Êsai 4:1 - Sơ̆p Hlabơar Nơ̆r 'Bok Kei-Dei

¹ Lăm năr noh tơpơh 'nu drŏ-kăn gô rôp pơkơ̆ng minh 'nu drŏ-nglo păng pơma khan: “Lu nhôn sŏng sa tơmam nhôn kơdih. Păng hrŭk hơbĕn ao nhôn kơdih; apinh ăn kơ đe krao nhôn anăn Ih; sŭt lê̆ lu tơdrong mơlâu lu nhôn.”

Êsai 4:1 Referans Kwoze

Bl 30:23

Sư anăp, tơpŭ kơ minh 'nu kon drŏ-nglo păng khan: Kră Yang 'Bok Kei-Dei ôp lê̆ boih tơdrong mơlâu đơ̆ng inh;

Êsai 2:17

Lu bơngai pơang gô tơjur lê̆ tơ ala păng tơdrong kon bơngai pơrŏ kơdih akâu gô mơlâu, lăm năr 'noh kơnh pôm Kră Yang đĕch trŏ kơ bơ̆n ư-ang.

Êsai 13:12

Inh gô pơm kơ kon bơngai khăi hloh kơ maih se; Inh gô pơm kơ kon bơngai khăi 'băi hloh kơ maih rơgoh đơ̆ng dêh Ôphir.

Luka 21:22

Năr noh kơnh trŏ kơ năr 'Bok Kei-Dei wă phak lu bơngai Juđê thoi sơ̆p hla bơar 'Bok Kei-Dei khan mă đơ̆ng sơ̆, gô trŏ kơ năr noh tơpă.

Luka 1:25

Akăn sư khan thoi âu: “Dang ei Kră Yang 'Bok Kei-Dei tơgŭm inh boih, đe huay pă pơma kơnê̆ kơ inh dơ̆ng boih.”

II Tes 3:12

Kră Yang Yêsu Krist wă kơ nhôn bơtho pơkă ăn kơ lu bơngai alah kơ jang thoi âu: Sư athei jang sa 'me klak akâu kơdih 'nĕ pă nŏng kơ chă ngôi.

Êsai 17:7

Lăm năr noh, kon bơngai gô tơchĕng 'blŏk gơnang kơ Tơ'ngla mă Pơjing sư, păng măt lu sư wơ̆t lăng tơ Kră Yang 'Lơ̆ng Rơgoh đe Isơrael.

Êsai 10:20

Lăm năr noh, dôm lu bơngai Isơrael mă oei oei. Dôm lu bơngai lăm adrĕch Jakôp oei klaih, gô ưh pă gơnang kơ bơngai mă pơrăm lu sư. Mă-lei gô gơnang sĭt kơ Kră Yang, Tơ'ngla 'Lơ̆ng Rơgoh Isơrael.

I Sam 1:6

Pênina jơ̆ păng pơklai jơhngơ̆m sư, yua kơ Kră Yang ăn kơ sư hơwŏng.

Êsai 2:11

Măt kon bơngai 'maih lăng pơrŏ gô mơlâu, tơdrong pơang kon bơngai gô tơhuŏng lê̆ tơ ala, lăm năr 'noh lăp minh 'nu Kră Yang đĕch bơ̆n ư-ang.

Êsai 3:6

Minh 'nu bơngai gô rôp pơkơ̆ng minh 'nu 'nhŏng oh sư tơ lăm hnam 'bă sư na khan: “Ih đei ao tai, ih pơgơ̆r lu nhôn! Păng tơdrong răm rai 'nâu ih bơih pơgơ̆r.”

Êsai 54:4

'Nĕ kơ hli; yua kơ iĕm gô ưh kơ đei mơlâu ôh. 'Nĕ kơ bơngơ̆t; yua kơ đe ưh pă pơm kơ iĕm mơlâu dơ̆ng bơih. Ih gô hiơt tơdrong mơlâu kơplah iĕm oei mơlôh sơ̆, păng ưh pă 'blŏk dơ̆ng tơdrong mơlâu kơplah iĕm adro.

Je 15:8

Inh gô ăn kơ drŏ-kăn adro rai lơ hloh kơ chuơh đak dơsĭ. Inh gô ăn bơngai năm pơrăm lu sư kơplah 'năr dơ̆ng, pơrăm lê̆ mĕ lu bơngai tơdăm. Inh gô tuh ăn tơdrong gleh truh kơ lu sư, jơhngơ̆m rŭng răng hli tơrơ.

II Sam 6:23

Thoi noh, Mikal; kon adruh Sôl, ưh kơ đei pơjing hơ'lơ̆p ôh truh tơ sư lôch.