 'mêm kơ iĕm.

Jang 16:39

Na lu kră pơlei năm tơ bre Pôl păng Silas na lu sư khan: “Nhôn apinh biĕm 'nĕ jô̆ yo. Na dang ei lu nhôn tơlĕch biĕm đơ̆ng hnam phak boih na nhôn apinh biĕm jăk đơ̆ng pơlei âu.”

Êsai 54:17

Mă dôm tơmam tơblah sư pơm wă pơrăm Ih gô ưh kơ kĕ păng dôm nơ̆r lu bơngai pơma jâu ih gô glăi đĭ. Noh bơih tơdrong Inh ăn kơ lu đĭch đam Kră Yang, păng tơdrong lăng pơsĭt đơ̆ng Inh ăn, Kră Yang khan thoi noh.

Da 4:35

Đĭ-đăng lu kon pơlei jing nhen hoh-hoy, Kră Yang 'Bok Kei-Dei pơm kơ lu khei sơnglŏng tơ plĕnh ti mơ̆ng kơ Sư wă păng pơm kơ kon pơlei oei kơpal teh, ưh kơ đei bu gơh găn ti Sư păng apinh thoi âu: Kră Yang 'Bok Kei-Dei pơm kiơ thoi noh?

Le 11:8

Đĭ-đăng lu đĭch đam ih gô năm truh tơ inh, kơkuh 'bơ̆t anăp inh khan: Năm bĕ, ih hăm đĭ-đăng kon pơlei kiơ̆ ih! Đơ̆ng noh inh gô năm. Môis lĕch hloi đơ̆ng Pharaôn lăm jơhngơ̆m sư ơh blĕk dêh tơpă.

Sa 12:3

Kŭm gô đei tơdrong truh hloi lăm năr noh Inh gô pơm ăn kơ Jêrusalem thoi tơmo, trăp kơ rim adrĕch adrung kon bơngai. Na dôm lu bơngai mă tung sư đei tơdrong jĭ dêh; păng đĭ dôm lu dêh char kơpal teh âu gô blah sư.”

Êsai 49:26

Inh gô pơm kơ lu bơngai pơjuă pơđep iĕm lu sư gô pơlôch dih băl, lu sư jing suai yua kơ đơ̆ng hil blĕk, thoi lĕ suai sik; Đĭ-đăng kon bơngai gô băt kơ Inh, Kră Yang Tơ'ngla dŏng pơklaih iĕm, Tơ'ngla huai iŏk iĕm păng Tơ'ngla mơsêh adrĕch Jakôp.”

Êsai 41:29

Tơpă đĭ-đăng lu sư jơ̆ tơdrong kơ đei, tơdrong jang lu sư jing pă yua, rup lu sư man, dang kial 'biao pă đei.

Êsai 29:8

Nhen thoi bơngai pơngot tep apo 'bôh sŏng sa, 'brĕng hơđơ̆r mă oei pơngot đĕch, nhen bơngai rơhing kơ đak tep apo nhă đak, 'brĕng iung mơn oei kro hơlŏng păng oei rơhing đĕch, đĭ-đăng adrĕch adrung kon bơngai rim kơ teh đak blah kông Siôn kư̆m thoi noh.

Êsai 41:24

Âu, lu iĕm ưh kơ rơ-a kiơ, tơdrong jang iĕm pơm kư̆m ưh kơ yua kiơ, bơngai mă rơih lu iĕm jơ̆ bơngai trŏ kơ areh krưp dêh tơpă.

Êsai 40:17

Đĭ-đăng dêh char 'bơ̆t anăp Kră Yang dang lĕ hoh-hoy, Sư lăng lu noh dang lĕ tam mă đei, păng ưh kơ đei kiơ.

Êsai 17:13

Lu adrĕch adrung kon bơngai ôr krao jơwa sư năm tơblah dang đak poh-yă, mă-lei Kră Yang gô chrih hil kơ lu sư na lu sư gô kơdâu ataih, puh tơweh lê̆ lu sư thoi kial tơthu hơkam 'ba kơpal kông, thoi 'mui teh năr kial hơbŭt.

Êsai 29:5

Mă-lei lu đe ayăt kơ ih lơlap nhen 'bruih 'mui teh rơpŭk, lu đe pơm kơnê̆ dêh gô nhen hơkam 'ba kial bơbơ̆t, tơdrong noh gô truh ngei ngei ưh kơ tam băt ôh.

Êsai 29:7

Đĭ-đăng teh đak lơlap lơlang bơngai năm blah pơlei Ariêl, đĭ-đăng năm wang blah pơlei kơjăp sư pơm kơ sư ơh sơ'ngon nhen apo, nhen tơdrong tơ'bôh kơplah kơmăng.

Êsai 34:12

Dêh char Êđôm noh ưh pă đei krao dêh char pơtao dơ̆ng bơih. Đĭ-đăng lu kră pơgơ̆r lu sư gô lôch hiong đĭ.

Êsai 40:2

Pơma bĕ kơ pơlei Jêrusalem mă hiôk păng roi khan tơdrong lu sư pơm đĭch tôch đĭ bơih, tơdrong yoch lu sư mơnat ăn bơih, lu sư chu iŏk bơih đơ̆ng ti Kră Yang mơnat 'bar wơ̆t hloh kơ tơdrong yoch lu sư.

Êsai 54:15

Tơdah đe chă đon wă pơrăm ih, noh ưh kơ trŏ đơ̆ng Inh. Bơngai bu chă đon wă pơrăm ih sư gô pơ̆k huŏng yua kơ đơ̆ng ih.

Je 2:3

Isơrael boih minh adrĕch adrung 'lơ̆ng rơgoh 'măn kơ Kră Yang, plei blŭng-a đơ̆ng tơdrong jang Sư. Na bơngai bu mă luăn sa kon pơlei noh gô jô̆ yoch; tơdrong răm gô truh tơ lu sư.’ ” Noh Kră Yang khan.

Le 12:29

Kơplah tŏk-bŏk măng Kră Yang pơlôch đĭ lu kon kơdră drŏ-nglo dêh Êyiptơ, iŏk đơ̆ng kon kơdră pơtao Pharaôn oei 'bơ̆t tang-dŏ truh tơ kon kơdră đe rôp pơm bơnă kon pơlei hmă păng đĭ-đăng lu kon sem dơrong tuh blŭng-a.

Êsai 49:25

Mă-lei Kră Yang khan thoi âu: “Tơpă, lu bơngai bơnă gô tơgar iŏk đơ̆ng lu bơngai pran kơtang. Păng gô pơdrâu iŏk tơmam đơ̆ng bơngai nuih, Inh gô tơblah hăm lu bơngai blah lu iĕm, păng Inh bơih gô pơklaih kon hơ'lơ̆p iĕm.

Je 12:17

Mă-lei tơdah lu kon pơlei ayơ kuă kơ mơ̆ng nơ̆r Inh, Inh gô buch hŭt lê̆ hloi kon pơlei noh, buch pơlôch lê̆ hloi” 'noh Kră Yang khan.