Êsai 41:10 - Sơ̆p Hlabơar Nơ̆r 'Bok Kei-Dei

¹⁰ 'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Êsai 41:10 Referans Kwoze

Jôsuê 1:9

Hăm trŏ kơ Inh đei khan bơih kơ ih? Athei ih nuih kơtang păng chơ̆n jơhngơ̆m, nuih pran, 'nĕ kơ rơdu, yua kơ Kră Yang 'Bok Kei-Dei ih oei hơdai hăm ih lăm rim trong ih năm.

Rom 8:31

'Bok Kei-Dei Sư 'mêm, Sư tơgŭm bơ̆n dang noh boih, na bơ̆n ưh pă hli kơ tơdrong kiơ dơ̆ng.

Philip 4:13

Inh kĕ iŏk dôm tơdrong 'noh yua kơ inh gơnang kơ Yêsu Krist na Sư ăn kơ inh kĕ iŏk dôm tơdrong 'noh. Tơ̆ng ưh, inh ưh kơ kĕ ôh.

II Kor 12:9

Mă-lei Sư khan: “Huay ôh, ih kư̆ kơ jang tơdrong Inh mă tơpă đĕch, tơdrong ih jang ưh kơ kĕ ưh kơ pran noh lê̆ kơ Inh tơgŭm ih, ih 'nĕ hiơ̆k kơ tơdrong ih pơmat-tat noh, thoi noh na đe băt kơ tơdrong mơsêh mơyang Inh tih tơpă, ih pơmat-tat dang noh mă oei jang khŏm khŏm.” Thoi noh na dang ei inh kuă boih pơang kơ iĕm tơdrong noh, pơang pơăi tơdrong inh kơtul tơrăn đĕch na Sư ăn kơ inh hiôk gơh jang tơdrong Sư khŏm khŏm.

Horiso 27:1

Kră Yang boih tơdrong hơdah păng tơdrong dŏng pơklaih inh: Inh wă hli kơ bu dơ̆ng? Kră Yang anih kơjăp kơ tơdrong arih inh: Inh wă hli kơ bu dơ̆ng?

Horiso 63:8

Bơhngol inh oei kơjăp lăm Ih, ti 'ma Ih tơgŭm tơiung inh.

II Ho 20:17

Lu iĕm huay kơ kăl kơ tơblah; săp bĕ, lu linh oei hreh tơ noh, na lăng tơdrong Kră Yang, Tơ'ngla oei hơdai iĕm gô dŏng pơklaih iĕm. Ơ bơngai Juđa păng kon pơlei Jêrusalem 'nĕ kơ hli 'nĕ kơ tơrơ. Dơning năm tơ'bơ̆p lu sư bĕ! Kră Yang oei hơdai iĕm.”

Horiso 145:14

Kră Yang, dŏng tơiung lu bơngai pơ̆k huŏng. Păng pơdơ̆ng tơpăt lu bơngai gu kơdŭ.

Êsai 12:2

Ih bơih Kră Yang 'Bok Kei-Dei dŏng pơklaih inh, Inh gô gơnang kơ Ih păng ưh kơ hli tơrơ ôh. Kră Yang boih tơdrong inh hơri bơnê, Sư bơih dŏng pơklaih inh.”

Êsai 60:19

Măt 'năr ưh pă pơchrang hơdah kơ ih kiơ̆ kơ'năr. Tơdrong hơdah rang khei kư̆m ưh pă pơchrang kơ ih kiơ̆ kơmăng. Mă-lei Kră Yang jơ̆ tơdrong hơdah kơ ih ling-lang hlŏng hloi. Kră Yang 'Bok Kei-Dei ih noh tơdrong ư-ang ih.

Both 20:1

Mưh iĕm năm tơblah ham lu bơngai ayăt kơ iĕm 'bôh aseh, gre aseh păng linh lơ hloh kơ iĕm, 'nĕ kơ hli, yua kơ Kră Yang 'Bok Kei-Dei iĕm Tơ'ngla mă chông iĕm lĕch đơ̆ng dêh Êyiptơ, gô oei hơdai iĕm.

