Êsai 30:6 - Sơ̆p Hlabơar Nơ̆r 'Bok Kei-Dei

⁶ Nơ̆r khan lê̆ adrol gah lu sem bri brah tơ Negeu. Lăm dêh anat anot pơmat-tat, dêh char lu dăm-brang tơno, dăm-brang akăn, 'bih bôm, 'bih ŭnh păr. Lu sư chơ mŭk tơmam lu sư tơ kơpal aseh iĕ, chơ tơmam gĭt tơ kơdŭ aseh lăk-đa, wă ăn tơ minh adrĕch adrung mă ưh kơ đei yua kiơ kơ lu sư.

Êsai 30:6 Referans Kwoze

Both 8:15

Kră Yang chông ba iĕm rok char glă să pă băt krưp dêh, đei 'bih tang, hơguăt, teh hrĕng kro, ưh kơ đei đak ôh, Sư ăn đak lĕch đơ̆ng tơmo arăk tơpă.

Je 11:4

Inh đei tơtă boih hăm lu 'bok yă iĕm kơplah Inh chông tơlĕch lu sư đơ̆ng char Êyiptơ, lĕch đơ̆ng tơnuh kơdơ̆r đe rơ̆ mam.’ Inh khan: ‘Mơ̆ng bĕ nơ̆r Inh tơtă kơ lu iĕm păng pơm kiơ̆ bĕ dôm nơ̆r Inh đei bơtho tơtă, lei na lu iĕm jing kon pơlei pơla Inh, na Inh jing Kră Yang 'Bok Kei-Dei lu iĕm.

I Pot 10:2

Yă pơtao sư truh tơ pơlei Jêrusalem hơdai hăm lơ bơngai lơ aseh lăk-đa chơ pơgang 'bâu phu, đei maih lơ păng lu tơmo gĭt kư̆m lơ. Lăp sư năm truh tơ Sôlômôn bơih, sư roi kơ pơtao Sôlômôn dôm đon sư tơchĕng wă jet 'noh.

Both 4:20

Mă-lei lu iĕm, Kră Yang rơih păng iŏk lu iĕm lĕch đơ̆ng dêh Êyiptơ, thoi ŭnh đei 'buh bơsei ngur lăm ŭnh wă kơ lu iĕm jing kon pơlei pơla Sư kơdih, thoi iĕm năr âu.

Mathiơ 12:42

Truh năr 'Bok Kei-Dei sek tơlang ning-mônh kư̆m đei minh 'nu yă pơtao đơ̆ng dêh Sêba wang jô̆ kơ lu jơhnơr iĕm dang ei bơngai yoch, yua kơ sơ̆ sư đơ̆ng dêh ataih kư̆m adrin năm mơ̆ng pơtao Sôlômôn bơtho, mă-lei iĕm âu đei bơngai bơtho hơgei hloh kơ pơtao Sôlômôn bơtho ră pơm kuă kơ tơbral kơdih tơdrong yoch.

Hôsia 12:1

Êphraim 'me sư kơdih hăm kial, kơdâu kiơ̆ kial đơ̆ng gah hơlĕch rim năr, lu sư pơma hơlĕnh roi dêh păng pơm rai lơ tơdrong kơnê̆; lu sư pơgơ̆p hăm char Asiri păng chĕp ba đak rơmă ôliwơ tơ char Êyiptơ.

Je 2:6

Lu sư ưh pă jet khan: ‘Tơ yơ Kră Yang Sư boih mă pơklaih tơlĕch bơ̆n đơ̆ng dêh char Êyiptơ păng chông ba bơ̆n rok lăm char glă, 'bĕnh-'bang kơ sơlŭng, lăm char teh hrĕng kro păng măng mu tơdrong lôch, lăm teh đak mă ưh kơ đei bu rok păng ưh kơ đei bu oei.’

Êsai 57:9

Iĕm chĕp ba đak rơmă ôliwơ pơgang 'bâu phu pơyơ̆r ăn kơ yang Molek păng wơh lu bơngai jang năm tơ dêh ataih; jur truh tơ pơlei bơngai lôch!

Êsai 19:4

Inh gô jao kon pơlei Êyiptơ lăm ti lu yŏng pơgơ̆r kơnê̆ dêh păng ăn kơ minh 'nu pơtao chư̆ kơnê̆ gô pơgơ̆r lu sư. Kră Yang Tih Hloh khan thoi noh.

Êsai 15:7

Noh bơih mŭk tơmam mă lu sư đei păng lu tơmam gĭt mă lu sư tah mong, lu sư chĕp ba tŏk pah to thŭng thong đak 'long prai.

