Êsai 35:4 - Sơ̆p Hlabơar Nơ̆r 'Bok Kei-Dei

⁴ Akhan bĕ kơ lu bơngai đei jơhngơ̆m hli tơtăm; “Chơ̆n jơhngơ̆m 'nĕ pă hli dơ̆ng! To, Kră Yang 'Bok Kei-Dei lu iĕm gô truh wă pơm 'mong păng pơrăm Sư gô truh dŏng pơklaih lu iĕm!”

Êsai 35:4 Referans Kwoze

Hagai 2:4

Dang ei Kră Yang khan: ‘Ơ Sôrôbabel ih athei nuih kơtang bĕ; ih Jôsua, kon drŏ-nglo Jêhôsađak, 'bok soi tơm, kư̆m athei nuih kơtang Kră Yang khan dơ̆ng: Đĭ-đăng kon pơlei kơpal teh, lu iĕm kư̆m athei nuih kơtang păng bơ̆jang bĕ; yua kơ Inh oei hăm iĕm,’ Kră Yang Tih Hloh khan thoi noh.

Êsai 34:8

Yua kơ Kră Yang đei minh năr wă pơm 'mong. Đei sơnăm Sư wă pơm tơwih yua kơ pơlei Siôn.

Êphêsô 6:10

Tơdrong inh chih hơpong kơ iĕm wă jê̆ tôch boih, mă-lei oei đei pă minh tơdrong âu kăl tơpă, na inh wă roi tơbăt ăn kơ iĕm: Bơ̆n athei gơnang kơ Yêsu hăm đĭ jơhngơ̆m, yua kơ Sư Kră Yang mơsêh tăp pang mơyang tăp dăr gơh pơm tôm tơdrong, na wă kơ Sư tơgŭm bơ̆n gơh đei jơhngơ̆m pran.

Êsai 33:22

Tơpă, Kră Yang bơih Tơ'ngla sek tơlang lu bơ̆n, Kră Yang Tơ'ngla pơjing ăn kơ lu bơ̆n khôi juăt, Sư bơih Kră Yang pơtao lu bơ̆n, sư bơih Tơ'ngla dŏng pơklaih lu bơ̆n!

Êsai 61:2

Wă roi tơbăt sơnăm Kră Yang mơnat, păng năr Kră Yang 'Bok Kei-Dei lu bơ̆n pơm tơwih; wă pơlung đĭ-đăng lu bơngai ơh sơ'ngon.

I Ho 28:20

Đawit khan kơ Sôlômôn kon drŏ-nglo sư: “Mă pran kơjăp jơhngơ̆m đon na bơ̆jang; 'nĕ kơ hli, 'nĕ kơ bơ̆l hăl, yua kơ Kră Yang 'Bok Kei-Dei 'bă oei hơdai hăm kon; Sư ưh kơ đei layơ achăng hŭt kon, dĭng truh tơ tơiung hnam Kră Yang keh đang.

Luka 21:28

Lăp iĕm pơtơm 'bôh dôm tơdrong noh hei na iĕm hiôk chơt, yua kơ 'Bok Kei-Dei wă dŏng pơklaih iĕm boih.”

Êsai 25:9

Lăm năr noh kơnh, đe gô khan: “Âu bơih Kră Yang 'Bok Kei-Dei bơ̆n, mă lu bơ̆n đei chang gô Sư dŏng pơklaih bơ̆n. 'Nâu bơih Kră Yang mă lu bơ̆n chang gô Sư. Bĕ lu bơ̆n 'nă hal chơt hiôk kơ tơdrong Sư dŏng pơklaih!”

Da 10:19

Sư khan kơ inh thoi âu: Ơ bơngai mă Kră Yang 'Bok Kei-Dei 'mêm, 'nĕ kơ hli; hơpơi kơ ih đei tơdrong pŭn hiôk oei hăm ih. Pran kơtang bĕ! Tơpă, pran kơtang bĕ! Kơplah sư oei pơma hăm inh, na inh đei jơhngơ̆m pran, na inh khan: Ơ yŏng tơ'ngla, pơma bĕ, yua kơ ih đei pơm boih kơ inh jing pran.

Êsai 44:2

Kră Yang khan thoi âu: Inh Tơ'ngla pơjing lu iĕm, man lu iĕm oei đơ̆ng lăm klak mĕ, păng gô tơgŭm lu iĕm: Ơ Jakôp đam Inh păng Jêsurun mă Inh rơih iŏk bơih 'nĕ kơ hli.

Tơdrông Tơ'bôh 22:20

'Bok mă pơm kơdranh kơ dôm tơdrong âu Sư khan: “Inh wă jê̆ jur tơpă.” Tơpă, ơ Kră Yang Yêsu, dah jur bĕ.

