Êsai 3:17 - Sơ̆p Hlabơar Nơ̆r 'Bok Kei-Dei

¹⁷ Na Kră Yang gô pơm kơ kon drŏ-kăn Siôn jĭ tơ'boch 'bĕnh kơpal kơ̆l lu sư, păng pơm kơ kơ̆l lu sư hok sŏk ưh kơ chăt.”

Êsai 3:17 Referans Kwoze

Je 13:22

Păng tơdah ih khan lăm jơhngơ̆m ih. “Yua kơ kiơ tơdrong 'nâu truh kơ inh?” Noh yua kơ tơdrong yoch kơnê̆ ih tih tơpă. Dĭng mah đe tưk hơbĕn ih, păng đe gô tơrôp pơm kơnê̆ kơ ih.

Tơdrông Tơ'bôh 16:2

Thoi noh na linh jang 'lơ̆ng mă mônh năm tuh hloi đak pơgang noh tơ teh. Na dôm lu bơngai mă chơ̆m đŏng yâu sem ei, kơkuh kơ rup sem ei, lu sư đei tơdrong jĭ tơ'boch đuh 'mê̆-'mach dêh.

Mi 1:11

Ơ kon pơlei Saphir yak năm hăm akâu hoh păng mơlâu! Kon pơlei Sanan ưh kơ pơ̆n lĕch. Kon pơlei Bet Esen nhơ̆m hmoi, yua kơ đe gô blah iŏk anih sư gơnang.

Êsai 20:4

Kŭm thoi noh mơ̆n pơtao Asiri gô chông ba kon pơlei Êyiptơ păng Kus pơm bơnă đơ̆ng hơ'lơ̆p truh tơ kră năm akâu hoh păng yak jơ̆ng hoh pơdah pơtâu hoh thoi noh wă kơ teh đak Êyiptơ mơlâu.

Na 3:5

Kră Yang Tih Hloh khan: 'Nâu, dang ei Inh wă blah ih; Inh gô plôh lê̆ ao tai ih, gô tơ'bôh pơdah ih akâu hoh ăn kơ kon pơlei pơla lăng păng roi dôm tơdrong mơlâu ih kơ rim teh đak.

Both 28:27

Kră Yang gô ăn kơ iĕm jĭ pơtôch đuh đơ̆ng dêh Êyiptơ, pơ'ngeh đek, rơka tơlŏng, đơđik, lu iĕm hơmet ưh kơ klaih.

Lêwi 21:20

bơngai kơdŭ grŏn, kơđeh hnang dah jĭ măt, tơ'boch roch, jĭ lak, bŏng sư pơchah minh pôm.

Hơri Hiôk 3:11

Ơ lu adruh Siôn, năm lăng bĕ Pơtao Sôlômôn, Yơ̆l môk pơtao đêl mĕ sư pơyơ̆l kơ sư lăm năr pơkong kơ sư sơ̆, lăm năr mă jơhngơ̆m sư chơt hiôk.

Êsai 3:16

Kră Yang khan: “Lu kon drŏ-kăn Siôn pơrŏ yak toh hơko, măt lu sư lăng cheng hơ'nhưp wă kơ đe hưch, lu sư yak nơnăm mơtuĭ mơtuă, mơgriu re kong jơ̆ng.

Êsai 3:18

Lăm năr noh Kră Yang gô iŏk lê̆ lu tơmam lu sư pơguăng păng kong kiơng kong jơ̆ng, tơsi chơkep sŏk, che kơ̆t kơ̆l,