Êsai 8:22

Đơ̆ng noh kŭp kơ̆l lăng tơ teh 'bôh tơdrong pơmat-tat măng mu, 'bôh tơdrong ơh sơ'ngon tơhuŏng lê̆ lu sư kơdih tơ anih măng mu gueo.

II Ho 16:2

Asa iŏk hu maih đơ̆ng lăm hnam mong tơmam hnam Kră Yang păng đơ̆ng lăm hnam mong tơmam pơtao, gơih ăn kơ Ben Hadat, pơtao Siri, oei lăm pơlei Đamas păng khan:

II Ho 9:1

Wă pơtao drŏ-kăn dêh char Seba kơtơ̆ng đe ư-ang kơ Sôlômôn, na sư năm truh tơ Jêrusalem, wă pơpơn pơlong lăng Sôlômôn; yă pơtao chông lu đĭch đam bơngai awih awăn lơlap, đei lu lăk-đa chơ pơgang 'bâu phu, đei maih lơ păng tơno gĭt; sư năm tơ Sôlômôn, roi tôm dôm tơdrong mă sư đei tơchĕng lăm kơ̆l sư kơdih.

Both 17:16

Mă-lei pơtao ei 'nĕ kơ mah hiơ̆k dêh wă kơ đei aseh lơ, wă chông ba kon pơlei brŏk hơlơ̆k dơ̆ng tơ dêh Êyiptơ chă aseh; đơ̆ng Kră Yang khan: Lu iĕm 'nĕ pă wih brŏk dơ̆ng trong noh.

Le 1:14

Lu sư pơmat kon pơlei Isơrael hăm tơdrong jang hrat pơjuă teh pơm găch păng lơ tơdrong jang nai lăm mir chŭn. Dôm tơdrong jang lu bơngai Êyiptơ rôp pơgŏ kon pơlei Isơrael jang gleh pơmat-tat dêh.

Bl 12:9

Đơ̆ng rŏng, Abram yak rah pơm rah bơsŭn 'net 'net dĭng truh tơ gah gơal, anăn Nêgeo.

Jo 21:8

Kră Yang khan kơ Môis thoi âu: Ih athei pơm minh dăng rup 'bih tang, na ih tơ'băk sư tơ tơ̆r 'long gơgiĕr. Tơdah bơngai bu 'bih choh sư athei lăng tơ 'bih noh, sư gô arih.

Êsai 5:30

Lăm năr noh lu sư ôr thoi jơwa đak dơsĭ poh-yă, tơdah đe tơmang lăng tơ teh noh măng mu păng răm rai ngăl, mă lu tơdrong hơdah hơmơ̆l găm klơ̆p lê̆ đĭ.

Êsai 14:29

Ơ bơngai Philistin, iĕm 'nĕ kơ chhôk 'nă ôh yua kơ sơnguĕt teh iĕm tơgơ̆ bơih, Đơ̆ng tơm rơh adrĕch 'bih gô jing đei 'bih hơkăm, plei đơ̆ng 'bih hơkăm gô jing 'bih ŭnh gơh păr.

Êsai 35:9

Tơ trong noh ưh kơ đei dăm-brang, ưh kơ đei minh pôm sem bri ayơ mă krưp năm rok trong noh; ưh kơ đei bu 'bôh sư tơ noh. Mă-lei lu bơngai mă huai iŏk bơih gô yak năm trong noh.

Êsêkiên 20:46

Ơ kon bơngai, lăng bĕ muh măt tơ gah gơal, bơtho khan blah bĕ char gah gơal păng khan lê̆ adrol wă blah lu bri kơdrơ̆ng lăm char gah gơal.

Mi 6:14

Lu iĕm gô sa, mă-lei ưh kơ phĭ ôh; klak lu iĕm kư̆m oei pơngot. Dôm tơmam mă lu iĕm 'măn mong răk đunh kư̆m ưh kơ gơh dŏng ôh. Tơmam kiơ mă lu iĕm đei 'măn mong Inh gô pơjao kơ đao gưm.

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Jop 39:11

Ih hăm wă yua rơmo bri mă pran jăng dêh? Hăm wă jao kơ sư tơdrong jang gleh lap?

Hôsia 12:2

Kră Yang kư̆m đei pơma chrih kơ adrĕch Juđa, păng Sư gô phak Jakôp kiơ̆ thoi kơ trong sư yak năm; Kră Yang gô pơm tơwih kơ lu sư kiơ̆ thoi tơdrong lu sư pơm.

Sa 6:6

Gre mă đei aseh găm sư dui gre năm tơ gah yă-nơ̆m, gre mă aseh kok năm tơpăt tơ gah bơmơ̆t, đơ̆ng noh aseh brông drơ̆k-drơ̆l năm tơklă tơ gah gơal.”