Êsai 37:4 - Sơ̆p Hlabơar Nơ̆r 'Bok Kei-Dei

⁴ Rŏ lăng Kră Yang 'Bok Kei-Dei ih gô kơtơ̆ng dôm nơ̆r Rapsaka pơma, bơngai đơ̆ng pơtao Asiri wơh sư năm tơ âu wă pơma pơjăm Kră Yang 'Bok Kei-Dei arih ling-lang păng Kră Yang gô phak sư kiơ̆ thoi dôm nơ̆r mă Kră Yang 'Bok Kei-Dei kơtơ̆ng bơih, noh bơih ih krao khan bĕ kơ lu bơngai mă oei oei tơ âu!”

Êsai 37:4 Referans Kwoze

Êsai 36:20

Lăm lu yang dêh char noh tam đei yang ayơ dŏng pơklaih bơih dêh char sư klaih đơ̆ng ti inh ưh? Na liơ Kră Yang gơh dŏng pơklaih Jêrusalem đơ̆ng ti inh lĕ?

Êsai 1:9

Tơdah Kră Yang Tih Hloh ưh kơ lê̆ bơ̆n arih hơya tŏ sĕt, lei lu bơ̆n kư̆m răm lei-lăi thoi pơlei Sôđôm păng thoi pơlei Gômôrơ mơ̆n.

Êsai 10:22

Ơ lu bơngai Isơrael, mă khan adrĕch adrung iĕm lơ thoi chuơh cheng đak dơsĭ, lăp tŏ sĕt đĕch gô wih brŏk. Đei pơkă bơih wă pơrăm hăm tơdrong tơpăt hơnơ̆ng.

Horiso 106:23

Thoi noh; Sư khan: Sư wă pơlôch pơđĭ lu sư. Dah ưh kơ Môis, bơngai Sư rơih, dơ̆ng 'bơ̆t anăp Kră Yang 'Bok Kei-Dei.a Wă apinh Kră Yang 'Bok Kei-Dei lê̆ pă hil, huay kơ pơlôch đĭ lu sư.

Ya 5:16

Thoi noh na iĕm athei roi dih băl tơdrong yoch na bôl buăl krao khan tơgŭm, 'Bok Kei-Dei gô ăn kơ lu iĕm mă jĭ jăn klaih praih iung. Bơngai mă lui kơjăp ưh kơ đei tơdrong yoch sư krao khan adrin tơpă na 'Bok Kei-Dei gô tơl tơwih dôm tơdrong sư krao khan noh.

Rom 9:27

Gah tơdrong lu bơngai Isơrael, Êsai sư khan thoi âu: “Mă lu bơngai Isơrael lơlap lơlang dang pơlao chuơh dơsĭ, hui bơngai klaih đơ̆ng tơdrong yoch,

Am 5:15

Areh bĕ kơ tơdrong kơnê̆, na 'mêm bĕ kơ tơdrong 'lơ̆ng; pơm pơjing bĕ tơdrong 'lơ̆ng tơpăt 'bơ̆t 'măng jang pơlei. Rŏ lăng Kră Yang 'Bok Kei-Dei Tih hloh gô mơnat ăn kơ dôm lu bơngai Jôsep mă oei arih.

Jôel 2:17

Lu 'bok soi mă bơ̆jang kơ Kră Yang, nhơ̆m bĕ 'bơ̆t kơđeng cheng truh tơ chơnang soi, păng khan bĕ thoi âu: “Ơ Kră Yang, apinh Ih 'mêm mơnat kơ kon pơlei pơla Ih, păng 'nĕ ăn lu bơngai dêh đe pơ'brơh kơ kon pơlei pơla Ih, păng 'nĕ ăn kơ đe pơma khan thoi âu: ‘Tơ yơ Kră Yang 'Bok Kei-Dei lu sư?’ ”

Êsai 36:18

Kơchăng bĕ, kơnh hli kơ pơtao Hesekia pơhlŭ pơlung lu iĕm khan: ‘Kră Yang gô dŏng pơklaih lu bơ̆n hăm đei ưh yang lu teh đak đe nai, gơh dŏng pơklaih teh đak lu sư đơ̆ng ti pơtao Asiri?

Êsai 36:13

Đơ̆ng noh Rapsaka iung pơma rơ̆n hăm nơ̆r Juđa khan: “Mơ̆ng bĕ nơ̆r pơma đơ̆ng pơtao tih mơng, jơ̆ pơtao dêh char Asiri.

Horiso 50:21

Noh boih mă tơdrong ih đei pơm. Mă-lei Inh hreh đĕch Ih tơchĕng Inh lei-lăi kơ ih, Mă-lei Inh gô chrih kơ ih, păng jô̆ hloi ih yoch 'bơ̆t anăp ih.

