Êsai 28:9 - Sơ̆p Hlabơar Nơ̆r 'Bok Kei-Dei

⁹ “Na sư gô bơtho tơdrong gơh hơgei ăn kơ bu, sư gô tơblang kơ bu nơ̆r sư pơma? Hăm trŏ bơtho ăn kơ lu nge 'nao lê̆ mŏm, 'nao achăng đơ̆ng toh hă?

Êsai 28:9 Referans Kwoze

Horiso 131:2

Mă-lei bơhngol inh hiôk hơđơ̆ng. Kŭm thoi kon nge pơdơh kơ mŏm oei cheng mĕ sư. Bơhngol inh hiôk hơđơ̆ng tơ lăm inh kư̆m thoi nge pơdơh kơ mŏm.

Je 6:10

Inh gô roi păng tơbăt kơ bu, wă kơ lu sư mơ̆ng Inh? 'Nâu, đon lu sư chĭt lê̆ boih, lu sư ưh pă kơtơ̆ng boih. Nơ̆r Kră Yang lu sư pơjăm, lu sư ưh kơ 'maih mơ̆ng ôh nơ̆r Kră Yang.

Yo 12:38

'Noh 'blep trŏ tơpă thoi Êsai chih khan lê̆ hơdrol sơ̆ thoi âu: “Ơ Kră Yang, đe ưh kơ lui kơ tơdrong nhôn bơtho; păng đe ưh kơ lui kơ mơsêh mơyang đơ̆ng ti Ih pơm.”

Mathiơ 11:25

Kơplah noh Yêsu krao khan kơ 'Bă Sư khan: “Ơ 'Bă, Ih boih Kră Yang plĕnh teh. Inh bơnê kơ Ih, yua kơ dôm tơdrong Inh bơtho, Ih tơbăt kơ lu bơngai mă băt gơnang kơ Ih thoi lu hơ'lơ̆p băt gơnang kơ mĕ 'bă; păng Ih ưh kơ wă tơhlôh kơ lu bơngai mă gơnang kơ akâu sư kơdih hŏk hơgei.

I Pet 2:2

Bơ̆n athei pơm thoi kon nge 'nao tơpŭ, sư ling-lang 'maih kơ mŏm đak toh ngăl. Na iĕm kư̆m lei-lăi athei hưch hanh kơdih kơdih 'maih mơ̆ng tơdrong 'lơ̆ng tơpăt 'Bok Kei-Dei pơma, wă kơ iĕm rai đunh rai wơ̆ gah tơdrong Sư, na ning-mônh Sư gô iŏk iĕm.

Yo 3:19

'Bok Kei-Dei sek tơlang kon bơngai, Sư pơlong lăng thoi âu: Sư wơh Kon Sư jur pơchrang ăn tơdrong hơdah Sư tơ ala teh âu. Mă-lei kon bơngai ưh kơ wă kơ tơdrong hơdah Sư ôh. Kon bơngai wă oei lăm măng mu đĕch yua kơ lu sư wă pơm tơdrong kơnê̆ ling-lang.

Je 5:31

Lu bơngai khan lê̆ adrol pơma hơlĕnh, lu 'bok soi pơgơ̆r kiơ̆ thoi lu sư gơh kơdih, lu kon pơlei Inh lăp dêh kơ tơdrong thoi noh. Mă-lei truh năr tôch kơnh lu iĕm gô pơm thoi yơ?”

Êsai 54:13

Đĭ-đăng kon ih gô đei Kră Yang bơtho tơ'bôh, păng tơdrong hiôk-hian kon hơ'lơ̆p ih gô tih tơpă.

Êsai 53:1

Bơngai bu lui tơdrong lu nhôn roi tơbăt bơih, păng ti Kră Yang đei pơdah ăn kơ bu bơih?

Markôs 10:15

Inh khan kơ iĕm tơpă, bơngai bu ưh kơ wă lui thoi lu hơ'lơ̆p lui, bơngai 'noh 'Bok Kei-Dei ưh kơ pơgơ̆r sư ôh.”

Êsai 50:4

Kră Yang ăn kơ inh hơpiĕt lu bơngai gơh bơtho tơ'bôh wă kơ inh băt yua nơ̆r pơma tơiung lu bơngai rơdu tơrăn. Kră Yang râu inh rim pơgê đơ̆ng hrôih tơ'blŏk ăn kơ đon inh wă mơ̆ng nơ̆r Sư bơtho nhen thoi bơngai đei hŏk pơhrăm.

Tơdrông Pơđơk 1:29

Yua kơ đơ̆ng lu sư areh kơ tơdrong hlôh wao, Ưh kơ wă rơih chă tơdrong hli yom kơ Kră Yang.

Horiso 50:17

Tơpă ih areh kơ tơdrong Inh bơtho pơrăm, Hŭt lê̆ tơ rŏng dôm nơ̆r Inh bơtho

Êsai 48:17

Kră Yang Tơ'ngla dŏng pơklaih iĕm Tơ'ngla 'Lơ̆ng Rơgoh Isơrael khan: “Inh bơih Kră Yang, 'Bok Kei-Dei iĕm, Tơ'ngla bơtho iĕm mă đei tơdrong 'lơ̆ng kơ iĕm păng dui ba iĕm lăm trong iĕm gô năm.

Êsai 30:20

Mă đơ̆ng Kră Yang ăn kơ lu iĕm pơmat-tat păng ơh sơ'ngon thoi por sŏng đak nhă ră, mă-lei Tơ'ngla pơhrăm lu iĕm Sư ưh pă gơh ôn akâu sư hlơp bơih, măt lu iĕm gô 'bôh Tơ'ngla pơhrăm lu iĕm.

Êsai 28:26

Noh Kră Yang 'Bok Kei-Dei bơtho kơ sư păng pơhrăm ăn kơ sư pơm trŏ.

Êsai 2:3

Đei lơ khŭl bơngai gô truh tơ noh na khan: “Năm, bĕ lu bơ̆n tŏk tơ kông Kră Yang, tơ hnam Kră Yang 'Bok Kei-Dei Jakôp. Sư gô bơtho bơ̆n trong Sư wă kơ lu bơ̆n yak kiơ̆ trong sư.” Khôi juăt gô đei đơ̆ng pơlei Siôn, nơ̆r Kră Yang gô đei đơ̆ng pơlei Jêrusalem.

Je 35:13

'Nâu Kră Yang Tih Hloh 'Bok Kei-Dei bơngai Isơrael khan: “Năm khan bĕ kơ bơngai Juđa păng kon pơlei Jêrusalem: Kră Yang khan: ‘Lu iĕm ưh kơ wă chu iŏk tơdrong Inh bơtho păng kư̆m kuă kơ mơ̆ng nơ̆r Inh mơ̆n hă?