Sa 13:9

Inh gô tah minh puăt lăm pêng noh tơ lăm ŭnh Inh, 'buh lu sư thoi đe 'buh hu, pơlong lăng lu sư thoi đe 'buh maih; lu sư gô ôr krao anăn Inh păng Inh gô tơl tơwih nơ̆r sư; Inh gô khan thoi âu: ‘Noh boih kon pơlei Inh âu.’ Lu sư gô khan: ‘Kră Yang noh Kră Yang 'Bok Kei-Dei inh.’ ”

Horiso 37:24

Mă sư kơtơih, kư̆m huay kơ pơ̆k; Yua kơ Kră Yang gô pôk tơiung sư.

Horiso 29:11

Kră Yang gô ăn tơdrong kơtang kơ kon pơlei pơla Sư. Kră Yang gô ăn pŭn hiôk, rơnŭk rơnua kơ kon pơlei pơla sư.

Êphêsô 3:16

Sư đei tôm tĕch tơdrong na inh apinh Sư ăn kơ iĕm Yang Bơhngol 'Lơ̆ng Sư oei hơdai hăm iĕm wă kơ iĕm đei jơhngơ̆m pran.

II Ho 32:8

Oei hăm lu sư noh kon bơngai hmă đĕch; bĕ gah bơ̆n đei Kră Yang 'Bok Kei-Dei lu bơ̆n wă tơgŭm păng tơblah tang lu bơ̆n.” Kon pơlei đei jơhngơ̆m nuih đơ̆ng nơ̆r Hesekia pơtao Juđa.

Sa 10:12

Inh gô ăn kơ lu sư pran kơtang lăm Kră Yang păng Lu sư yak năm lăm anăn Kră Yang.” Kră Yang khan thoi noh.

Êsai 43:5

'Nĕ kơ hli ôh, yua kơ Inh oei hơdai iĕm. Inh gô chông adrĕch adrung iĕm đơ̆ng gah hơlĕch păng akŭm lu iĕm đơ̆ng gah bơmơ̆t.

Horiso 46:11

Kră Yang Tih Hloh oei hăm lu nhôn, Kră Yang 'Bok Kei-Dei Jakôp jơ̆ anih lu nhôn kơ'nơp. Sêla

Êsai 49:8

Kră Yang khan thoi âu: “Lăm năr trŏ lăp Inh gô tơl tơwih nơ̆r ih krao khan: Lăm năr dŏng pơklaih Inh gô tơgŭm ih. Inh gô wei-lăng ih, pơjao kơ ih pơm tơdrong pơgơ̆p 'nao hăm kon pơlei wă tơiung dơ̆ng dêh char, păng klah asong tơmam lăm bri kơdrơ̆ng.

Horiso 37:17

Yua kơ kơkŏng ti lu bơngai kơnê̆ gô tơgơ̆, Mă-lei Kră Yang gô tưk pơkơ̆ng ti lu bơngai tơpăt.

Êsai 44:2

Kră Yang khan thoi âu: Inh Tơ'ngla pơjing lu iĕm, man lu iĕm oei đơ̆ng lăm klak mĕ, păng gô tơgŭm lu iĕm: Ơ Jakôp đam Inh păng Jêsurun mă Inh rơih iŏk bơih 'nĕ kơ hli.

Horiso 144:11

Apinh Ih pơklaih inh đơ̆ng ti lu bơngai tơmoi; Lu bơngai đei 'bơ̆r pơma hơlĕnh. Đei ti 'ma pơkă bơkuĕch.

Horiso 41:12

Na, đơ̆ng tơdrong tơpăt inh, Ih tơiung inh, Ăn inh kơjăp 'bơ̆t anăp Ih ling-lang.

Horiso 46:7

Kră Yang Tih Hloh oei hơdai lu nhôn. Kră Yang 'Bok Kei-Dei Jakôp jơ̆ anih mă lu nhôn kơ'nơp. Sêla

Êsai 52:7

Đêl jơ̆ng lu bơngai ba tơdrong 'nao 'lơ̆ng tơ kơpal kông 'lơ̆ng pă băt dang yơ. Lu bơngai roi tơdrong hiôk-hian, tơbăt tơdrong 'nao 'lơ̆ng. Tơbăt tơdrong dŏng pơklaih khan kơ Siôn: “Kră Yang 'Bok Kei-Dei iĕm oei pơgơ̆r.”