II Ho 28:19

Yua kơ đơ̆ng Ahas, pơtao đe Isơrael,a na Kră Yang tơhuŏng lu bơngai Juđa, yua kơ Ahas pơm kơnê̆ lăm Juđa, ưh kơ chu Kră Yang.

II Pot 19:4

Rŏ lăng Kră Yang 'Bok Kei-Dei ih kơtơ̆ng bơih dôm nơ̆r Rapsaka bơngai mă pơtao đe Asiri yŏng sư wơh wă năm pơjăm Kră Yang 'Bok Kei-Dei mă arih ling-lang păng Kră Yang ih gô hil phak dôm nơ̆r mă Sư hlôi kơtơ̆ng. Thoi noh, inh apinh ih krao khan tơgŭm lu bơngai mă oei arih.”

II Pot 17:18

Yua kơ thoi noh Kră Yang hil mĭl dêh kơ lu bơngai Isơrael, puh tơweh lu sư đơ̆ng anăp Kră Yang ưh pă đei bu dơ̆ng oei pă khŭl Juđa đĕch bơih.

II Sam 16:12

Băt Kră Yang lăng 'bôh boih tơdrong pơmat-tat inh, na ăn tơdrong pŭn hiôk tơplih tơdrong sư hiap năr 'nâu.”

I Sam 17:36

Inh pơlôch boih dăm-brang păng chơgơu, thoi noh na bơngai Philistin to ưh kơ chu kăt tơdra akar tăm dơ̆ng inh kư̆m gô teh pơlôch sư thoi sem brem noh mơ̆n; yua kơ sư pơjăm lu linh Kră Yang 'Bok Kei-Dei mă arih ling-lang.

I Sam 17:26

Đawit jet lu bơngai ngôi jê̆ sư: Đe gô apah kiơ kơ bơngai gơh pơlôch bơngai Philistin 'nâu păng wă kơ huay pă pơjăm lu bơngai Isơrael dơ̆ng? Lu bơngai Philistin 'nâu, lu bơngai ưh kơ chu kăt tơdra akar, sư bu, na mă pơ̆n pơjăm lu linh Kră Yang 'Bok Kei-Dei arih ling-lang?

I Sam 14:6

Jônathan khan hăm bơngai chĕp tơmam tơblah sư: Bĕ ba khŏm năm truh tơ kơđông lu bơngai ưh kơ kăt tơdra akar 'noh.c Băt Kră Yang gô tơgŭm kơ ba; ưh kơ đei tơdrong kiơ găn Kră Yang ăn kơ jei bơ̆n mă bơ̆n tŏ sĕt dah lơ.

I Sam 12:23

Gah inh, inh ưh kơ pơdơh kơ krao khan kơ iĕm. Wă kơ inh huay kơ pơm yoch hăm Kră Yang. Inh gô bơtho tơ'bôh lu iĕm băt kơ trong 'lơ̆ng păng tơpăt.

I Sam 12:19

Đĭ-đăng lu sư khan kơ Samuel: Apinh ih krao khan apinh Kră Yang 'Bok Kei-Dei ih ăn kơ lu nhôn, wă kơ lu nhôn huay kơ lôch; lu nhôn đei apinh wă kơ đei pơtao noh nhôn pơthim ăn tơdrong yoch kơ lu nhôn.

I Sam 7:8

Na khan kơ Samuel khan: Apinh ih krao khan kơ Kră Yang ling-lang, wă kơ Sư dŏng pơklaih nhôn đơ̆ng ti bơngai Philistin.

Jôsuê 14:12

Hrei âu ăn bĕ kơ inh teh kông groi âu, mă Kră Yang pơkă boih wă ăn kơ inh lăm năr noh sơ̆, ih kư̆m kơtơ̆ng băt boih năr noh sơ̆ đei kon pơlei Anakim oei tơ noh păng đei pơlei tih să kơjăp, mă-lei đei Kră Yang tơgŭm inh, na inh gô pơpuh lu sư, kiơ̆ thoi Kră Yang khan boih.

Êsai 10:20

Lăm năr noh, dôm lu bơngai Isơrael mă oei oei. Dôm lu bơngai lăm adrĕch Jakôp oei klaih, gô ưh pă gơnang kơ bơngai mă pơrăm lu sư. Mă-lei gô gơnang sĭt kơ Kră Yang, Tơ'ngla 'Lơ̆ng Rơgoh Isơrael.

