Êsai 40:1 - Sơ̆p Hlabơar Nơ̆r 'Bok Kei-Dei

¹ Kră Yang 'Bok Kei-Dei lu iĕm khan: Pơlung bĕ, pơlung bĕ kon pơlei Inh.

Êsai 40:1 Referans Kwoze

II Kor 1:4

Sư pơlung bơ̆n pơmat-tat wă kơ bơ̆n gơh pơlung lu bôl bơ̆n mă đei tơdrong pơmat-tat. 'Bok Kei-Dei pơlung bơ̆n thoi yơ, bơ̆n pơlung bôl thoi noh.

Êsai 51:12

Inh bơih, inh jơ̆ Tơ'ngla pơlung lu iĕm, iĕm 'nĕ kơ hli kơ kon bơngai juăt kơ lôch? Ngăl hli kơ kon bơngai tơdrong arih nhen thoi 'nhĕt.

Êsai 51:3

Kră Yang gô pơlung pơlei Siôn; Kră Yang gô ăn kơ rim anih sư đĭ bri juơ. Kră Yang gô pơm kơ teh sư lê̆ bri jing thoi pơgar Êđen. Char glă jing thoi pơgar Kră Yang; Tơ anih noh gô 'bôh đei tơdrong hiôk chơt, 'nă hal, nơ̆r bơnê păng nơ̆r hơri.

I Tes 4:18

Kơlih kơ thoi noh tơdrong âu gô đei tơpă, na dang ei dôm lu bơ̆n oei arih iŏk dôm lu nơ̆r âu tơguăt kơdih lăm đon bĕ păng pơlung dih băl wă kơ chơt hiôk.

Sa 1:13

Kră Yang iŏk dôm nơ̆r rơngơp nơ̆r pơlung tơl linh jang mă oei pơma hăm inh.

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Êsai 60:1

Iung bĕ pơchrang bĕ! Yua kơ tơdrong hơdah ih truh bơih, păng tơdrong ư-ang Kră Yang pơchrang kơpal ih.

Êsai 12:1

Lăm năr noh ih gô khan: “Ơ Kră Yang inh bơnê kơ Ih. Mă khan Ih hil mĭl kơ inh ră, mă-lei tơdrong Ih hil mĭl ưh pă đei bơih păng Ih pơlung inh bơih.

Êsai 52:9

Ơ lu anih bri juơ pơlei Jêrusalem, iung hơri hiôk chơt hơdai bĕ, yua kơ Kră Yang pơlung kon pơlei Sư, huai iŏk dơ̆ng bơih Jêrusalem.

Êsai 41:27

Inh bơih mă adrol hloh roi kơ Siôn khan: “Lăng, lu sư âu!” Inh gô wơh minh 'nu rup Yang năm roi tơdrong 'nao 'lơ̆ng tơ plei Jêrusalem.

Êsai 50:10

Bơngai bu lăm lu iĕm băt hli yom kơ Kră Yang, păng chu kiơ̆ kơ nơ̆r đĭch đam Sư Mă năm lăm măng mu păng ưh kơ đei hơdah. Gơnang bĕ kơ Anăn Kră Yang păng gơnang kơ Kră Yang 'Bok Kei-Dei sư kơdih.

Êsai 3:10

Khan bĕ kơ lu bơngai 'lơ̆ng tơpăt. Pŭn hiôk kơ lu sư; yua kơ lu sư gô đei sa plei đơ̆ng lu sư jang kơdih.

Horiso 85:8

Inh gô mơ̆ng dôm tơdrong kiơ Kră Yang 'Bok Kei-Dei khan; Sư gô ăn hiôk-hian kơ kon pơlei pơla Sư păng ăn kơ lu bơngai lui yom kơ Sư, Mă-lei 'nĕ pă lê̆ lu sư hơlơ̆k pơm kơtul kơwao dơ̆ng

Ne 8:10

Nêhêmi pơma khan kơ lu sư thoi âu: Năm sa bĕ tơmam kiơ bek, huch nhă bĕ sik hơmu 'ngam păng tơgŭm lu bơngai ưh kơ đei hơmet sa tơmam kiơ; yua kơ 'năr 'nâu jơ̆ năr 'lơ̆ng rơgoh, 'măn kơ Kră Yang lu bơ̆n. 'Nĕ kơ sơ'ngon, yua kơ tơdrong hiôk chơt đơ̆ng Kră Yang pơm kơ jơhngơ̆m lu iĕm pran.

Êsai 61:2

Wă roi tơbăt sơnăm Kră Yang mơnat, păng năr Kră Yang 'Bok Kei-Dei lu bơ̆n pơm tơwih; wă pơlung đĭ-đăng lu bơngai ơh sơ'ngon.

Êsêkiên 16:42

Tơdrong hil Inh gô ngach, tơdrong Inh gar ih ưh pă đei boih, Inh gô oei hiôk ưh pă hil dơ̆ng.

Horiso 85:3

Ih lê̆ boih tơdrong hil mĭl, iŏk lê̆ boih tơdrong Ih blĕk tơtŏ.

Bôk Bơthô 3:4

Đei năr nhơ̆m hmoi, đei năr hiôk chơt; Đei năr ơh sơ'ngon, đei năr hơri suang;

Sa 1:17

Ôr ră roi pă minh 'măng dơ̆ng bĕ thoi âu: ‘Lu pơlei tih Inh gô oei đei 'bĕnh kơ tơdrong hiôk jơnap, Kră Yang kư̆m oei pơlung Siôn păng oei rơih iŏk Jêrusalem.’ ”