Êsai 29:15 - Sơ̆p Hlabơar Nơ̆r 'Bok Kei-Dei

¹⁵ Răm dêh kơ lu bơngai ôn kơ Kră Yang tơdrong lu sư pơđâu, tơdrong jang lu sư pơm oei lăm măng mu păng lu sư khan: Bu 'bôh bơ̆n? Bu băt kơ bơ̆n?

Êsai 29:15 Referans Kwoze

Êsêkiên 8:12

Sư khan kơ inh: “Ơ kon bơngai, ih hăm 'bôh tơdrong kơnê̆ lu kră pơlei adrĕch Isơrael pơm lăm măng mu ưh, rim 'nu lu sư lăm anih rup yang sư kơdih? Lu sư đei khan: ‘Kră Yang ưh kơ 'bôh lu bơ̆n ôh; Kră Yang achăng lê̆ boih teh đak âu.’ ”

Êsai 47:10

Ih gơnang tơdrong ih pơm kơnê̆ ih Ih khan: ‘Ưh kơ đei bu 'bôh inh.’ Tơdrong gơh hơgei hlôh wao ih gô pơm kơ ih wơ̆l jrok. Ih pơma lăm jơhngơ̆m: ‘Inh âu, 'nguaih kơ inh ưh kơ đei bơngai bu.’

Êsai 30:1

Kră Yang khan: “Răm-'băm dêh kơ lu kon hơ'lơ̆p arăng kơ̆l 'maih chă đon mă ưh kơ trŏ tơdrong Inh wă, pơm tơdrong pơgơ̆p mă ưh kơ đơ̆ng Yang bơhngol 'lơ̆ng Inh, thim tơdrong yoch rai dêh dơ̆ng.

Malachi 2:17

Lu iĕm đei pơm kơ Kră Yang blĕk dêh, đơ̆ng nơ̆r iĕm pơma; khan dơ̆ng thoi âu: “Tơ yơ lu nhôn đei pơm kơ Sư blĕk.” Noh 'bơ̆t iĕm khan: “Bơngai bu pơm tơdrong kơnê̆ noh Kră Yang lăp đon păng Sư kư̆m lăp đon kơ lu bơngai thoi noh;” mưh khan thoi ei lei, “lei tơ yơ khan Kră Yang 'Bok Kei-Dei sek tơpăt?”

Jêphania 1:12

Lăm kơplah noh, Inh gô iŏk ŭnh kơđeng păng ŭnh hơchô̆ nhơk chơchă lăng Jêrusalem, Inh gô phak lu bơngai pơgŏk et tơdrô lăm anih noh, lu sư khan lăm jơhngơ̆m lu sư thoi âu: ‘Kră Yang ưh pă đei tơjur ăn tơdrong pŭn hiôk, kư̆m ưh pă đei wă tuh tơdrong gleh truh.’

Êsêkiên 9:9

Kră Yang tơl inh: “Tơdrong yoch lăm adrĕch Isơrael păng Juđa tih dêh tơpă; teh 'bĕnh kơ pham pơlôch băl, lăm pơlei 'bĕnh kơ tơdrong kơnê̆ pơrăm băl. Lu sư khan: ‘Kră Yang achăng lê̆ boih teh âu, Kră Yang ưh kơ 'bôh.’

Je 23:24

Kră Yang khan: “Hăm đei bu gơh ôn hlơp akâu sư, mă Inh ưh kơ 'bôh? Kră Yang khan: Hăm trŏ kơ Inh oei tơ jơ̆p-jang kơpal plĕnh 'bĕnh kơ teh đak âu?

Êsai 28:15

Lu iĕm pơma pơrŏ khan: “Lu nhôn pơgơ̆p bơih hăm tơdrong lôch, păng pơgơ̆p hăm dêh atâu, Tơdah tơdrong anat anot gô truh, ưh kơ 'bơm lu nhôn ôh. Lu nhôn yua tơdrong pơma hơlĕnh pơm anih nhôn kơ'nơp. Păng pơma bơkuĕch hơlĕnh wă kơdâu ôn.

Horiso 59:7

To 'bơ̆r lu sư lĕch nơ̆r blei hiap. Hơkŭng lu sư thoi đao. Yua kơ lu sư khan: “Kơbĭ bu kơtơ̆ng.”