Bl 15:1

Đơ̆ng rŏng kơ tơdrong noh, đei nơ̆r Kră Yang khan dơ̆ng kơ Abram lăm tơdrong tơ'bôh thoi âu: “Ơ Abram ih 'nĕ kơ hli; Inh âu jơ̆ khêl pĕng ih; ih gô đei tơmam apah tih tơpă.”

Horiso 65:5

Ơ Kră Yang 'Bok Kei-Dei Tơ'ngla dŏng pơklaih lu nhôn. Hăm tơdrong trŏ Ih gô tơl tơwih kơ lu nhôn kiơ̆ tơdrong tơpăt. Ih jơ̆ anih lu bơngai đơ̆ng tôch kơ teh đak păng jơ̆p kơpal đak dơsĭ ataih hơđơ̆ng hơmĕng.

Luka 1:30

Linh jang 'lơ̆ng ei khan kơ sư dơ̆ng: “Ơ Mari, ih 'nĕ kơ hli yua kơ 'Bok Kei-Dei lăp đon kơ ih tơpă.

Horiso 147:12

Ơ Jêrusalem, hơri bơnê bĕ kơ Kră Yang! Ơ Siôn, hơri ư-ang bĕ kơ Kră Yang 'Bok Kei-Dei ih!

I Ho 12:18

Na Yang Bơhngol 'lơ̆ng jur tơ Amasai pơm yŏng kơ pêng-jĭt 'nu bơngai, na sư khan: “Ơ Đawit, lu nhôn gah ih ngăl! Ơ kon drŏ-nglo Jese, lu nhôn oei hăm ih! Hiôk-hian, hiôk-hian bĕ kơ ih; hiôk-hian kơ bơngai bu tơgŭm ih Kră Yang 'Bok Kei-Dei gô tơgŭm ih!” Na Đawit sơng iŏk lu sư, pơchĕp ăn kơ lu sư pơm yŏng pơgơ̆r linh.

Luka 1:13

Mă-lei linh jang 'lơ̆ng ei khan kơ sư: “Ih 'nĕ kơ hli. 'Bok Kei-Dei kơtơ̆ng nơ̆r ih krao khan apinh sư wă kơ đei kon. Na akăn ih ning-mônh gô tơpŭ kơ minh 'nu kon drŏ-nglo. Na ih anăn sư Yôhan.

Horiso 99:4

Pơtao mơsêh mơyang, Sư 'mêm kơ tơdrong tơpăt; Ih pơjing kơjăp tơdrong hơtŏ hơnơ̆ng. Ih sek tơlang hăm tơdrong tơpăt trŏ lăm Jakôp

Horiso 144:8

Bơngai đei 'bơ̆r pơma hơlĕnh. Đei ti 'ma pơkă bơkuĕch.

Hôsia 1:9

Kră Yang khan kơ Hôsia: “Anăn bĕ sư Lôami, yua kơ lu iĕm ưh pă jing kon pơlei Inh dơ̆ng boih, noh wă khan Inh kư̆m ưh pă jing Kră Yang 'Bok Kei-Dei lu iĕm dơ̆ng.”

Bl 31:5

Păng khan kơ măr sư thoi âu: Inh 'bôh muh măt 'bă măr iĕm ưh pă gan hiôk hăm inh thoi sơ̆ boih, mă-lei Kră Yang 'Bok Kei-Dei, 'bă inh tơgŭm inh.

Bl 49:24

Đơ̆ng ti Kră Yang mơsêh Jakôp, Thoi noh hră sư huay kơ pơpơ̆; Đơ̆ng Kră Yang wei-lăng triu brĕ, noh tơmo kŭk Isơrael. Na 'bar pah ti sư jing pran.

Le 14:13

Môis drơ̆ng kon pơlei khan: 'Nĕ kơ hli ôh, oei mă kơjăp bĕ, na lăng lu iĕm gô 'bôh tơdrong dŏng pơklaih đơ̆ng Kră Yang năr âu, lu bơngai Êyiptơ mă lu iĕm 'bôh lu sư năr 'nâu, lu iĕm ưh pă đei layơ wă 'bôh lu sư dơ̆ng.

