Êsai 40:28 - Sơ̆p Hlabơar Nơ̆r 'Bok Kei-Dei

²⁸ Lơliơ iĕm ưh kơ băt hă? Ưh tam kơtơ̆ng hă? Kră Yang arih ling-lang Sư bơih, Tơ'ngla pơjing plĕnh teh, ưh kơ gleh lap ôh; păng tơdrong hlôh băt Sư ưh kơ đei bu gơh hlôh.

Êsai 40:28 Referans Kwoze

Horiso 147:5

Kră Yang lu bơ̆n tih tơpă, đei tơdrong mơsêh mơyang. Tơdrong gơh hơgei Sư pă băt dang yơ.

Philip 1:6

'Bok Kei-Dei jô̆ iĕm jing bơngai 'lơ̆ng boih, na inh băt tơpă Sư gô tơgŭm iĕm ling-lang truh tơ năr Yêsu Krist jur ning-mônh.

I Tim 1:17

Bĕ bơ̆n ư-ang kơ 'Bok Kei-Dei, Sư Pơtao bơ̆n mă arih ling-lang. Đei minh 'nu Sư đĕch. Sư Kră Yang ưh kơ đei layơ lôch. Bơ̆n ưh kơ gơh 'bôh Sư ôh. Bĕ bơ̆n ư-ang kơ Sư ling-lang ưh kơ đei layơ tôch. A-men.

Êsai 40:21

Lu iĕm ưh kơ băt hă? Lu iĕm ưh tam kơtơ̆ng hă? Đe ưh tam mă bơtho khan ăn kơ iĕm đơ̆ng blŭng-a sơ̆ dah kiơ? Lu iĕm ưh tam hlôh hă đơ̆ng năr pơjing hơnă teh âu.

I Kor 2:16

Mă sơ̆p hla bơar 'Bok Kei-Dei kư̆m đei chih khan: “Dah bơngai bu hlôh băt tôm tơdrong 'Bok Kei-Dei, lei kuă kơ kiơ bơtho 'Bok Kei-Dei dơ̆ng?” Gah bơ̆n, Yang Bơhngol 'Lơ̆ng ăn kơ bơ̆n hlôh tơdrong Yêsu Krist.

Yo 14:9

Yêsu khan: “Ơ Philip, Inh oei păng lu iĕm đunh boih, lơliơ ih tam băt kơ Inh. Bơngai bu 'bôh Inh boih, bơngai 'noh dang 'bôh 'Bă Inh mơ̆n. Na lơliơ ih khan: ‘Tơ'bôh kơ nhôn 'Bă Ih bĕ, dôm noh boih nhôn wă’?

Bl 21:33

Abraham đei pơtăm minh tơnơm 'long plei me tơ Bêrsêba păng tơ anih noh sư krao khan kơ Kră Yang, Kră Yang 'Bok Kei-Dei mă arih ling-lang.

Hêbrơ 9:14

Tơ̆ng thoi ei, lei pham Yêsu Krist kăl hloh kơ dôm lu pham sem noh, yua kơ Sư rơgoh ling-lang ưh kơ đei yoch kiơ ôh. Pơthim kơ Sư Yang arih ling-lang tăm. Sư soi kơ 'Bok Kei-Dei hăm pham Sư kơdih, na pham Sư sut lê̆ đĭ dôm tơdrong yoch bơ̆n, pơm kơ jơhngơ̆m đon bơ̆n jing 'lơ̆ng tơpăt hăm 'Bok Kei-Dei wă kơ bơ̆n gơh jang kơ 'Bok Kei-Dei mă arih ling-lang.

Luka 24:25

Na Yêsu khan kơ bre sư thoi âu: “Ơ lu bơngai kơhlôh, biĕm anat tơpă kơ lui dôm tơdrong lu bơngai mă pơtruh nơ̆r 'Bok Kei-Dei khan lê̆ hơdrol đơ̆ng sơ̆.

