Êsai 33:23 - Sơ̆p Hlabơar Nơ̆r 'Bok Kei-Dei

²³ Tơlei lu ayăt chô̆ lu iĕm tơlang lê̆ bơih, ưh pă chô̆ tơ jrăng păng ưh pă dăng che duk noh dơ̆ng. Kơplah noh đe gô klah asong băl lơ lu tơmam đêl blah tơgar iŏk, mă lu bơngai jopo kư̆m gô đei iŏk tơmam đêl blah tơgar noh mơ̆n.

Êsai 33:23 Referans Kwoze

II Pot 7:8

Lăp lu bơngai jĭ chin truh 'bơ̆t anih ei, lu sư mơ̆t sŏng sa lăm ei, thoi noh, lu sư iŏk hu, maih păng hơbĕn ao năm ôn lê̆. Lu sư wơ̆t mơ̆t lăm anih nai dơ̆ng tơ ei, kư̆m iŏk dôm lu mŭk tơmam na chĕp năm ôn lê̆ dơ̆ng,

I Kor 1:27

Mă-lei 'Bok Kei-Dei rơih iŏk boih lu bơngai ưh kơ hơgei ala teh âu wă pơm kơ lu bơngai hơgei mơlâu; 'Bok Kei-Dei kư̆m rơih iŏk boih lu bơngai tơrăn ala teh âu wă pơm kơ lu bơngai pran kơtang mơlâu;

Horiso 68:12

“Lu pơtao lu wei linh kơdâu ôn, lu sư kơdâu ôn đĭ; Lu drŏ-kăn oei tơ lăm hnam asong băl tơmam đêl lu sư blah iŏk.

Jang 27:19

Năr dơmônh dơ̆ng lu sư yaih tŭk lê̆ lu tơmam yua lăm thŏng-nan hăm ti sư kơdih.

Êsai 33:21

Tơ noh Kră Yang mơsêh gô oei hơdai bơ̆n lăm tơdrong 'lơ̆ng rŏ Sư, đei Krong să tơ noh thŏng-nan ayăt ưh kơ gơh năm, kư̆m ưh kơ đei duk tih ayăt gơh chă năm brih găn mơ̆n.

Êsai 33:4

Mŭk tơmam lu iĕm đe gô pơdŭ iŏk nhen thoi lep 'ba, pơdŭ sa, đe gô bruh iŏk tơmam iĕm thoi lu lep 'ba bruh sa.

Êsai 33:1

Răm-'băm dêh kơ ih, ơ bơngai pơrăm đe, đe ưh tam mă đei pơrăm ih, ơ bơngai blơ̆ blĕch đe, đe ưh tam đei blơ̆ ih! Kơplah mă ih pơdơh pơrăm đe, đe gô pơrăm ih dơ̆ng. Kơplah ih ưh pă blơ̆ blĕch đe gô blơ̆ ih.

II Ho 20:25

Jêhôsaphat păng lu kon pơlei sư năm wă iŏk tơmam, 'bôh đei tơmam păng akâu bơngai lôch lơ tơpă păng đei tơmam gĭt lơ tơpă dônh iŏk mah pă kĕ đĭ; lu sư dônh mah pêng năr, yua kơ tơmam lơ tơpă.

II Pot 7:16

Đơ̆ng noh kon pơlei pơla lĕch đơ̆ng lăm pơlei tơkan iŏk tơmam đơ̆ng lăm kơđông linh đe Aram. Đei tơpŭng minh hnŏng iĕ, tĕch đei minh sêikơl jên hu păng 'ba 'bar hnŏng iĕ, kư̆m tĕch minh sêikơl jên hu mơ̆n, thoi nơ̆r Kră Yang đei khan bơih.

I Sam 30:10

Mă-lei Đawit hăm puăn-hrĕng 'nu bơngai kiơ̆ sư oei yak năm; gah 'bar-hrĕng 'nu bơngai noh pơdơh kơ lap, yua kơ pă kĕ boih, ưh kơ kĕ yak hlôi kơ thong boih.

Êsai 35:6

Kơplah noh lu bơngai jopo gô pơplŏng nhen juei. Hơpiĕt lu bơngai kơmlo gô gơh hơri chơt hiôk. Gô đei đak ro tơ char glă, păng lu glung đak gô ro lăm bri brah.

Êsêkiên 38:13

Lu bơngai Sêba păng Đêdan, lu bơngai mơdro đơ̆ng Tarêsi păng đĭ-đăng lu drŏ-nglo nuih kơtang thoi dăm-brang mơlôh sư gô khan kơ ih. ‘Hăm trŏ ih truh wă blah tơgar iŏk tơmam Ih akŭm linh wă blah iŏk tơmam, iŏk hu păng maih, wă blah iŏk sem dơrong mŭk tơmam păng wă tơgar iŏk lơ mŭk drăm hă?”’

Horiso 68:13

Mă lu bơngai oei tơ lăm hơdrong triu, Lu sư nhen thoi pơnăr kơtơp lom păng hu. Păng sŏk sư dreng thoi maih.”