Le 20:20

Môis tơl khan: Lê̆ kơ hli, yua kơ Kră Yang 'Bok Kei-Dei jur wă pơlong lăng lu iĕm, wă kơ iĕm đei jơhngơ̆m hli yom kơ sư, na huay kơ pơm yoch hăm sư.

Êsai 50:9

Kră Yang Tih Hloh năm tơgŭm inh. Bơngai bu jâu inh khan yoch? Lăng to đĭ-đăng lu sư gô so thoi ao, mă mua reh hiah.

Da 6:16

Thoi noh pơtao athei krao Đaniel păng athei đe klơ̆m sư tơ lăm war dăm-brang. Pơtao khan kơ Đaniel thoi âu: Kră Yang 'Bok Kei-Dei mă ih oei bơ̆jang, gô pơklaih ih.

Da 10:12

Đơ̆ng noh bơngai ei khan thoi âu; ơ Đaniel 'nĕ kơ hli; yua kơ đơ̆ng nơ̆r blŭng-a mă ih đei đon hlôh drap kơkuh 'bơ̆t anăp Kră Yang 'Bok Kei-Dei ih păng lu nơ̆r ih pơma kơ Kră Yang 'Bok Kei-Dei kơtơ̆ng boih, yua kơ lu nơ̆r ih noh na inh truh tơ âu.

Hagai 1:13

Hagai bơngai Kră Yang wơh năm na khan tơbăt kơ kon pơlei kiơ̆ thoi nơ̆r Kră Yang bơtho tơbăt thoi âu: “Inh oei hơdai lu iĕm,” Kră Yang khan thoi noh.

Hagai 2:5

‘Nơ̆r pơgơ̆p mă Inh đei pơkă hăm lu iĕm, kơplah iĕm lĕch hloi đơ̆ng dêh char Êyiptơ hăm Yang Bơhngol Inh oei hơdai iĕm. 'Nĕ kơ hli ôh.’

Bl 26:24

Măng noh Kră Yang jur tơ sư păng khan: Inh boih Kră Yang 'Bok Kei-Dei Abraham, 'bă ih, 'nĕ kơ hli, Inh oei hơdai ih. Inh gô ăn thim tơdrong pŭn hiôk kơ ih păng ăn adrĕch adrung ih, jing lơlap, yua kơ Abraham đĭch đam Inh.

Lu 6:16

Kră Yang khan kơ sư: Inh gô oei hơdai ih, na ih gô blah kon pơlei Miđian jei ih thoi ih blah minh 'nu bơngai.

II Sam 22:19

Lăm năr truh kơ inh pơmat-tat lu sư bruh tơ inh. Mă-lei Kră Yang dŏng tơgŭm inh.

Horiso 18:36

Kră Yang pơih trong să tơ rim yak inh, Jơ̆nge inh huay kơ tơpling.

Horiso 33:12

Pŭn dêh char ayơ đei Kră Yang pơm 'Bok Kei-Dei sư. Adrĕch adrung ayơ mă Sư rơih pơm thoi tơmam Sư!

Êsai 35:4

Akhan bĕ kơ lu bơngai đei jơhngơ̆m hli tơtăm; “Chơ̆n jơhngơ̆m 'nĕ pă hli dơ̆ng! To, Kră Yang 'Bok Kei-Dei lu iĕm gô truh wă pơm 'mong păng pơrăm Sư gô truh dŏng pơklaih lu iĕm!”

Êsai 37:6

Êsai khan: “Roi bĕ kơ yŏng lu iĕm, Kră Yang đei khan thoi âu: ‘'Nĕ kơ hli ôh kơ dôm nơ̆r mă lu iĕm đei kơtơ̆ng bơih nơ̆r đơ̆ng lu đam pơtao Asiri, pơma blông kơ Inh.

Nhom 3:57

Năr inh krao Ih, Ih năm jê̆ inh boih, đei khan boih kơ inh: 'Nĕ kơ hli kơ kiơ!

Sa 10:6

Inh gô ăn kơ hnam Juđa jing pran păng dŏng pơklaih hnam Jôsep. Inh chông tơwih lu sư brŏk, yua kơ 'mêm mơnat kơ lu sư, lăng lu sư thoi Inh ưh tam layơ achăng lê̆ lu sư, yua kơ Inh Kră Yang lu sư, Inh gô tơl tơwih nơ̆r lu sư krao apinh.