Êsai 3:24 - Sơ̆p Hlabơar Nơ̆r 'Bok Kei-Dei

²⁴ Đak 'bâu ôm tơplih kơ đak pơgang 'bâu phu, tơlei kơnŭi pơm tơlei tơ̆n: Kơ̆l sŏk tơtuh tơplih kơ đei sŏk jing; bơnal 'bi pơ̆n akâu tơplih kơ ao tai brai se, tơdrong mơlâu tơplih tơdrong 'lơ̆ng.

Êsai 3:24 Referans Kwoze

Êsêkiên 27:31

Lu sư gô hơkôih kơ̆l 'ngôch, hrŭk su 'bi sơ'ngon yua kơ ih, jĭ jơhngơ̆m ơh sơ'ngon nhơ̆m hmoi ơh ol.

Nhom 2:10

Lu Kră lu kon adruh Siôn tơoei tơ teh ưh pă đei pơma kiơ. Lu sư pung tơnuh tơ kơ̆l, hrŭk 'bi nai pơm hơbĕn ao; Lu kon adruh Isơrael kŭp kơ̆l truh tơ teh.

Mi 1:16

Inh athei hơkôih lê̆ sŏk ih yuă jing 'ngôch kơ kon sâu mă ih kơeng; hơkôih bĕ kơ̆l 'ngôch thoi sem grơ̆, yua kơ lu kon hơ'lơ̆p gô tơklah đơ̆ng ih lu sư gô pơm bơnă.

Êsai 22:12

Lăm năr noh Kră Yang Tih Hloh krao lu iĕm athei nhơ̆m hmoi, ơh sơ'ngon, hơkôih sŏk, hrŭk ao 'bi.

Êsai 15:3

Lu sư su 'bi sơ'ngon jơ̆p kơ trong tih lăm pơlei, lu sư nhơ̆m hmoi tơ kơpal bơbŭng hnam păng tơ anih hơdrŭm, lu sư hmoi ơh lĕch đak măt.

I Pet 3:3

Dah iĕm wă kơ đe băt kơ iĕm bơngai 'lơ̆ng, ưh kơ kăl kơ iĕm pơm sŏk pơ'lơ̆ng ôh, ưh kơ kăl iĕm 'bot pơrŏ tơkhiĕn maih, 'băk anam, dah hrŭk hơbĕn ao kăp jên.

Am 8:10

Inh gô ăn kơ năr chơt hiôk iĕm jing năr ơh sơ'ngon păng đĭ-đăng lu tơdrong hơri iĕm jing nhơ̆m hmoi. Inh gô chô̆ ăn 'bi nai tơ rim kơiĕng păng pơm ăn kơ rim kơ̆l jing kơ̆l hoh. Inh gô ăn tơdrong ơh sơ'ngon, thoi hiong minh 'nu kon pôm drŏ-nglo păng năr tôch sư thoi năr ơh sơ'ngon dêh.

Esther 2:12

Adrol kơ lu hơdruh wă năm tơ anăp pơtao Asêrus, athei iŏk pơgang pik wă kơ rơgoh 'lơ̆ng lăm mơjĭt-'bar khei: Tơdrâu khei pik đak 'long 'bâu phu. Tơdrâu khei pik đak pơgang 'bâu phu păng lu tơmam 'bâu phu kơ lu bơngai drŏ-kăn. Đơ̆ng rŏng kơ lu khei năr noh đĭ hlôi, rim 'nu hơdruh năm tơ anăp pơtao kiơ̆ kơ đe krao.

Lêwi 26:16

Mưh lei tơdrong âu Inh gô pơm kơ lu iĕm: Inh gô ăn kơ lu iĕm đei tơdrong hli truh tih, tơdrong jĭ jăn, bơlŏ chĕp tơngiĕt pơm kơ măt iĕm bơbôl, jơhngơ̆m rơmơ̆n rơmok. Lu iĕm rei pơtăm ră mă-lei hŭt đĕch jing tơdrong kơ đei, bơngai ayăt kơ iĕm gô iŏk sa yua đĭ.

Tơdrông Tơ'bôh 18:9

Na lu 'bok pơtao jơ̆p kơ teh đak mă juăt kơ ngôi kư̆ kă hăm sư, kư̆m hơdai hưch kơ mŭk tơmam thoi sư mơ̆n, na lăp lu sư 'bôh 'nhui ŭnh sa pơlei ei, lu sư nhơ̆m hmoi.

Tơdrông Tơ'bôh 16:9

Tŏ sa kon bơngai na kon bơngai blei hiap pơma kơnê̆ kơ 'Bok Kei-Dei, yua kơ 'Bok Kei-Dei phak pơmat lu sư tôm tơdrong thoi noh. Mă-lei lu sư ưh kơ chu tơbral tơdrong yoch 'mơ̆i hăm ưh kơ wă ư-ang kơ 'Bok Kei-Dei.

