Êsai 33:15 - Sơ̆p Hlabơar Nơ̆r 'Bok Kei-Dei

¹⁵ Lu bơngai arih kiơ̆ trong 'lơ̆ng tơpăt, pơma tơpăt, areh kơ tơdrong pơjuă sa tơmam đe. Hơpuih ti sư ưh kơ chro iŏk tơmam kơnê̆ đe apah, đon sư ưh kơ wă mơ̆ng tơdrong pơlôch băl, măt sư ưh kơ wă lăng tơdrong kơnê̆.

Êsai 33:15 Referans Kwoze

Horiso 119:37

Apinh Ih pơdăr măt inh wă kơ huay lăng lu tơdrong ưh kơ yua. Ăn kơ inh gơh arih kiơ̆ lăm lu trong Ih.

I Yo 3:7

Ơ lu kon hơ'lơ̆p, 'nĕ lui kơ đe hơlĕnh kơ iĕm khan bơngai lui bơ̆n ưh kơ kăl pơm 'lơ̆ng tơpăt. Inh khan kơ iĕm thoi âu: Bơngai bu pơm 'lơ̆ng tơpăt, bơngai 'noh đei đon 'lơ̆ng tơpăt kư̆m thoi Yêsu bơngai 'lơ̆ng tơpăt mơ̆n.

Ya 5:4

Lu bơngai jang kơ mir iĕm, kĕch 'ba iĕm, iĕm drơ̆ng kơ apah sư, mă iĕm ưh kơ apah, iĕm hơlĕnh pơ'brơh kơ sư, na 'bơ̆r lu sư nhơ̆m hmoi kơtơ̆ng truh tơ Kră Yang 'Bok Kei-Dei ti.

Rom 2:7

Bơngai bu adrin pơm 'lơ̆ng hăm 'Bok Kei-Dei wă kơ 'Bok Kei-Dei lăp đon ăn kơ sư arih hiôk chơt păng wă kơ akâu sư huay kơ lôch hiong, bơngai noh 'Bok Kei-Dei gô ăn kơ sư đei tơdrong arih ling-lang tơpă.

Luka 19:8

Na Sachê iung khan kơ Kră Yang Yêsu: “Ơ 'Bok, dôm mŭk tơmam inh âu, inh wă asong kơ lu bơngai dơnuh hin minh puăt. Păng lu bơngai mă inh pơgŏ iŏk jên, tơmam sư, inh gô tơwih ăn kơ sư lơ hloh kơ đêl inh iŏk, puăn hơtăl.”

Luka 1:6

Bre sư pơm 'lơ̆ng tơpăt kơ 'Bok Kei-Dei păng rok kiơ̆ dôm tơdrong juăt 'Bok Kei-Dei pơkă.

Malachi 2:6

Tơdrong khôi juăt tơdrong tơpăt oei boih tơ lăm 'bơ̆r lu sư bơtho, lăm hơkŭng lu sư ưh pă đei tơdrong kơnê̆ boih; lu sư yak hơdai hăm Inh lăm tơdrong hiôk-hian păng tơpăt, pơm ăn kơ lơ bơngai weh achăng đơ̆ng tơdrong kơnê̆.

Horiso 106:3

Pŭn dêh kơ bu wei răk tơdrong tơpăt hơnơ̆ng pơm tơdrong 'lơ̆ng tơpăt ling-lang!

Both 16:19

'Nĕ kơ pơm glăi kơ tơdrong tơpăt; 'nĕ kơ mơ̆t minh pah; 'nĕ kơ sa tơmam đe răt apah, yua kơ tơmam đe răt apah noh pơm ăn kơ lu bơngai rơngei măt tol păng gơwĕch lê̆ nơ̆r bơngai tơpăt.

Mathiơ 26:15

Sư khan: “Dah inh đei rôp ăn kơ iĕm Yêsu, iĕm apah inh dôm yơ?” Na đe noh jô̆ ăn kơ sư jên, pêng-jĭt hlak jên hu so sơ̆.

I Sam 12:3

Âu inh dơ̆ng 'bơ̆t anăp lu iĕm, 'bơ̆t anăp Kră Yang păng 'bơ̆t anăp pơtao mă Kră Yang đei tuh đak rơmă pơk pơm pơtao, wă kơ lu iĕm roi pơdah ăn. Inh hăm đei rôp rơmo bu ưh? Hăm rôp aseh đe bu ưh? Inh hăm hơlĕnh đe bu ưh? Pơm kơnê̆ tôn teh đe bu ưh? Inh hăm pơgâm sa đe wă bơbĭt lê̆ măt đe lăm dôm tơdrong jang kiơ ưh? Tơdah đei pơm thoi noh, gô pơdrâu đĭ kơ iĕm.

Jo 16:15

Môis blĕk dêh krao apinh Kră Yang thoi âu: Ih lê̆ pă iŏk dôm tơmam lu sư pơyơ̆r; inh ưh kơ đei rôp iŏk minh pôm kon aseh iĕ đơ̆ng lu sư ôh păng inh kư̆m ưh kơ đei pơrăm bu lăm lu sư.

Êsai 58:8

Na tơdrong ih pơm gô rang hơdah thoi pơgê hrôih; rơka ih gơh klaih 'bônh. Tơdrong 'lơ̆ng tơpăt ih gô năm adrol kơ ih tơdrong ư-ang Kră Yang gô wei-lăng đơ̆ng rŏng ih.

Tơdrông Pơđơk 10:9

Bơngai bu năm kiơ̆ trong tơpăt băt yak hiôk-hian. Mă-lei bơngai bu yak kiơ̆ trong đŏng gô pơmat.

Tơdrông Pơđơk 15:27

Bơngai ham pơm kơ hnam dơnŏ sư chhŭr nuih, Mă-lei bơngai đei areh kơ sa pơgâm gơh arih.

Êsai 58:6

Noh hăm trŏ ưh kơ trŏ ơ̆t kơ sŏng sa mă Inh lăp đon hrĕch lê̆ tơlei glang tơdrong kơnê̆, plôh lê̆ đêl đe chô̆ đơ̆ng 'long ăt. Tơlĕch achăng lu bơngai đe pơjuă pơđep gơh hơgei, gơ̆ lê̆ rim 'long ăt dah kiơ?

Êsêkiên 22:13

Inh gô tap ti hil, kơ tơdrong ih iŏk sa lơi dêh păng pơlôch lơ bơngai lăm lu iĕm.

Jop 31:7

Tơdah jơ̆ng inh yak weh đơ̆ng trong 'lơ̆ng tơpăt, Tơdah jơhngơ̆m inh năm kiơ̆ măt inh lăng, Tơdah đei mơgrĭ klep lăm ti inh,

Horiso 15:5

Sư ăn kơ đe iŏk mưng jên mă-lei huay kơ chă lơi, Ưh kơ wă iŏk sa pơgâm, wă pơrăm lu bơngai tơpăt. Bơngai bu mă pơm thoi noh ưh kơ hli tơtơ̆.

Tơdrông Pơđơk 1:10

Ơ dăm, tơdah lu bơngai yoch wă pơhlŭ ih, ih 'nĕ kơ chu hŏ.

Tơdrông Pơđơk 1:15

Ơ dăm, 'nĕ kơ năm kiơ̆ lu sư ôh, Jơ̆ng ih weh bĕ, 'nĕ kơ yak kiơ̆ trong lu sư.