I Kor 6:19

Akâu bơ̆n jing hnam Yang Bơhngol 'Lơ̆ng đơ̆ng 'Bok Kei-Dei ăn Sư oei lăm akâu bơ̆n. Na akâu bơ̆n ưh pă jing thoi lĕ tơmam bơ̆n ôh, dang jing tơmam 'Bok Kei-Dei boih,a

I Kor 6:9

Iĕm ưh kơ băt ôh hă lu bơngai pơm kơnê̆ ưh kơ gơh tŏk oei tơ dêh char 'Bok Kei-Dei ôh? Lu bơngai ngôi pơyô kư̆ kă, lu bơngai kơkuh kơ rup yang, lu bơngai plah klo kăn đe, lu bơngai tơduă drŏ-nglo tơngơ̆r băl,

Je 4:22

“Tơpă kon pơlei Inh bơlŭk, lu sư ưh kơ băt kơ Inh. Lu sư oei 'lơ̆p nge kơhlôh, lu sư ưh kơ wao, lu sư nŏng kơ pơm kơnê̆, mă ưh kơ băt pơm minh tơdrong 'lơ̆ng.

Horiso 90:2

Adrol kơ kông đak tam mă đei, teh hăm dêh char tam mă jing. Adrol kơ 'măng blŭng truh tơ ning-mônh Ih boih Kră Yang 'Bok Kei-Dei.

Êsai 45:22

Ơ đĭ-đăng lu bơngai oei jơ̆p anih tôch kơ teh. Wih brŏk bĕ tơ Inh na lu iĕm gơh klaih! Yua kơ Inh bơih Kră Yang 'Bok Kei-Dei, ưh kơ đei yang nai ôh.

Horiso 139:6

Tơdrong hơgei Ih, inh lăng hlĭch mơsêh tơpă. Kơjung dêh inh mah 'mơn pă truh!

Jang 13:47

Yua kơ Kră Yang pơkă kơ nhôn sơ̆ thoi âu: ‘Inh rơih ih pơm ŭnh pơchrang hơdah kơ đĭ-đăng khŭl bơngai, wă kơ đĭ-đăng khŭl bơngai jơ̆p kơ teh đak gơh klaih đơ̆ng tơdrong yoch.’ ”

Yo 5:17

Yêsu khan kơ lu bơngai Juđê ei thoi âu: “'Bă Inh oei jang ling-lang truh dang ei ưh kơ đei pơdơh na Inh athei jang lei-lăi thoi Sư mơ̆n.”

Markôs 16:14

Đơ̆ng rŏng kơ noh Sư tơ'bôh dơ̆ng akâu Sư kơ mơjĭt-mônh 'nu bơngai pơhrăm păng Sư kơplah lu sư oei sŏng sa. Na Sư lach kơ lu sư, kơlih kơ lu sư ưh kơ lui păng arăng kơ̆l, yua kơ lu sư ưh kơ lui kơ bơngai mă 'bôh Yêsu đơ̆ng rŏng kơ Sư iung arih đơ̆ng lôch.

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Horiso 138:8

Kră Yang gô pơm keh dôm tơdrong Sư pơkă kơ inh. Ơ Kră Yang, tơdrong 'mêm Ih oei oei ling-lang; Apinh Ih 'nĕ kơ lê̆ dôm tơdrong jang đơ̆ng ti Ih.

Êsai 59:1

Tơpă ti Kră Yang ưh kơ sĭ kơđeh ôh na mă ưh kơ gơh pơklaih; đon Sư kư̆m ưh kơ sĭ kơ klĭk ôh mă ưh kơ gơh kơtơ̆ng.

Both 33:27

Kră Yang 'Bok Kei-Dei arih ling-lang noh anih ih kơ'nơp, gah ala kơ ih đei tơpang ti Kră Yang drơng tơgŭm, Sư puh lê̆ lu bơngai ayăt 'bơ̆t anăp ih, Na sư khan: Pơrăm pơlôch lu sư bĕ.

