Êsai 32:13 - Sơ̆p Hlabơar Nơ̆r 'Bok Kei-Dei

¹³ 'Long jơla hro chăt lăm teh mir kon pơlei pơla Inh, nhơ̆m hmoi kơ rim hnam chơt hiôk, kơ pơlei tih hơdrŭm ơ-ôs ơ-as.

Êsai 32:13 Referans Kwoze

Êsai 22:2

Ơ pơlei ôr tơkĕch, ơ-ôs ơ-as, pơlei mă chơt hiôk, pơm kư̆ kă lu khŭl iĕm lôch ưh trŏ kơ lôch yua kơ đao gưm kư̆m ưh kơ trŏ lôch yua kơ tơblah.

Hôsia 9:6

Tơdah lu sư kơdâu ôn đơ̆ng đe pơrăm, char Êyiptơ gô rôp akŭm pơđĭ lu sư, păng pơlei Memphis gô 'bŭ lê̆ lu sư. Lu tơmam gĭt pơm păng hu lu sư gô gom lê̆ hăm jơla bơmrôm, lu jơla gô chăt lăm bơsŭn lu sư.

Êsai 34:13

Lu 'long jơla gô chăt lăm anih pơtao, 'long jơla chăt hro 'bĕnh lăm kơđông kơjăp noh jing anih lu kŏ bri păng anih pơdơh lu sem grơ̆-ă.

Êsai 7:23

Lăm năr noh, tơ anih đêl đei rơbâu tơnơm 'long hơmu. Kăp sư dang tơ rơbâu sêikơl jên gô chăt 'long jơla păng 'nhĕt jơla ngăl

Hôsia 10:8

Lu anih kơjung tơ Awen, wă khan anih đei tơdrong yoch lu bơngai Isơrael, đe gô pơrăm đĭ, 'long jơla, păng jơla bơmrôm gô chăt hro tơ kơpal chơnang soi lu sư. Kơplah noh lu sư gô khan kơ kông: Klơ̆p lê̆ nhôn bĕ păng khan kơ lu groi. Gom đơ̆p lê̆ lu nhôn bĕ!

Je 39:8

Bơngai Kalđê iŏk ŭnh soh hnam pơtao, đĭ hnam kon pơlei păng teh pơchah lê̆ dur pơlei Jêrusalem.

Êsai 6:11

Na inh jet: “Ơ Kră Yang dĭng truh tơ layơ?” Na Kră Yang tơl: “Gô dĭng lu pơlei noh jing juơ, ưh kơ đei kon pơlei oei lăm noh, hnam ưh kơ đei bơngai oei, teh mir đĭ răm jing bri đĭ;

Êsai 5:6

Inh gô lê̆ sư Jing bri, ưh kơ đei hơleh dơng seh hơmet sư; na 'nhĕt jơla gô chăt krênh tơm sư. Inh gô khan kơ hơmơ̆l 'nĕ pă 'mi jruh tơ pơgar noh.

Horiso 107:34

Teh mơ̆r 'lơ̆ng jing teh 'băt 'boh, Yua kơ đei tơdrong kơnê̆ lăm lu kon pơlei oei tơ noh.

Êsai 5:10

Mơjĭt Hekta mir hơmu hmĕt iŏk đak sư lăp minh ge đĕch, mơjĭt kơđŏng pŭng adrĕch, kĕch iŏk lăp minh kơdŏng pŭng đĕch.”

Êsai 23:7

Âu hăm trŏ kơ pơlei iĕm chơt hiôk ưh? Pơlei đei bơih đơ̆ng chăl Kră sơ̆, mă đêl jơ̆ng sư yak năm tơ anih ataih chă anih wă oei pơm pơlei jang sa.

Êsai 23:9

Kră Yang Tih Hloh bơih pơkă pơm tơdrong âu, tơjur tơdrong pơang kơ đĭ-đăng tơdrong 'lơ̆ng rŏ păng pơm kơ lu bơngai đe pơyom lăm teh đak âu mơlâu.

Êsai 24:11

Đe ôr tơ rok trong lăm pơlei yua kơ tơdrô ưh pă đei; tơdrong chơt đĭ pă đei. Tơdrong 'nă hal lăm teh đak đĭ hiong!

Êsai 27:10

Pơlei tih kơjăp đĭ jing juơ bơih, anih đêl pơlei đĭ jing juơ, đĭ hiong hiơt 'biao nhen thoi teh char glă, tơ noh kon rơmo sa 'nhĕt; lu sư 'bĭch păng sa lu dơng 'long tơ noh.

Êsai 55:13

'Long hơngo gô chăt iung tơplih ăn kơ 'long jơla păng 'long gơsing gô tih kơjung tơplih ăn kơ 'long jơ'bôt jơla; noh tơdrong wă ăn kơ bơ̆n 'blŏk hơdơ̆r kơ anăn Kră Yang, minh tơdrong tơdra tơbăt ling-lang ưh kơ đei layơ tôch ôh.”

Je 33:4

'Nâu Kră Yang 'Bok Kei-Dei Isơrael khan: “Gah lu hnam lăm pơlei tih, hnam pơtao đe Juđa, pơrăm lê̆ boih, wă yua găn tơblah hăm đao gưm lu bơngai Babilôn.

Je 52:27

Pơtao Babilôn athei đe pơlôch lu sư tơ pơlei Riblah lăm tơring Hamat. Thoi noh boih đe rôp chông ba lu bơngai Juđa pơm bơnă lăm char đe nai.

Hôsia 2:3

Tơdah ưh, kơnh Inh gô plôh lê̆ hơbĕn ao đơ̆ng sư lê̆ sư akâu hoh, thoi đe 'nao hơiơch kơ sư sơ̆; păng Inh pơm kơ sư thoi teh kro tơ char glă, pơm kơ sư lôch kơ rơhing.