Tơdrông Tơ'bôh 2:10

Iĕm 'nĕ hli mă tơdrong wă truh kơ iĕm kơnh pơgê, yua kơ yang kơnê̆ wă tah lu iĕm mơ'nah tơ lăm hnam phak, wă pơlong lăng tơdrong lui iĕm. Iĕm oei tơ lăm hnam phak dang mơjĭt năr đe đei pơm kơ iĕm pơmat-tat dêh, mă-lei apinh iĕm adrin bĕ truh lôch, đơ̆ng noh na Inh gô tơ'băk kơ iĕm agăl pơkao tơdrong arih ling-lang.

Êsai 32:4

Kơ̆l 'ngok lu bơngai hăt hot gô băt păng hlôh wao, hơpiĕt lu bơngai pơma hơrăk gô gơh pơma rơđah.

Tơdrông Tơ'bôh 1:7

Ning-mônh Sư wă jur tơ bơ̆n hăm hơmơ̆l. Đĭ-đăng kon bơngai gô 'bôh Sư. Lu bơngai mă pơ̆ng pơlôch Sư tơ 'long pơglang sơ̆ kư̆m 'bôh Sư mơ̆n. 'Bơ̆t noh kơnh đĭ-đăng khŭl kon bơngai jơ̆p kơ teh đak nhơ̆m hmoi 'bơ̆t anăp Sư; tơpă, trŏ kơ nhơ̆m hmoi tơpă mơ̆n. A-men.

II Tim 2:1

Ơ dăm, ih athei adrin jang tơdrong Kră Yang Yêsu Krist pran kơtang. Sư boih gô ăn kơ ih jing pran.

Hôsia 1:7

Mă-lei Inh gô 'mêm mơnat kơ adrĕch Juđa; Inh Kră Yang 'Bok Kei-Dei lu sư gô dŏng pơklaih lu sư, Inh ưh kơ pơklaih lu sư hăm hră dah hăm đao gưm ôh; dah tơdrong tơblah, hăm aseh, dah hăm bơngai hao aseh ôh.

Êsai 66:15

Lăng to, Kră Yang gô truh hăm ŭnh păng gre aseh Sư nhen thoi kial hơbŭt, wă pơm tơwih tơdrong ơh blĕk Sư hăm tơdrong hil mĭl, păng tơdrong Sư chrih nhen thoi pla ŭnh khơ̆ng.

Hêbrơ 9:28

Kư̆m thoi noh Yêsu jur lôch minh 'măng noh sơ̆ wă pơrăm tôm tơdrong yoch hloi. Mă pă 'măng Sư jur Sư ưh pă pơrăm tơdrong yoch boih, Sư jur wă iŏk dôm lu bơngai mă oei chang gô Sư dang ei.

Malachi 3:1

“'Nâu, Inh đei wơh bơngai pơtruh nơ̆r Inh, sư gô pơih trong adrol kơ Inh; păng Kră Yang mă lu iĕm chơchă Sư gô blư truh mơ̆t tơ lăm hnam akŭm 'Bok Kei-Dei, wă khan linh jang khan nơ̆r Sư pơgơ̆p hăm iĕm mă lu iĕm oei chang gô. 'Nâu, Sư truh!” Kră Yang khan thoi noh.

Habakuk 2:3

Yua kơ tơdrong tơ'bôh gô 'blep trŏ lăm năr đêl pơkă, gô keh thoi noh, ưh kơ đei pơngiĕl ôh; tơdah sư hiơ̆ 'biơ̆, ih kư̆ gô; yua kơ gô truh tơpă, ưh kơ hiơ̆ ôh.

Êsai 28:16

Na Kră Yang khan thoi âu: “Inh dan tơ Siôn minh pôm tơmo tih, minh pôm tơmo đe pơlong lăng bơih, jơ̆ tơmo mum hnam gĭt kăl dêh, pơm hơnă jrăng kơjăp, bu lui gơnang jơhngơ̆m sư gô huay kơ hli ôh.

Horiso 116:11

Lăm năr inh hli tơtăm inh khan: “Rim 'nu bơngai tă kơ pơma hơlĕnh ngăl.”

Horiso 50:3

Kră Yang 'Bok Kei-Dei lu bơ̆n truh ưh kơ đei ngăn đĕch ôh. 'Bơ̆t anăp Sư đei pla ŭnh soh chhông Tăp dăr kơ Sư đei hơbŭt hơbang tih tơpă.

Êsai 1:24

Thoi noh bơih na Kră Yang Tih Hloh, Tơ'ngla Mơsêh Mơyang lu bơngai Isơrael khan: “Âu! Inh gô tuh tơdrong hil tơ lu bơngai blah Inh păng pơm 'mong kơ lu bơngai ayăt kơ Inh!