Êsai 11:11

Lăm năr noh kơnh, Kră Yang gô yơ̆r ti Sư pă minh 'măng dơ̆ng wă huai iŏk kon pơlei Sư mă oei đei đơ̆ng lăm teh đak Asiri, Êyiptơ, Patrôs, Êthiôpi, Êlam, Sinar, Hamat păng đơ̆ng lu bŏl đak dơsĭ.

Êsai 37:5

Lu đam kơiĕng Hesekia năm truh tơ Êsai:

Êsai 37:17

Ơ Kră Yang, apinh Ih pơgling đon mơ̆ng bĕ! Ơ Kră Yang apinh Ih pơih măt lăng bĕ! Apinh ih mơ̆ng bĕ dôm nơ̆r Senakêrip gơih wă pơma blông 'bơm Kră Yang 'Bok Kei-Dei arih ling-lang!

Êsai 37:31

Lăm adrĕch adrung Juđa bơngai oei arih gô Sôr rơh tơ ala păng gô đei plei tơ kơpal.

Êsai 37:32

Lu kon pơlei mă oei arih gô lĕch đơ̆ng Jêrusalem păng đơ̆ng kông Siôn lu bơngai noh gô oei tơ jơ̆p kơ dêh char jơhngơ̆m Kră Yang Tih Hloh wă pơm ngei tơdrong noh.

Êsai 46:3

Ơ adrĕch adrung Jakôp mơ̆ng Inh bĕ păng đĭ-đăng lu iĕm mă oei oei lăm adrĕch adrung Isơrael, Inh bơih pŭ pôk lu iĕm đơ̆ng năr 'nao tơpŭ kơ iĕm, kơ'mĭn lu iĕm đơ̆ng lăm klak mĕ iĕm.

Je 26:19

‘Hesekia, pơtao đe Juđa păng đĭ kon pơlei Juđa wă pơlôch Mika mơ̆n hă? Ưh kơ trŏ yua kơ pơtao hli yom kơ Kră Yang, na krao apinh Kră Yang mơnat ăn; na Kră Yang tơplih đon huay kơ pơrăm lu sư thoi Kră Yang pơkă wă pơrăm lu sư. Bĕ lu bơ̆n 'nâu pă 'biơ̆ wă pŭ iŏk tơdrong pơrăm kơ lu bơ̆n kơdih.’ ”

Je 42:2

năm apinh lung Jêrêmi: “Mơ̆ng bĕ nơ̆r lu nhôn apinh ih krao apinh Kră Yang 'Bok Kei-Dei ih tơgŭm lu nhôn, lu bơngai mă oei oei âu. Sơ̆ lu nhôn oei lơ kơdrâ̆m, dang ei oei pă tŏ sĕt, thoi ih 'bôh âu.

Da 2:18

Sư apinh buăl sư krao khan hơpơi kơ Kră Yang 'Bok Kei-Dei mơnat kơ lu sư tơ'bôh ăn tơdrong hlơp noh, wă kơ Đaniel hăm lu buăl sư huay kơ đe pơlôch, hơdai hăm lu bơngai hơgei đe Babilôn.

Am 7:2

Đơ̆ng rŏng kơ lep sa đĭ 'nhĕt lăm teh boih, inh khan: Ơ Kră Yang, inh apinh Ih mơnat ăn! Liơ Jakôp gơh kĕ arih? Yua kơ sư tŏ sĕt păng tơrăn dêh.

II Ho 34:21

“Năm krao apinh bĕ Kră Yang kơ inh kơ lu bơngai Isơrael oei arih hlot păng lu bơngai Juđa gah dôm nơ̆r mă đei chih lăm sơ̆p hla bơar mă 'nao 'bôh âu khan; kơ tơdrong Kră Yang hil mĭl mă truh tơ lu bơ̆n tih tơpă, yua kơ lu 'bok bơ̆n sơ̆ ưh kơ wă mơ̆ng păng ưh kơ chu kiơ̆ nơ̆r Kră Yang, kư̆m kuă kơ pơm kiơ̆ nơ̆r mă đei chih lăm sơ̆p hla bơar âu.”

Êsai 1:8

Adruh Siôn ưh pă đei bu oei tơ noh, thoi đe tŭk lê̆ pơk mir hơmu, thoi pơk mir mơkai, thoi pơlei đe wang.

Êsai 41:14

Ơ adrĕch Jakôp thoi hơdrông, ơ lu kon pơlei Isơrael, 'nĕ kơ hli kơ kiơ, Inh gô tơgŭm iĕm, Kră Yang pơma thoi noh, Tơ'ngla 'Lơ̆ng tơpăt đe Isơrael păng Tơ'ngla huai iŏk lu iĕm.