I Kor 6:16

Bơngai bu ngôi hăm drŏ-kăn đi, bơngai 'noh dang lĕ minh sĕch minh akar hăm đi mơ̆n, kư̆m thoi sơ̆p hla bơar 'Bok Kei-Dei chih khan: “Bre sư jing minh sĕch minh akar.”*

Markôs 9:19

Na Yêsu khan kơ lu sư: “Ơ lu iĕm mă oei lui rơdu hơnơ̆ng, iĕm wă kơ Inh oei hơdai iĕm đunh dang yơ 'mơ̆i, na iĕm lui kơjăp? Iĕm wă kơ Inh gleh dang yơ 'mơ̆i na iĕm gơh pơklaih đe?” Na Yêsu khan kơ bơngai ei: “Năm ba kon ih tơ âu năm.”

Rom 16:26

Mă-lei dang ei 'Bok Kei-Dei tơbăt ăn kơ bơ̆n boih, Sư tơbăt ăn kơ bơ̆n lăm tơdrong lu bơngai pơtruh nơ̆r Sư chih roi sơ̆. Sư wă kơ đĭ-đăng bơngai jơ̆p kơ teh đak băt kơ tơdrong 'nao 'lơ̆ng Yêsu Krist, wă kơ đĭ-đăng bơngai lui kơ Sư.

I Sam 2:10

Ơ! Kră Yang; Ih gô pơrăm lu bơngai ayăt hĕch hoch đĭ. Đơ̆ng plĕnh Sư gô ăn grơ̆m re pơrăm lu đe noh; Kră Yang gô sek tơlang kơ đĭ-đăng bơngai. Sư gô ăn tơdrong pran kơtang kơ pơtao Sư Păng ăn tơdrong kĕ jei kơ bơngai mă Sư đei hling đak pơgang 'bâu phu.a

Je 10:10

Mă-lei Kră Yang jơ̆ 'Bok Kei-Dei sĭt; Sư jơ̆ Kră Yang 'Bok Kei-Dei arih; Pơtao ling-lang. Mưh Sư hil teh đak pơpơ̆; đĭ-đăng dêh char ưh kơ kĕ pŭ iŏk ôh dôm tơdrong Sư hil mĭl.”

Êsai 66:9

Kră Yang khan: “Inh bơih Tơ'ngla ăn jơ 'năr tơpŭ kon na khan ưh kơ ăn tơpŭ hă? Inh bơih ăn đei anăp na ưh kơ ăn hơiơch hă?” Kră Yang 'Bok Kei-Dei khan thoi noh.

Horiso 145:3

Kră Yang tih mơng, trŏ kơ bơnê ư-ang tơpă; Tơdrong tih Sư kon bơngai ưh kơ đei gơh pơtŏ pơting.

Êsai 37:26

Ih ưh tam kơtơ̆ng ôh hă, Inh wă pơm tơdrong noh đơ̆ng sơ̆ đunh bơih? Inh đei pơkă bơih đơ̆ng chăl sơ̆ dang ei Inh ăn tơdrong noh truh jing, noh wă kơ ih pơrăm lu pơlei tih kơjăp pơm kơ lu pơlei tih jing anih pơchah hĕch hoch đĭ.

Êsai 42:4

Sư ưh kơ gleh lap, ưh kơ bơ̆l hăl ôh, dĭng truh kơ pơjing tơdrong tơpăt hơnơ̆ng tơ teh đak âu, lu bŏl đak dơsĭ chang gô hơmĕng kơ khôi juăt sư.

Jop 38:18

Ih hăm gơh băt hlôh đĭ plei teh âu să tih dang yơ? Tơdah ih băt đĭ tơdrong 'noh, roi bĕ kơ inh.

Je 32:17

“Ơ Kră Yang! Ih boih Tơ'ngla yơ̆r ti man pơjing kơ plĕnh hăm teh âu hăm tơdrong mơsêh mơyang tih Ih. Ưh kơ đei tơdrong kiơ mă tơnat 'bơ̆t anăp Ih.