Êsai 38:1 - Sơ̆p Hlabơar Nơ̆r 'Bok Kei-Dei

¹ Kơplah noh pơtao Hesekia jĭ dêh wă jê̆ lôch; Êsai 'bok khan lê̆ adrol kon drŏ-nglo Amôt năm mơ̆t roi kơ pơtao păng khan: “Kră Yang khan thoi âu: Hơmet bĕ dôm tơdrong jang ih lăm hnam ih, yua kơ ih wă lôch, ưh pă arih bơih.”

Êsai 38:1 Referans Kwoze

II Ho 32:24

Kơplah noh Hesekia đei tơdrong jĭ wă jê̆ lôch; sư krao khan apinh Kră Yang păng Kră Yang ăn kơ sư hlĭch tơpă.

II Sam 17:23

Ahithôphel 'bôh đe ưh kơ wă kiơ̆ tơdrong sư pơđâu, na hao hloi aseh iĕ sư brŏk tơ hnam pơlei sư kơdih tơ Gilô. Đang kơ sư hơmet dôm tơdrong jang lăm hnam dơnŏ sư keh boih, sư hrek hơlŏng kơdih lôch. Đe 'bŭ sư hơdai tơ lăm bơsat 'bă sư.

Jôna 3:10

Kơplah noh Kră Yang 'Bok Kei-Dei 'bôh tơdrong lu sư hŭt achăng lê̆ đĭ trong kơnê̆, Kră Yang 'Bok Kei-Dei 'mêm mơnat ưh kơ pơrăm lu sư kiơ̆ thoi sư đei pơkă wă pơrăm.

Jang 9:37

Hơtai Pêtrôs oei tơ Pơlei Liđa, yă Đêka đei tơdrong jĭ sư lôch hloi. Đei bôl sư ôp arao 'nhao akâu atâu ei păng tơ'bĭch sư lăm hnam gah kơpal.

Jôna 3:4

Năr mă mônh Jôna pơtơm mơ̆t lăm pơlei, na bơtho khan: Oei pă puăn-jĭt năr dơ̆ng, Niniwe gô pơchah!

Êsai 37:21

Êsai kon drŏ-nglo Amôt wơh bơngai năm pơtruh nơ̆r kơ pơtao Hesekia: Kră Yang Kră Yang 'Bok Kei-Dei Isơrael khan thoi âu: Yua kơ ih đei krao khan apinh Inh wă pơm kơ Senakêrip, pơtao Asiri;

Êsai 37:2

Pơtao wơh Êliakim 'bok wei-lăng hnam pơtao, Sepna bơngai chih hla bơar păng lu kră lăm lu khŭl 'bok soi hơdai wang hrŭk asu 'bi, năm tơ Êsai 'bok khan lê̆ adrol kon drŏ-nglo Amôt.

Êsai 1:1

Êsai kon drŏ-nglo Amôt đei Kră Yang tơ'bôh kơ sư gah teh đak Juđa păng pơlei Jêrusalem, lăm chăl Usia, Jôtham, Ahas păng Hesekia lu pơtao teh đak Juđa.

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

II Sam 12:22

Pơtao tơl: “Kơplah nge noh oei arih, inh ơ̆t kơ por păng nhơ̆m hmoi yua kơ inh tơchĕng khan: ‘Băt rŏ lăng Kră Yang wă mơnat kơ inh, păng ăn kơ nge noh arih.’