Êsai 38:15 - Sơ̆p Hlabơar Nơ̆r 'Bok Kei-Dei

¹⁵ Inh wă pơma kiơ dơ̆ng? Kră Yang pơma hăm inh bơih, na Sư kư̆m gô pơm keh boih tơdrong noh. Đĭ chăl inh arih, inh gô arih sa pơyom, yua kơ lăm jơhngơ̆m chhŭr nuih.

Êsai 38:15 Referans Kwoze

Jop 7:11

“Yua kơ noh na inh ưh kơ ĕnh nơ̆r inh wă pơma; Yua kơ jơhngơ̆m inh sơ'ngon inh gô pơma; inh gô ôr mưh jơhngơ̆m inh pơmat dêh.

I Pot 21:27

Lăp Ahap kơtơ̆ng nơ̆r pơma noh, sư hek ao sư kơdih. Sư iŏk hrŭk ao 'bi păng ơ̆t kơ sŏng sa; sư 'bĭch kơpal 'bi păng chu iŏk đon ala.

Jop 10:1

Inh hăl dêh kơ tơdrong arih inh; Na inh gô tơtok ưh kơ hli; Inh gô roi pơma kơ tơdrong, jơhngơ̆m inh chhŭr nuih.

Yo 12:27

“Dang ei jơhngơ̆m Inh sơ'ngon 'biơ̆, na Inh wă pơma lơliơ? Dah Inh khan: ‘Ơ 'Bă, apinh Ih 'nĕ ăn tơdrong anat anot âu truh tơ Inh,’ lei ưh kơ trŏ ôh, kơlih kơ 'Bă Inh 'Bok Kei-Dei wơh Inh jur tơ teh âu wă kơ Inh pŭ tơdrong anat anot âu boih.

Jop 21:25

Bơngai to lôch, đĭ lăm chăl arih ơh sơ'ngon pơmat-tat. Ưh tam đei mơn 'bơm tơdrong pŭn hiôk liơ.

Esơra 9:10

Dang ei, ơ Kră Yang 'Bok Kei-Dei lu nhôn! Nhôn wă gơh pơma kiơ dơ̆ng yua kơ tơdrong truh boih? Yua kơ lu nhôn đei sơngah boih kơ nơ̆r Ih tơtă.

II Pot 4:27

Duch ei tŏk tơ kơpal kông tơkan năm jê̆ na kuăr jơ̆ng Êlisê bơngai mă Kră Yang 'Bok Kei-Dei yua. Gêhasi năm jê̆ wă dui lê̆ duch ei, mă-lei Êlisê bơngai mă Kră Yang 'Bok Kei-Dei yua, khan kơ Gêhasi: “Lê̆ sư thoi noh bơih, yua kơ jơhngơ̆m sư sơ'ngon tơdrong kiơ kiơ, Kră Yang 'Bok Kei-Dei ôn tơdrong noh, ưh kơ ăn inh băt.”

I Sam 1:10

Hana jơhngơ̆m sư rŭng răng ưh kơsŭk sư krao apinh Kră Yang sư nhơ̆m sơ'ngon dêh.

Jôsuê 7:8

Ơu! Ơ Kră Yang! Lei inh wă gơh pơma liơ dơ̆ng? Kon pơlei Isơrael đe đĭ druh blah.

Tơdrông Pơđơk 31:6

Ăn bĕ tơdrô et suai kơ bơngai wă jê̆ lôch, Ăn kơ lu bơngai ơh sơ'ngon dêh.

Êsai 38:17

Âu yua kơ đei tơdrong lơi yua kơ inh, na inh đei tơdrong chhŭr nuih lơ. Kră Yang 'mêm kơ inh rôp bơhngol inh kơjăp, wă kơ inh huay kơ huŏng lăm sơlŭng lôch răm; Kră Yang klơ̆m hŭt lê̆ bơih dôm tơdrong yoch inh tơ rŏng Ih.

Horiso 116:1

Inh 'mêm bơnê kơ Kră Yang, yua kơ Sư kơtơ̆ng nơ̆r inh. Păng kơtơ̆ng nơ̆r inh krao apinh