Êsai 38:18 - Sơ̆p Hlabơar Nơ̆r 'Bok Kei-Dei

¹⁸ Tơ dêh atâu ưh kơ gơh bơnê kơ Ih păng tơdrong lôch ưh kơ gơh ư-ang kơ Ih ôh, lu bơngai jur lăm sơlŭng jrŭ ưh kơ đei tơdrong chang hơmĕng kơ tơdrong tơpăt đơ̆ng Ih dơ̆ng.

Êsai 38:18 Referans Kwoze

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

Horiso 6:5

Yua kơ lăm tơdrong lôch đe pă đei 'blŏk kơ Ih bơih. Lăm pơlei lôch hăm pă đei bu bơnê ư-ang kơ Ih?

Horiso 30:9

“Hăm đei yua kiơ dah inh lôch, inh jur tơ lăm bơsat. 'Mui teh hăm gô bơnê kơ Ih? Gô pơm kơdranh kơ tơdrong tơpăt Ih hă?e

Mathiơ 25:46

Đơ̆ng noh 'Bok Kei-Dei phak lu sư tơ dơnâu ŭnh ling-lang ưh kơ layơ păt. Gah lu bơngai lui kơ 'Bok Kei-Dei 'lơ̆ng tơpăt, lu sư tŏk oei hơdai hăm 'Bok Kei-Dei ling-lang kư̆m ưh kơ layơ tôch.”

Mathiơ 8:12

Lu bơngai Juđê 'Bok Kei-Dei 'mêm kơeng kơ adrĕch adrung lu sư ră, mă-lei lu sư ưh kơ wă lui, na ning-mônh 'Bok Kei-Dei gô tơlơ̆ tŭk lu sư tơ lăm anih măng mu, lê̆ lu sư nhơ̆m hmoi tơkăp sơnĕnh tơ noh.”

Tơdrông Pơđơk 14:32

Bơngai kơnê̆ gô răm lăm tơdrong yoch sư pơm. Mă khan oei lăm anih lôch bơngai tơpăt đei anih gơnang.

Jo 16:33

Lu bơngai noh oei arih păng đĭ-đăng mŭk tơmam lu sư huŏng lăm pơlei lôch; teh 'bŭ klơ̆p pơđĭ lu sư hiong tôch ưh pă đei oei hơdai kon pơlei.

Horiso 28:1

Ơ Kră Yang, inh krao apinh Ih, Ơ tơmo inh 'nĕ kơ chĭt đon Hăm inh. Dah Ih ngăn kơ inh. Inh gô thoi bơngai wă huŏng tơ lăm sơlŭng jrŭ.

Horiso 6:6

Jơhngơ̆m inh đĭ boih, yua kơ inh ôr krao, Rim măng inh nhơ̆m, dĭng giơng mah hơiuh.