Jop 34:22

Ưh kơ đei măng mu găm măng klăm hơ'bơ̆l ayơ ăn kơ bơngai pơm kơnê̆ gơh ôn akâu.

II Kor 4:2

Nhôn jang ưh kơ đei ôn tơdrong kơnê̆ hrĕp thoi lu bơngai nai ôh. Nhôn ưh kơ hơlĕnh pơdăr thoi đe, nhôn ưh kơ ming tơplih nơ̆r 'Bok Kei-Dei pơma. Nhôn wă pơma kiơ, nhôn pơma hơdah hloi. Nhôn pơma tơpăt wă kơ đĭ-đăng bơngai băt kơ nhôn bơngai tơpăt 'bơ̆t anăp 'Bok Kei-Dei ling-lang.

I Kor 4:5

Thoi noh mă bu bu bơngai thoi yơ bơ̆n 'nĕ chă sek pơma tơdrong sư, gô mơ̆ng kơ Kră Yang jur đĕch, Sư gô tơbăt hơdah ăn tôm tơdrong kon bơngai mă oei ôn pơhrĕp păng tôm tơdrong kon bơngai tơchĕng wă. Hơtai ei kơnh đĭ-đăng rim 'nu kơ bơ̆n mă pơm kiơ̆ kơ Sư wă gô đei nơ̆r Kră Yang bơnê.

Êsai 57:12

Inh gô tơ'bôh pơdah tơdrong 'lơ̆ng iĕm tơdrong iĕm jang. Păng tơdrong noh tă ưh kơ đei yua kơ iĕm ngăl.

Horiso 73:11

Lu sư khan: “Liơ Kră Yang 'Bok Kei-Dei gơh băt? Thoi yơ Kră Yang Tih Hloh gơh hlôh?”

Tơdrông Tơ'bôh 2:23

Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.

Yo 3:19

'Bok Kei-Dei sek tơlang kon bơngai, Sư pơlong lăng thoi âu: Sư wơh Kon Sư jur pơchrang ăn tơdrong hơdah Sư tơ ala teh âu. Mă-lei kon bơngai ưh kơ wă kơ tơdrong hơdah Sư ôh. Kon bơngai wă oei lăm măng mu đĕch yua kơ lu sư wă pơm tơdrong kơnê̆ ling-lang.

Êsai 28:17

Inh gô iŏk tơdrong tơpăt hơnơ̆ng pơm tơlei pơtŏ, tơdrong 'lơ̆ng tơpăt pơm 'long hơgăt, 'mi prĕl gô pơrăm lê̆ anih pơma hơlĕnh lu iĕm ôn kơ'nơp, đak gô lơ̆p lê̆ iĕm lu sư wă kơdâu klĕnh.

Horiso 83:3

Lu sư pơđâu wă blah kon pơlei Ih, Lu sư chă đon wă pơm kơ lu bơngai mă Ih đei bơwei.

Êsêkiên 8:8

Sư khan kơ inh: “Ơ kon bơngai, bŏk dur đei bơlôh noh bĕ.” Inh bŏk dur noh na 'bôh minh pôm 'măng mơ̆t tơ noh.

Hôsia 5:2

Lu bơngai âu jrok trong mơ̆t jrŭ tơ lăm tơdrong kơnê̆ boih. Mă-lei Inh gô bơtho pơjĭ đĭ-đăng lu sư.

II Sam 11:27

Hlôi kơ năr 'bŭ pơdong boih, Đawit athei đe năm iŏk sư oei lăm hnam pơtao; duch noh jing pơm akăn pơtao Đawit, tơpŭ ăn kơ pơtao minh 'nu kon drŏ-nglo, mă-lei dôm tơdrong Đawit pơm noh ưh kơ lăp đon Kră Yang ôh.

II Pot 17:9

Kon pơlei Isơrael oei ôn klĕnh pơm dôm lu tơdrong ưh kơ trŏ tơplơ̆ hăm Kră Yang 'Bok Kei-Dei lu sư, pơdơ̆ng pơjing lu anih kơjung kơkuh kơ lu yang nai lăm jơ̆p kơ pơlei lu sư, đơ̆ng pơlei iĕ truh kơ pơlei tih kơjăp.