I Tes 5:14

Ơ 'nhŏng oh, nhôn pơkă kơ iĕm thoi âu: Iĕm athei bơtho bơngai alah wă kơ sư pơnam. Iĕm athei pơma dơnuh kơ bơngai sơ'ngon wă kơ sư hiơt kơ tơdrong sơ'ngon huay pă ơh klai dơ̆ng. Bơtho lu bơngai lui rơdu wă kơ sư lui kơjăp. Đe hơwĕng hil areh kơ iĕm, iĕm athei lê̆ đĕch.

Horiso 94:1

Ơ Kră Yang, Ih boih Kră Yang 'Bok Kei-Dei, iung kơting. Ih boih Kră Yang 'Bok Kei-Dei iung kơting. Pơchrang bĕ tơdrong Ih hil mĭl.

Horiso 145:19

Sư ăn tôm mah kơ lu đe bu hli yom kơ Sư. Kŭm mơ̆ng nơ̆r lu sư krao apinh păng dŏng pơklaih lu sư.

Êsai 7:4

Na khan kơ sư: ‘Ih kơchăng oei mă hơđơ̆ng bĕ, 'nĕ kơ hli, 'nĕ kơ rơdu ôh, yua kơ đei 'bar tŏ 'long ŭnh sa lĕch 'nhui noh wă khan tơdrong hil blĕk lĕch đơ̆ng Rêsin, Siri păng kon drŏ-nglo Rêmalia.

Êsai 37:6

Êsai khan: “Roi bĕ kơ yŏng lu iĕm, Kră Yang đei khan thoi âu: ‘'Nĕ kơ hli ôh kơ dôm nơ̆r mă lu iĕm đei kơtơ̆ng bơih nơ̆r đơ̆ng lu đam pơtao Asiri, pơma blông kơ Inh.

Êsai 37:20

Ơ Kră Yang, Kră Yang 'Bok Kei-Dei lu nhôn, dang ei apinh Ih dŏng pơklaih lu nhôn đơ̆ng ti Senakêrip, wă kơ rim teh đak băt kơ minh Ih đĕch Kră Yang!

Êsai 40:2

Pơma bĕ kơ pơlei Jêrusalem mă hiôk păng roi khan tơdrong lu sư pơm đĭch tôch đĭ bơih, tơdrong yoch lu sư mơnat ăn bơih, lu sư chu iŏk bơih đơ̆ng ti Kră Yang mơnat 'bar wơ̆t hloh kơ tơdrong yoch lu sư.

Êsai 47:3

Akâu hoh ih gô pơdah tơ 'nguaih Tơdrong mơlâu ih gô 'bôh! Inh gô pơm 'mong plơ̆, ưh kơ đei lon minh 'nu bu ôh.

Êsai 49:4

Mă-lei inh khan: “Inh jang gleh lap hŭt đĕch. Inh huach jơhngơ̆m ưh kơ yua păng tơdrong kơ đei. Mă-lei tơpă tơdrong tơpăt inh tơ lăm Kră Yang, tơdrong apah bơnê inh tơ lăm Kră Yang 'Bok Kei-Dei inh.”

Êsai 49:25

Mă-lei Kră Yang khan thoi âu: “Tơpă, lu bơngai bơnă gô tơgar iŏk đơ̆ng lu bơngai pran kơtang. Păng gô pơdrâu iŏk tơmam đơ̆ng bơngai nuih, Inh gô tơblah hăm lu bơngai blah lu iĕm, păng Inh bơih gô pơklaih kon hơ'lơ̆p iĕm.

Êsai 59:18

Kră Yang pơm tơwih kiơ̆ kơ tơdrong jang lu sư pơm. Kră Yang hil mĭl kơ lu bơngai blah Sư, pơm 'mong kơ lu bơngai ayăt kơ Sư. Sư gô pơm tơwih kơ lu bơngai oei tơ bŏl đak dơsĭ.

Êsai 63:4

Lăm jơhngơ̆m Inh pơkă bơih kơ năr wă pơm 'mong, păng sơnăm mă Inh dŏng pơklaih truh bơih.

Da 10:18

Dang ei inh đei 'bôh dơ̆ng bơngai mă hơbŏ thoi bơngai drŏ-nglo tơdăm năm tơ inh păng pơm kơ inh đei jơhngơ̆m pran dơ̆ng.

I Sam 23:17

Jônathan khan kơ Đawit: Ih 'nĕ kơ hli; ti Sôl, 'bă inh, ưh kơ gơh hơtŭt 'bơm kơ ih ôh. Ih gô pơm pơtao lu bơngai Isơrael, gah inh gô pơm yŏng pơgơ̆r, mă 'bar đơ̆ng rŏng ih Sôl 'bă inh, kư̆m băt hơđăl dôm tơdrong noh.

Êsai 31:5

Nhen thoi sem păr tơ kơpal bơwei kon sư thoi yơ, kư̆m lei-lăi thoi noh mơ̆n Kră Yang Tih Hloh gô bơwei Jêrusalem, Sư gô wei-lăng păng dŏng pơklaih, Sư gô găn lê̆ păng pơklaih lu sư.”