Êsai 30:22 - Sơ̆p Hlabơar Nơ̆r 'Bok Kei-Dei

²² Lu iĕm gô tŭk hŭt lê̆ rup iĕm traih lom hăm hu păng rup man bah hăm maih, na lu iĕm klơ̆m lê̆ sư tơ ataih thoi tơmam 'mê̆-'mach. Păng khan: “Lĕch bĕ đơ̆ng anih âu!”

Êsai 30:22 Referans Kwoze

Êsai 31:7

Lăm năr ei kơnh, mă bu bu kư̆m klơ̆m tŭk lê̆ rup yang lu sư man hăm hu, hăm maih, jơ̆ tơmam đêl ti lu iĕm pơm kơdih noh boih mă lu iĕm băt iĕm pơm noh yoch.

Sa 13:2

Kră Yang Tih Hloh khan thoi âu: “Lăm năr noh kư̆m đei tơdrong truh, Inh gô tơhiong lê̆ đĭ dôm lu anăn rup yang đơ̆ng lăm teh đak, wă kơ lu sư ưh pă đei bu 'blŏk dơ̆ng; Inh kư̆m gô pơm kơ lu 'bok khan lê̆ adrol păng yang kơnê̆ 'mê̆-'mach weh lĕch đơ̆ng teh đak âu.

Êsai 46:6

Lu sư iŏk maih đơ̆ng lăm kơdŭng păng iŏk hu kŏng hăm 'long kŏng, lu sư mưng apah bơngai tuh hling maih pơm rup yang, đơ̆ng noh drap kơkuh.

Hôsia 14:8

Ơ lu bơngai Êphraim, Inh wă pơm kiơ dơ̆ng hăm lu rup yang? Inh boih gô drơ̆ng tơdrong lu iĕm krao khan păng wei-lăng lu iĕm. Inh thoi minh tơnơm 'long hơngo hla iĕ hơdrih ling-lang đơ̆ng Inh boih mă lu iĕm đei plei.

Êsêkiên 36:31

Mă-lei lu iĕm gô 'blŏk kơ tơdrong kơnê̆ iĕm păng tơdrong iĕm pơm ưh kơ 'lơ̆ng. Tơpă lu iĕm gô lăng areh krưp kơdih akâu yua kơ tơdrong yoch păng tơdrong kơnê̆ krưp lu iĕm pơm.

Tơdrông Tơ'bôh 19:20

Na gah sem brem mă kơnê̆ ei păng sem brem mă 'bar mă gơh pơm tơdrong hlĭch chrơp, wă kơ kon pơlei pơla lui kơ tơdrong sư pơm noh na chơ̆m đŏng yâu sem brem kơnê̆ tơ klĕng lu bơngai mă kơkuh kơ rup sư noh, gah bre sư 'Bok mă hao aseh păng lu linh Sư blah rôp tơhuŏng hloi bre sư oei arih tơ dơnâu ŭnh.

Êsêkiên 18:6

Sư ưh kơ sa 'nhĕm đe pơm yang tơ kơpal kông, ưh kơ wă lăng tơ rup yang adrĕch Isơrael. Ưh kơ pơm kư̆ kă hăm lu akăn đe, ưh kơ jê̆ lu drŏ-kăn oei 'bôh hơbĕn,

Nhom 1:17

Siôn yơ̆r ti, mă-lei ưh kơ đei bu pơlung sư; Kră Yang đei roi boih gah Jakôp; Đei lu bơngai cheng sư pơm kơnê̆ hăm sư. Jêrusalem mă lu sư oei noh jing 'mê̆-'mach.

Êsai 27:9

Thoi noh, đơ̆ng tơdrong âu na tơdrong yoch Jakôp gơh mơnat ăn; păng 'nâu jơ̆ lĕch đơ̆ng tơdrong sŭt lê̆ tơdrong yoch sư, layơ sư teh lê̆ tơmo chơnang soi pơchah hĕch nhen tơmo chŭr, ưh pă đei rup yang Asêrim păng chơnang soh 'long 'bâu phu kơ yang nai dơ̆ng.

II Ho 31:1

Wă đĭ-đăng tơdrong noh đang boih, lu bơngai Isơrael mă oei tơ noh lu sư năm tơ lu pơlei lăm char Juđa teh pơchah lê̆ lu jrăng gơ̆ng, teh pơhĕch lê̆ lu rup yang Asêria, pơrăm đĭ lu anih kơjung păng lu chơnang soi tơ lăm jơ̆p char Juđa, Bênjamin, Êphraim păng Manase dĭng pơrăm đi boih. Đơ̆ng noh đĭ-đăng lu kon pơlei Isơrael wih brŏk tơ pơlei lu sư kơdih tơ anih hnam lu sư.

Mathiơ 4:10

Yêsu khan: “Ơ Satan, kơdâu kơ e bĕ. Đe chih tơ lăm sơ̆p hla bơar 'Bok Kei-Dei sơ̆ thoi âu: ‘Bơ̆n athei kơkuh kơ Kră Yang bơ̆n 'Bok Kei-Dei đĕch. 'Bok Kei-Dei ưh kơ wă kơ bơ̆n kơkuh kơ yang nai ôh.’ ”

Êsai 40:19

Minh pôm rup man mă kon bơngai tuh pơm hling hu lom maih, păng tuh pơm lu tơlei rơbưn hăm hu hă?

Êsêkiên 7:19

Lu sư hŭt lê̆ hu tơ trong, maih lu sư jing thoi tơmam kơnê̆. Maih, hu ưh kơ gơh pơklaih lu sư kơplah năr Kră Yang hil. Kŭm ưh kơ đei pơm kơ lu sư huay kơ pơngot, kư̆m ưh kơ pơm kơ lu sư phĭ klak, tơmam noh pơm kơ lu sư pơ̆k lăm tơdrong yoch.

Êsêkiên 14:6

Thoi noh, khan bĕ kơ adrĕch Isơrael: ‘'Nâu nơ̆r Kră Yang Tih Hloh khan: Wih brŏk tơbral bĕ! Lê̆ rup yang lu iĕm, tơbral weh đơ̆ng dôm tơdrong kơnê̆ krưp 'bơ̆t anăp lu iĕm.

Lêwi 13:52

Thoi noh sư athei soh hơbĕn ao noh phơ̆k 'bơm tơ brai tơdơ̆ng dah brai tơnanh, tơ hơbĕn ao hăm sŏk triu dah hơbĕn ao che, dah tơmam kiơ mă hăm akar, yua kơ noh tơdrong jĭ chin rai lanh; đe athei soh lê̆ tơmam noh tơ lăm ŭnh.

Both 7:25

Iĕm athei soh pơđĭ lu rup yang lu sư. 'Nĕ kơ hưch ham, 'nĕ kơ iŏk kơdih hu dah maih đơ̆ng lăm lu sư man rup noh, kơnh hli kơ iĕm 'leh hơđong; yua kơ tơmam 'noh yua kơ tơmam noh Kră Yang 'Bok Kei-Dei areh dêh.

Êsêkiên 7:20

Đơ̆ng lu tơmam drŏ-kăn pơguăng 'lơ̆ng rŏ mă lu sư pơang kơdih; lu sư yua tơmam noh pơm rup yang kơkuh kơnê̆ krưp. Lei na Inh gô pơm kơ tơmam noh jing tơmam 'mê̆-'mach kơ lu sư!