Êsai 32:11 - Sơ̆p Hlabơar Nơ̆r 'Bok Kei-Dei

¹¹ Lu drŏ-kăn oei hiôk-hian, tơtơ̆ bĕ, ơ lu kon drŏ-kăn ưh kơ tơtăm hli bĕ Plôh bĕ ao lu iĕm, lê̆ akâu hoh tơ̆n bĕ 'bi tơ kơiĕng lu iĕm.

Êsai 32:11 Referans Kwoze

Êsai 3:24

Đak 'bâu ôm tơplih kơ đak pơgang 'bâu phu, tơlei kơnŭi pơm tơlei tơ̆n: Kơ̆l sŏk tơtuh tơplih kơ đei sŏk jing; bơnal 'bi pơ̆n akâu tơplih kơ ao tai brai se, tơdrong mơlâu tơplih tơdrong 'lơ̆ng.

Ya 5:5

Iĕm oei tơ ala teh âu hiôk jơnap tơpă. Sŏng sa phĭ mah rơkah rơkai bek lơluĭnh thoi rơmo, na đe wă rơih rơmo bek noh boih 'buh sa.

Hôsia 2:3

Tơdah ưh, kơnh Inh gô plôh lê̆ hơbĕn ao đơ̆ng sư lê̆ sư akâu hoh, thoi đe 'nao hơiơch kơ sư sơ̆; păng Inh pơm kơ sư thoi teh kro tơ char glă, pơm kơ sư lôch kơ rơhing.

Je 49:3

“Nhơ̆m hmoi bĕ! Ơ pơlei Hesbôn, yua kơ đe pơrăm boih pơlei Ahi! Nhơ̆m bĕ, ơ kon pơlei Rapba! Ôr krao bĕ, hrŭk bĕ ao 'bi, tŭr kơtơh, raih akâu bĕ na kơdâu tơ âu tơ noh! Yua kơ yang Molek gô chĕp ba, hơdai hăm lu 'bok soi, hăm lu yŏng sư, năm pơm bơnă đe.

Je 6:26

Ơ kon drŏ-kăn pơlei Inh, tơ̆n bĕ 'bi tơ kơiĕng, tơglăng akâu tơ lăm tơnuh. Nhơ̆m hmoi bĕ, thoi đe sơ'ngon kơ kon dăm lôch, nhơ̆m hmoi ơh sơ'ngon bĕ, yua kơ lu bơngai wă pơrăm blư bla truh blah lu bơ̆n.”

Je 4:8

Na su bĕ 'bi, nhơ̆m hmoi, yua kơ tơdrong Kră Yang hil oei tam mă weh đơ̆ng bơ̆n.”

Êsai 33:14

Lu bơngai pơm yoch lăm pơlei Siôn hli tơrơ, bơngai ưh chu kiơ̆ kơ Kră Yang hli tơtơ̆ đĭ bơih. “Bu lăm lu bơ̆n gơh oei lăm ŭnh kơdơ̆r? Bu lăm lu bơ̆n gơh oei lăm pla ŭnh sa khơ̆ng ling-lang?”

Êsai 20:4

Kŭm thoi noh mơ̆n pơtao Asiri gô chông ba kon pơlei Êyiptơ păng Kus pơm bơnă đơ̆ng hơ'lơ̆p truh tơ kră năm akâu hoh păng yak jơ̆ng hoh pơdah pơtâu hoh thoi noh wă kơ teh đak Êyiptơ mơlâu.

Êsai 15:3

Lu sư su 'bi sơ'ngon jơ̆p kơ trong tih lăm pơlei, lu sư nhơ̆m hmoi tơ kơpal bơbŭng hnam păng tơ anih hơdrŭm, lu sư hmoi ơh lĕch đak măt.

Êsai 2:21

Sư gô mơ̆t ôn tơ lăm trôm tơmo păng hơgơp tơmo, wă kơ weh đơ̆ng anăp tơdrong hli krưp păng tơdrong mơsêh mơyang Kră Yang. Kơplah Sư iung pơm kơ teh tơdrŏ pơpơ̆.

Êsai 2:19

Đe gô kơdâu ôn tơ lăm hơgơp tơmo, lăm trôm teh wă kơ weh đơ̆ng anăp tơdrong hli krưp Kră Yang păng tơdrong mơsêh mơyang Sư, kơplah năr Kră Yang wă iung pơm kơ teh âu tơdrŏ pơpơ̆.

Both 28:48

Lu iĕm gô bơ̆jang kơ lu bơngai ayăt, mă Kră Yang wơh năm blah iĕm. Iĕm gô pơngot rơwĕt hoh-hoy păng kơ'bah kơ'bôch lăm tôm tơdrong, Sư gô tơ'băk 'long ăt bơsei tơ hơko iĕm dĭng truh iĕm lôch răm đĭ.

Horiso 123:4

Bơhngol lu nhôn hrăp dêh kơ tơdrong pơjăm đơ̆ng lu bơngai pơrŏ. Păng tơdrong areh pơjăm đơ̆ng lu bơngai pơang

Êsai 22:12

Lăm năr noh Kră Yang Tih Hloh krao lu iĕm athei nhơ̆m hmoi, ơh sơ'ngon, hơkôih sŏk, hrŭk ao 'bi.

Êsai 47:8

“Thoi noh, ơ lu bơngai 'maih hiôk đĕch. Tơchĕng khan ưh pă đei tơdrong anat kiơ đơ̆ng âu tơ anăp, mơ̆ng bĕ âu: Ih khan lăm jơhngơ̆m. ‘Inh âu, adrĕch yŏng mơng ưh pă đei bơngai bu dang inh, inh gô ưh kơ đei layơ sơ'ngon thoi yă adro kư̆m ưh kơ đei nhơ̆m hmoi thoi bơngai hiong kon hơ'lơ̆p.’

Am 4:12

Ơ Isơrael, yua kơ thoi noh na 'nâu inh gô pơm kơ ih; Ơ Isơrael. Yua kơ inh gô pơm kơ ih thoi noh, na ih athei hơmet bĕ wă tơ'bơ̆p Kră Yang 'Bok Kei-Dei ih.

Jêphania 2:15

To, pơlei chơt hiôk dang ei oei rơnŭk hơnơ̆ng huay pă tơtăm păng khan lăm jơhngơ̆m: “Inh âu, ưh pă đei bu boih 'nguaih kơ inh!” Ô anih lu sư đĭ juơ boih, jing pơm anih 'bĭch kơ lu sem bri, pă băt dang yơ! Thoi noh mưh đei bơngai năm rok trong ei kơđôp ti hiĕk ăr.

Le 33:4

Kơplah kon pơlei pơla kơtơ̆ng tơdrong kơnê̆ noh, lu sư sơ'ngon kơdih kơdih, ưh kơ đei bơngai bu 'bot dah đoh tơmam pơhrôp.

Jôel 1:8

Lu iĕm athei nhơ̆m hmoi bĕ thoi minh 'nu adruh 'lơ̆ng hrŭk ao 'bi oei nhơ̆m kơ klo sư mă iŏk đơ̆ng 'lơ̆p lôch boih!