Êsai 38:13 - Sơ̆p Hlabơar Nơ̆r 'Bok Kei-Dei

¹³ Inh ôr tơngưih truh pơgê, nhen thoi dăm-brang Sư teh pơchah tơgơ̆ đĭ kơting inh, Kră Yang gô pơtôch lê̆ tơdrong arih inh kơ năr păng kơmăng!

Êsai 38:13 Referans Kwoze

Da 6:24

Kiơ̆ thoi pơtao đei athei, dôm lu bơngai đêl kêng Đaniel noh hăm lu kon akăn sư, athei đe klơ̆m lê̆ tơ lăm sơlŭng dăm-brang noh. Lu sư tam mă truh tơ kơđĕl sơlŭng ră mă-lei kơplah noh lu dăm-brang plŏng rôp hek hok kơting đĭ hloi.

Horiso 51:8

Ăn bĕ kơ inh tơdrong chơt hiôk 'nă hal. Wă kơ lu kơting kơtong mă Kră Yang gơ̆ lê̆ gô hiôk-hian.

Hôsia 5:14

Inh gô jing thoi dăm-brang kơ lu bơngai Êphraim, thoi kon dăm-brang kơ bơngai Juđa. Inh boih gô kăp hek lu sư, na yak hloi tơ nai. Inh gô chông ba, ưh kơ đei bu gơh plah dŏng lu sư ôh.

Horiso 50:22

Thoi noh, ơ lu bơngai hiơt kơ Kră Yang 'Bok Kei-Dei, lăng bĕ tơdrong 'nâu. Inh gô hek pơrăm ih, ưh kơ đei bu dŏng ôh.

Horiso 39:10

Apinh Ih iŏk lê̆ tơdrong teh bơtho đơ̆ng inh. Inh gleh pă kĕ đơ̆ng ti Ih teh bơtho.

I Pot 20:36

Na sư khan: “Yua kơ ih ưh kơ chu nơ̆r Kră Yang, na lăp ih weh đơ̆ng inh kơnh dăm-brang gô châu pơlôch ih.” Lăp sư weh, đei minh pôm Dăm-brang châu sư lôch hloi.

Horiso 7:2

Kơnh lu sư hek sa inh thoi dăm-brang, păng hek hơđah lê̆ akâu inh ưh kơ đei bu dŏng inh.a

Horiso 32:4

Kơmăng kơ'năr ti Kră Yang kơtĭt inh trăp dêh.a Tơdrong pran kơtang inh hrĕng krob thoi tŏ bơyan phang,

Nhom 3:4

Sư pơm kơ sĕch inh hơđang, akar inh tơhek păng kơting inh tơgơ̆.

Jop 7:6

“Chăl arih inh năm kuăng thoi kơtuăl brai đe wai, inh lôch tôch hiong ưh kơ đei hơmĕng kiơ.

Horiso 90:5

Ih pơm kơ lu sư hoch kiơ̆ đak lơ̆p ro. Thoi kơ tep lôch. Lu sư thoi hla 'nhĕt chăt hơdrih pơgê hrôih.