Êsai 40:18 - Sơ̆p Hlabơar Nơ̆r 'Bok Kei-Dei

¹⁸ Lu iĕm hăm gơh pơting Kră Yang 'Bok Kei-Dei hăm bu? Iĕm iŏk hơbŏ kiơ wă pơtih hăm Sư?

Êsai 40:18 Referans Kwoze

Êsai 46:5

Lu iĕm pơting Inh hăm bu? Păng lăng Inh hơtŏ kơ bu? Lu iĕm wă pơtŏ pơting Inh hăm bu? Wă kơ 'bôh bơ̆n lei-lăi?

I Sam 2:2

Ưh kơ đei bu 'lơ̆ng rơgoh thoi Kră Yang ôh, Ưh kơ đei bu nai thoi Ih; ưh kơ đei tơmo ayơ pĕng lu nhôn thoi Kră Yang 'Bok Kei-Dei.

Le 15:11

Ơ Kră Yang! Lăm lu yang bu yang, thoi Ih? 'Lơ̆ng rơgoh, mơsêh mơyang, mă đei ư-ang, Trŏ kơ hli, trŏ kơ pơyom, gơh pơm dôm tơdrong hlĭch chrơp.

Jang 17:29

“Iĕm pơm rup yang phŏ păng maih, dah hu, dah păng tơmo. Iĕm pơm rup yang kiơ̆ kơ iĕm tơchĕng đon iĕm kơdih đĕch. Mă-lei 'Bok Kei-Dei pơjing bơ̆n kon Sư, na bơ̆n 'nĕ tơchĕng 'Bok Kei-Dei thoi lĕ rup yang đĕch ôh.

Êsai 40:25

Tơ'ngla 'Lơ̆ng Rơgoh khan: “Lu iĕm wă pơting Inh hăm bu?” Bu hơtŏ hăm Inh?

Je 10:6

Ưh kơ đei yang kiơ thoi Ih ơ Kră Yang. Ih boih Kră Yang Tih Dêh, Ih mơsêh mơyang pran kơtang hloh.

Horiso 89:6

Yua kơ tơ plĕnh, hăm đei bu gơh pơtŏ hăm Kră Yang? Hăm đei bu lăm lu yang nhen thoi Kră Yang.

Jop 40:9

Ih hăm đei kơkŏng ti pran kơtang thoi Kră Yang 'Bok Kei-Dei ưh? Ih hăm gơh tơlĕch nơ̆r grơ̆m re thoi Inh ưh?

Mi 7:18

Hăm đei bu jing 'Bok Kei-Dei thoi Ih, huay kơ jô̆ yo kơ tơdrong kơnê̆ đe păng huay kơ 'blŏk tơdrong glăi đơ̆ng kon pơlei mă oei oei lăm pơlei Ih, Ih huay kơ oei blĕk khŏm khŏm, yua kơ Ih iŏk tơdrong 'mêm mơnat na hiôk chơt.

Horiso 89:8

Ơ Kră Yang 'Bok Kei-Dei Tih Hloh, bu mơsêh thoi Ih? Tơdrong 'lơ̆ng tơpăt Ih oei tăp dăr kơ Ih.

Le 9:14

'Bơ̆t jơ 'nâu, Inh gô tuh tơdrong pơmat jĭ lăm jơhngơ̆m ih đĭch đam ih; păng kon pơlei ih, wă kơ ih băt, jơ̆p kơ teh đak ưh kơ đei bu thoi Inh.

Le 8:10

Pơtao tơl khan: Năr dơning, Môis khan: Lei ăn kơ nơ̆r ih pơma noh jing thoi noh, wă kơ ih băt ưh kơ đei bơngai bu thoi Kră Yang 'Bok Kei-Dei lu nhôn.

Both 33:26

Ưh kơ đei bu thoi Kră Yang 'Bok Kei-Dei Jêsurun, Tơ'ngla, păr tơ lu tăl plĕnh, năm dŏng tơgŭm ih. Tơ lăm lu hơmơ̆l, Sư 'lơ̆ng rŏ hloh.

Le 20:4

Iĕm 'nĕ kơ pơm lu rup man kơdih, kư̆m 'nĕ pơm rup ayơ nhen thoi tơmam tơ kơpal plĕnh ti, dah tơ ala teh âu, dah tơ lăm ala đak sŭng.

Êsai 46:9

Lu iĕm athei 'blŏk hơdơ̆r bĕ chăl adrol sơ̆, yua kơ Inh bơih Kră Yang 'Bok Kei-Dei ưh kơ đei yang nai ôh; Inh jơ̆ 'Bok Kei-Dei ưh kơ đei bu dang Inh.

Horiso 113:5

Bu đei thoi Kră Yang 'Bok Kei-Dei lu bơ̆n? Tơ'ngla oei lăm anih kơpal hloh;

Hêbrơ 1:3

'Bă Sư thoi lĕ kơ măt 'năr, Kon Sư thoi lĕ kơ hơdah. Tơdrong hơbŏ Sư kư̆m thoi lĕ kơ 'Bă Sư, Sư pơgơ̆r đĭ-đăng kơ plĕnh păng teh, yua kơ Sư Yang, Sư mơsêh tơpă. Păng Sư đei jur tơ teh âu ăn akâu Sư kơdih dŏng pơklaih kon bơngai đơ̆ng tơdrong yoch. Đang tơdrong 'noh boih na Sư tŏk oei gah 'ma kơ 'Bă Sư pơgơ̆r tơ kơpal plĕnh ti.

Kôlôsê 1:15

Sư hơbŏ thoi 'Bă Sư 'Bok Kei-Dei Kră Yang mă bơ̆n ưh kơ gơh 'bôh. Kon Sư đei đơ̆ng blŭng-a sơ̆ adrol kơ đĭ-đăng tôm tơdrong.

Je 10:16

Tơmam Kră Yang 'Bok Kei-Dei 'măn kơ Jakôp ưh kơ trŏ thoi noh ôh, yua kơ Sư boih pơjing kơ đĭ-đăng tôm tơmam, mă bơngai Isơrael kư̆m adrĕch adrung Sư; Kră Yang Tih Hloh noh anăn Sư.

Both 4:15

Lu iĕm athei kơchăng bĕ kơdih, yua kơ lu iĕm ưh kơ đei 'bôh ôh akâu Kră Yang 'Bok Kei-Dei lu iĕm, đơ̆ng lăm tŏk-bŏk ŭnh lăm năr Sư pơma khan kơ lu iĕm tơ kông Hôrêp.

Horiso 89:7

Kră Yang 'Bok Kei-Dei trŏ kơ hli yom tơpă lăm khŭl Yang 'lơ̆ng rơgoh. Sư Kră Yang Tih Hloh. Trŏ kơ hli krưp hloh kơ lu Yang tăp dăr kơ Sư.

Êsai 44:6

Kră Yang pơgơ̆r plĕnh teh, Pơtao păng 'Bok huai iŏk Isơrael, Kră Yang Tih Hloh khan thoi âu: “Inh blŭng-a păng tuch-luch, 'nguaih kơ Inh ưh kơ đei Yang nai dơ̆ng ôh.

Je 10:1

Ơ bơngai Isơrael mơ̆ng bĕ Kră Yang khan kơ lu iĕm.