Tơdrông Tơ'bôh 11:3

Na inh wă ăn 'bar 'nu bơngai hrŭk ao 'bi năm chă pơtruh kơ đe tơdrong 'Bok Kei-Dei kơplah lăm minh-rơbâu 'bar-hrĕng tơdrâu-jĭt năr.”

Jôel 1:8

Lu iĕm athei nhơ̆m hmoi bĕ thoi minh 'nu adruh 'lơ̆ng hrŭk ao 'bi oei nhơ̆m kơ klo sư mă iŏk đơ̆ng 'lơ̆p lôch boih!

Êsêkiên 7:18

Lu sư gô hrŭk ao 'bi păng đei tơdrong hli krưp gom lu sư thoi ao. Rim kơ muh măt lu sư hơ'nhŭk oei mơlâu. Lu sư hơkôih kơ̆l 'ngôch đĭ yua kơ sơ'ngon.

Je 48:37

Rim 'nu hơkôih boih kơ̆l 'ngôch, hơkôih boih sŏk kang, raih chrek ti rơka, tơ̆n ao 'bi tơ kơiĕng.

Je 6:26

Ơ kon drŏ-kăn pơlei Inh, tơ̆n bĕ 'bi tơ kơiĕng, tơglăng akâu tơ lăm tơnuh. Nhơ̆m hmoi bĕ, thoi đe sơ'ngon kơ kon dăm lôch, nhơ̆m hmoi ơh sơ'ngon bĕ, yua kơ lu bơngai wă pơrăm blư bla truh blah lu bơ̆n.”

Je 4:8

Na su bĕ 'bi, nhơ̆m hmoi, yua kơ tơdrong Kră Yang hil oei tam mă weh đơ̆ng bơ̆n.”

Êsai 57:9

Iĕm chĕp ba đak rơmă ôliwơ pơgang 'bâu phu pơyơ̆r ăn kơ yang Molek păng wơh lu bơngai jang năm tơ dêh ataih; jur truh tơ pơlei bơngai lôch!

Tơdrông Pơđơk 31:24

Sư tanh ao lŏ na tĕch; Kŭm tanh tĕch tơlei tơ̆n kơ bơngai mơdro.

Tơdrông Pơđơk 7:17

Iŏk 'long pơgang 'bâu phu lu 'long hol, pik lê̆ sư kơpal giơng inh 'bĭch.

Jop 16:15

Inh sĭt 'bi hrŭk pôn akâu inh, inh drap 'bŭ muh măt inh lăm teh rơpŭk.

Both 32:24

Inh ăn tơdrong pơngot rơwĕt, tơngiĕt găng pơm kơ lu sư hiong răm. Ba tŏ sa pơm kơ lu sư rơmơ̆n rơmok ăn tơdrong jĭ apoh pơm kơ lu sư lôch rŭng. Inh gô ăn sem bri kăp hek sa lu sư. Athei 'bih đei bih hơkăm năm choh lu Sư lôch.

Both 28:22

Kră Yang gô pơrăm iĕm hăm tơdrong jĭ dơsoh hiĕn-hiok, bơlŏ chĕp tơngiĕt, rơka rơkĕch, jĭ bơôr, tŏ, phang-ang, 'long pơlei 'nhĕt 'nhot kro đĭ phơ̆k phok dôm tơdrong noh druh kiơ̆ iĕm dĭng truh tơ iĕm lôch hiong đĭ.

Je 49:3

“Nhơ̆m hmoi bĕ! Ơ pơlei Hesbôn, yua kơ đe pơrăm boih pơlei Ahi! Nhơ̆m bĕ, ơ kon pơlei Rapba! Ôr krao bĕ, hrŭk bĕ ao 'bi, tŭr kơtơh, raih akâu bĕ na kơdâu tơ âu tơ noh! Yua kơ yang Molek gô chĕp ba, hơdai hăm lu 'bok soi, hăm lu yŏng sư, năm pơm bơnă đe.

Êsai 4:4

Kră Yang gô ôp hơrao tơdrong pơm 'mê̆-'mach lu bơngai lăm Siôn, sek tơlang chhut rơgoh đĭ pham lăm pơlei Jêrusalem hăm Tơdrong Mơsêh Sư.

Êsai 3:23

Kơmĭl lăng, ao, che klơ̆p kơ̆l păng che gom muh măt.

Êsai 15:2

Lu bơngai Dibôn tŏk tơ groi; lu sư năm tŏk tơ anih kơjung kơkuh kơ yang wă hmoi; kon pơlei Môap nhơ̆m hmoi ơh yua kơ kông Nêbô păng pơlei Mêdêba, lu sư yuă sŏk 'ngôch ngăl, sŏk kang lu sư hơkôih đĭ.