Êsai 36:10 - Sơ̆p Hlabơar Nơ̆r 'Bok Kei-Dei

¹⁰ Hloh kơ noh dơ̆ng, ưh kơ trŏ đơ̆ng Kră Yang athei inh tŏk blah dêh âu păng wă pơlôch pơrăm sư hă? Kră Yang 'mơ̆i athei inh năm blah dêh âu păng athei pơrăm pơlôch đĭ sư.”

Êsai 36:10 Referans Kwoze

II Pot 18:25

Hloh kơ noh dơ̆ng, nhôn năm blah dêh 'nâu, nhôn ưh kơ kiơ̆ thoi nơ̆r Kră Yang athei hă? Kră Yang khan kơ inh: Năm blah dêh âu bĕ păng pơrăm lê̆ sư.”

I Pot 13:18

Bơngai khan lê̆ adrol kră 'noh tơl sư khan: “Inh kư̆m dai bơngai khan lê̆ adrol lei-lăi thoi ih. Đei minh 'nu linh jang 'lơ̆ng Kră Yang khan kơ inh: ‘Ih athei chông ba sư brŏk tơ hnam ih sŏng sa, nhă đak.’ ” Mă-lei bơngai khan lê̆ adrol kră hơlĕnh kơ sư.

II Ho 35:21

Nêkô wơh bơngai năm khan kơ Jôsia: “Ơ pơtao đe Juđa, inh hăm ih hăm đei tơdrong kiơ? Năr 'nâu inh ưh kơ sĭ năm wă blah ih ôh, mă-lei năm blah lu bơngai ayăt hăm dêh char nhôn. Kră Yang 'Bok Kei-Dei khan kơ inh jah mă tĕnh; lei pơdơh bĕ, 'nĕ pă tơblah hăm Kră Yang 'Bok Kei-Dei, Tơ'ngla mă oei hơdai inh, hli kơnh Sư pơlôch pơrăm ih.”

Am 3:6

Dah đe hlôm keng lăm pơlei tih, hăm trŏ lu kon pơlei hli? Tơdah Kră Yang ưh kơ đei pơm lei hăm đei tơdrong truh kơ pơlei noh ưh?

Êsai 37:28

Inh băt kơ ih, kơplah ih hơ-oei, kơplah ih năm kơplah ih truh, kơplah ih iung hil wă blah Inh.

I Pot 22:6

Thoi noh na pơtao đe Isơrael krao akŭm đei puăn-hrĕng 'nu lu 'bok khan lê̆ adrol, na jet lu sư: “Inh hăm gơh năm blah pơlei Ramôt Gileat ưh dah lê̆ đĕch?” Lu sư khan: “Gơh mơ̆n, năm blah bĕ, yua kơ Kră Yang gô jao pơlei 'noh lăm tơpang ti ih.”

I Pot 22:12

Đĭ-đăng lu bơngai khan lê̆ adrol pơma lei-lăi: “Tŏk blah bĕ pơlei Ramôt Gileat gô jei ih tơpă; “Kră Yang gô pơjao pơlei 'nâu lăm tơpang ti ih.”