Êsai 38:16 - Sơ̆p Hlabơar Nơ̆r 'Bok Kei-Dei

¹⁶ Ơ Kră Yang, kon bơngai arih yua kơ đơ̆ng tơdrong ih 'nâu. Bơhngol inh arih kư̆m yua kơ tơdrong noh! Ih pơklaih inh, ăn kơ inh arih.

Êsai 38:16 Referans Kwoze

I Kor 11:32

'Bok Kei-Dei ăn kơ bơ̆n đei tơdrong chhŭr nuih thoi noh wă kơ bơ̆n tơbral kơdih tơdrong yoch, na Sư huay kơ phak bơ̆n hơdai lu bơngai ala teh âu ning-mônh.

Mathiơ 4:4

Yêsu khan: “Ưh ôh, yua kơ sơ̆p hla bơar 'Bok Kei-Dei đei chih khan lê̆ sơ̆ thoi âu: ‘Kon bơngai ưh kơ đei arih đơ̆ng tơmam sa đĕch ôh, kon bơngai arih yua kơ 'Bok Kei-Dei ăn.’ ”

Horiso 119:25

Bơhngol inh klep lăm 'mui teh. Tơiung pơrih inh dơ̆ng. Kiơ̆ kơ nơ̆r Ih.

Êsai 64:5

Ih sơng iŏk lu bơngai jơhngơ̆m hiôk pơm tơdrong tơpăt, păng lu bơngai 'blŏk kơ Ih năm kiơ̆ trong Ih. Ih hil bơih yua kơ lu nhôn pơm yoch. Đunh bơih lu nhôn oei lăm yoch noh, na wă gơh klaih liơ?

Horiso 71:20

Ih đei ăn boih kơ inh tơdrong gleh pơmat krưp: Ih gô pơrih inh păng pôk hơtŏk inh đơ̆ng sơlŭng jrŭ lăm teh đak.

Both 8:3

Sư ăn kơ iĕm pơngot 'me rong iĕm ăn kơ iĕm sa mana mă iĕm păng lu yă 'bok kư̆m tam mă biơh băt, wă bơtho iĕm băt, kon bơngai arih ưh kơ trŏ arih đơ̆ng tơmam sa đĕch ôh, mă-lei kon bơngai arih đơ̆ng nơ̆r Kră Yang.

II Kor 4:17

Nhôn iŏk tơdrong pơmat-tat dang ei kư̆m bưh, sư hơiơch 'biơ̆, nhôn hăt kơ chă tơdrong arih ling-lang ning-mônh ei kăl hloh.

Hêbrơ 12:9

Mĕ 'bă pơjing bơ̆n tơ teh âu, sư kư̆m bơtho pơjĭ bơ̆n na bơ̆n băt chu yom kơ sư. Na 'nei 'Bă Tơm tơdrong arih bơhngol bơ̆n; bơ̆n athei chu yom kơ Sư rai loi, na bơ̆n gơh arih ling-lang.

Horiso 39:13

Ơ Kră Yang! Apinh Ih mơnat kơ inh. Wă kơ inh đei jơhngơ̆m dơ̆ng, Adrol kơ inh wă năm păng ưh pă đei dơ̆ng.”

Horiso 119:71

Inh đei tơdrong pơmat, trŏ 'lơ̆ng tơpă. Wă kơ inh hŏk iŏk kiơ̆ khôi juăt Ih.

Horiso 119:75

Ơ Kră Yang, inh băt tơdrong Ih sek tơlang tơpăt. Noh đơ̆ng tơdrong Ih tơpăt. Na Ih pơm kơ inh pơmat-tat.

Horiso 30:3

Ơ Kră Yang, Ih iŏk pơklaih bơhngol inha đơ̆ng dêh atâu. Ih ăn kơ inh arih. Wă kơ inh huay kơ huŏng tơ sơlŭng jrŭ.b