Êsai 39:4 - Sơ̆p Hlabơar Nơ̆r 'Bok Kei-Dei

⁴ Êsai jet: “Lu sư lăng kiơ lăm hnam pơtao?” Hesekia tơl khan: “Lu sư lăng đĭ dôm lu tơmam lăm anih hnam pơtao inh, ưh kơ đei anih tơmam gĭt kiơ lăm anih mă inh ưh kơ tơ'bôh ăn kơ lu sư lăng.”

Êsai 39:4 Referans Kwoze

I Yo 1:9

'Bok Kei-Dei pơm trŏ thoi Sư pơkă, Sư pơm tơpăt ling-lang. Kơlih kơ thoi noh na bơ̆n dah roi tơdrong yoch bơ̆n kơ Sư, na Sư gô pơklaih bơ̆n đơ̆ng tơdrong yoch tơpă păng 'nhao jơhngơ̆m bơ̆n đơ̆ng dôm tơdrong kơnê̆.

Tơdrông Pơđơk 28:13

Bơngai bu ôn tơdrong yoch sư ưh kơ đei pŭn hiôk; Mă-lei đei bu tơbral păng achăng lê̆ sư gô đei mơnat.

Tơdrông Pơđơk 23:5

Măt ih nŏng kơ lăng 'bloh tơ mơdrŏng hă? Ưh pă đei boih! Yua kơ sư đĭ chăt pơnăr păr tŏk tơ plĕnh thoi sem kring.

Jop 31:33

Inh ưh kơ đei ôn tơdrong yoch inh thoi Ađam. Na 'bŭ ôn tơdrong yoch kơnê̆ lăm jơhngơ̆m.

Jôsuê 7:19

Jôsuê khan kơ Akan: Ô dăm! Athei băt kơkuh ư-ang kơ Kră Yang 'Bok Kei-Dei Isơrael păng bơnê kơ Sư; roi tơbăt bĕ, kơ inh dăm ih đei pơm tơdrong kiơ boih, 'nĕ ôn kơ inh tơdrong noh.

Êsai 39:3

Êsai bơngai khan lê̆ adrol năm tơ pơtao Hesekia păng jet sư: “Lu bơngai noh pơma yă kiơ hăm ih? Păng lu sư đơ̆ng yơ năm ngôi tơ ih?” Hesekia tơl khan: “Lu sư đơ̆ng dêh ataih truh tơ âu, đơ̆ng dêh char Babilôn.”

Êsai 39:5

Êsai khan kơ Hesekia: “Apinh ih mơ̆ng nơ̆r Kră Yang Tih Hloh khan:

Je 17:3

Ơ Kông Inha kơpal teh dơnă, Inh gô ăn kơ lu linh ayăt tơgar iŏk đĭ, Lu hu maih păng mŭk tơmam gĭt hăm anih kơjung ih, yua kơ tơdrong yoch lu iĕm đei pơm tơ jơ̆p-jang tơring.