Êsai 39:6 - Sơ̆p Hlabơar Nơ̆r 'Bok Kei-Dei

⁶ Âu, năr gô truh, dôm tơmam lăm anih hnam pơtao ih, dôm tơmam mă 'bok ih 'măn lê̆ lăm hnam đơ̆ng sơ̆ truh năr 'nâu, gô chĕp ba pơđĭ tơ dêh char Babilôn, ưh pă đei lê̆ minh pôm tơmam kiơ dơ̆ng, Kră Yang khan thoi noh.

Êsai 39:6 Referans Kwoze

II Pot 24:13

Thoi nơ̆r Kră Yang hlôi khan, pơtao Babilôn iŏk lê̆ đĭ dôm lu tơmam kăp đơ̆ng lăm hnam akŭm kơkuh kơ Kră Yang păng dôm lu tơmam gĭt đơ̆ng lăm hnam pơtao, teng iŏk lu tơmam yua lăm hnam akŭm kơkuh kơ Kră Yang mă Sôlômôn pơtao đe Isơrael hlôi pơm hăm maih.

Je 20:5

Inh kư̆m gô jao dôm lu mŭk tơmam pơlei âu, mŭk tơmam đơ̆ng lu sư chă jang sa, tơmam gĭt mă đei dang ei, tơpă, Inh gô jao ăn dôm lu hu maih pơtao Juđa lăm ti lu bơngai ayăt, gô tơgar iŏk na chĕp ba tơ Babilôn.

Da 1:2

Kră Yang 'Bok Kei-Dei jao Jêhôiakim, pơtao đe Juđa păng đei tơmam đơ̆ng hnam Kră Yang 'Bok Kei-Dei lăm ti Nebukatnessar. Sư anhăk ba tơmam noh brŏk tơ dêh Babilôn, tơmơ̆t lăm rông yang sư păng 'măn lê̆ tơ lăm hnam mong tơmam ăn kơ yang sư kơdih.

II Ho 36:18

Pơtao iŏk đĭ lu tơmam yua đơ̆ng lăm Hnam Kră Yang 'Bok Kei-Dei, tih dah iĕ lu tơmam gĭt lăm Hnam Kră Yang, lu tơmam gĭt pơtao păng tơmam gĭt lu yŏng pơgơ̆r, iŏk đĭ chĕp ba tơ dêh char Babilôn.

II Ho 36:10

Truh lăm bơyan puih, pơtao Nebukatnessar wơh đe năm rôp chông ba sư tơ dêh char Babilôn, kư̆m iŏk dôm tơmam 'lơ̆ng gĭt đơ̆ng lăm Hnam Kră Yang, na pôk Sêdêkia ma sư pơm pơtao pơgơ̆r dêh char Juđa păng pơlei Jêrusalem.

Êsêkiên 23:26

Lu sư gô plôh hơbĕn ao ih, lu sư gô iŏk đĭ tơmam pơguăng gĭt đơ̆ng ih.

Da 1:3

Pơtao pơkă kơ Aspenas, bơngai mă pơgơ̆r tơm lu linh krĕo, chă rơih iŏk lăm lu kon sâu Isơrael, lăm adrĕch pơtao păng lăm lu jang tih.