Êsai 40:6 - Sơ̆p Hlabơar Nơ̆r 'Bok Kei-Dei

⁶ Đei nơ̆r khan: “Krao ôr bĕ!” Inh jet: “Inh gô krao lơliơ?” “Đĭ-đăng kon bơngai nhen thoi 'nhĕt. Tơdrong 'lơ̆ng sư nhen thoi pơkao tơ bri brah.

Êsai 40:6 Referans Kwoze

Horiso 102:11

Khei năr inh oei arih nhen thoi yơ̆p wă kơsơ̆ măng. Inh jô kro thoi 'nhĕt,

Jop 14:2

Chăl arih kon bơngai thoi pơkao, pơgê tơlang kơsơ̆ jô kro, Sư hloh hlôi thoi ngôi, ưh kơ dơ̆ng.

Êsai 58:1

“Krao ôr mă re bĕ 'nĕ kơ ĕnh, ôr jreo mă re thoi keng, roi tơbăt bĕ kơ kon pơlei Inh tơdrong lu sư pơm plơ̆. Păng pơm plơ̆ kơ hnam Jakôp tơdrong yoch lu sư.

Horiso 92:7

Mă khan lu bơngai pơm kơnê̆ chăt hrôh thoi 'nhĕt, Lu bơngai pơm kơnê̆ iung mơdrŏng, noh 'măn lê̆ kơ lu sư wă hiong răm ling-lang hlŏng hloi.

Je 31:6

Gô đei năr lu bơngai gak tơ kơpal kông Êphraim ôr krao: Iung bĕ bơ̆n tŏk tơ kông Siôn, năm kơkuh kơ Kră Yang, 'Bok Kei-Dei lu bơ̆n!’ ”

Je 2:2

“Năm roi bĕ tơ lăm đon kon pơlei Jêrusalem: ‘Inh 'blŏk kơ iĕm kơplah iĕm oei 'lơ̆p sơ̆, iĕm oei hơyuh 'mêm kơ Inh kơjăp thoi mŏ mai iĕm kiơ̆ Inh lăm char 'blach, tơ teh mă ưh kơ đei rei pơtăm.

Êsai 40:3

Đei nơ̆r krao: “Pơih bĕ trong lăm bri glă ăn kơ Kră Yang; hơmet bĕ trong mă tơpăt lăm teh glă ăn kơ Kră Yang 'Bok Kei-Dei lu bơ̆n.

Êsai 37:27

Lu kon pơlei, lăm pơlei noh đĭ hơwơ̆l hơwang rơdu bơih, hli tơrơ mơlâu, jing thoi 'nhĕt bri păng thoi 'nhĕt 'lơ̆p. Thoi 'nhĕt chăt kơpal bơbŭng hnam, tam mă bluh tơmơ̆ng đĭ jô kro.

Êsai 12:6

Ơ kon pơlei Siôn ôr hơri mă re bĕ! Yua kơ Kră Yang 'Lơ̆ng Rơgoh Isơrael jơ̆ tih hloh tŏk-bŏk lăm lu iĕm.”

Hôsia 5:8

Hlôm keng bĕ tơ pơlei Gibêah, Hlôm tơgiĕp tơ pơlei Rama. Ôr bĕ đei lu ayăt tơ pơlei Bêt Awen, ‘Ơ Bênjamin, nhôn tơ gah rŏng ih âu!

Êsai 51:12

Inh bơih, inh jơ̆ Tơ'ngla pơlung lu iĕm, iĕm 'nĕ kơ hli kơ kon bơngai juăt kơ lôch? Ngăl hli kơ kon bơngai tơdrong arih nhen thoi 'nhĕt.

Sa 1:14

Đơ̆ng noh linh jang mă oei pơma hăm inh, khan kơ inh thoi âu: “Ôr krao păng khan Kră Yang Tih hloh đei khan: ‘Yua kơ pơlei Jêrusalem păng Siôn jơhngơ̆m inh ơh gar dêh.