Êsai 28:7 - Sơ̆p Hlabơar Nơ̆r 'Bok Kei-Dei

⁷ Mă-lei lu đe noh kư̆m wing măt yua kơ sik hơmu pơm. Nơnăm 'ma 'ngiĕo yua kơ suai kơ tơdrô 'lơ̆ng! 'Bok soi păng 'bok khan lê̆ adrol wing măt yua kơ suai kơ tơdrô 'lơ̆ng, tơdrô pơrăm đĭ đon tơchĕng lu sư, tơdrô pơm kơ lu sư yak năm we-wo 'ma 'ngiĕo oei mơngưt mơngat kơplah lu sư đei tơdrong tơ'bôh. Lu sư glăi lăm tơdrong sek tơlang.

Êsai 28:7 Referans Kwoze

Luka 21:34

“Na kơplah iĕm oei arih dang ei, iĕm athei kơchăng kơdih 'nĕ kơ nŏng kơ et sik, hli kơ suai. Păng 'nĕ pă hăt kơ tơdrong ala teh, hli kơ năr noh truh kơplah iĕm ưh kơ kơchăng, tabơla haih pă tam thoi bơngai 'leh 'năk. Na tơdrong noh wă truh tơ jơ̆p-jang teh đak ning-mônh kư̆m thoi noh mơ̆n.

Mathiơ 24:29

“Đơ̆ng rŏng kơ tơdrong anat noh boih măt 'năr gô măng mu, măt khei ưh kơ hơdah, sơnglŏng gô huŏng đơ̆ng plĕnh.

Êsai 19:14

Kră Yang tuh ăn tơdrong tơchĕng hơwơ̆l kơ bơngai Êyiptơ, lu sư gô wơ̆l jrok lăm tôm tơdrong jang, thoi bơngai suai hăk rah năm rah tơ 'ma tơ 'ngiĕo kơ hăk sư.

Bôk Bơthô 10:17

Pŭn hiôk dêh kơ teh đak đei pơtao adrĕch yŏng mơng păng lu yŏng pơgơ̆r băt sŏng sa trŏ kơ jơ, wă tơgŭm jơhngơ̆m pran, ưh kơ sĭ et wă kơ suai.

Tơdrông Pơđơk 20:1

Sik hơmu pơm kơ đe suai jing bơngai blei hiap. Sik hơmu et suai pơm kơ bơngai ôr tơkĕch. Bu et hloh kơ ai suai jing pă đei đon tơchĕng hơgei.

Mi 2:11

Tơdah đei bơngai bu kiơ̆ tơdrong hiong răm păng pơma hơlĕnh khan: Inh gô pơma khan lê̆ adrol kơ lu iĕm gah đak sik hơmu păng đak hơmu păng đak tơdrô, bơngai noh jing trŏ bơngai khan lê̆ adrol kơ kon pơlei 'nâu!

Je 23:16

Kră Yang Tih Hloh khan: “'Nĕ pă mơ̆ng lu bơngai khan lê̆ adrol noh roi kơ iĕm. Lu sư roi ăn kơ iĕm tơdrong hơmĕng ưh kơ đei, lu sư khan lê̆ adrol kiơ̆ thoi lu sư chă đon kơdih, ưh kơ trŏ kơ đơ̆ng nơ̆r Kră Yang bơtho khan ôh.

Je 14:14

Kră Yang khan kơ inh: “Lu bơngai khan lê̆ adrol yua anăn Inh na pơma hơlĕnh, Inh ưh kơ đei wơh lu sư ôh, kư̆m ưh kơ đei tơtă dah pơma athei lu sư mơ̆n. Lu sư khan lê̆ adrol kiơ̆ thoi lu sư chă pơm 'bôh ưh kơ tơpă, chă hlang pơpơn kư̆ kă wă pơhlŭ lu iĕm kiơ̆ kơ lu sư tơchĕng đon kơdih.”

Êsai 3:12

Kon pơlei pơla Inh, lu đe hơ'lơ̆p gô pơjuă pơđep lu sư. Drŏ-kăn gô pơgơ̆r lu sư. Ơ kon pơlei Inh! Lu bơngai pơgơ̆r chông iĕm jrok trong, pơm kơ iĕm wơ̆l kơ trong.

Horiso 107:27

Lu sư mơngưt mơngat nhen thoi bơngai suai. Tơdrong hơgei lu sư hiong đĭ.

Êphêsô 5:28

Lu bơngai pơm klo athei 'mêm kơ akăn sư yua kơ bre sư jing minh sĕch minh akar boih. Bơngai bu 'mêm kơ akăn sư thoi noh, bơngai noh 'mêm kơ akâu sư kơdih thoi noh mơ̆n.

Êsêkiên 44:21

Ưh kơ đei 'bok soi ayơ gơh et tơdrô kơplah mơ̆t tơ cham gah lăm.

Êsêkiên 13:7

Hăm trŏ kơ iĕm tơ'bôh boih tơdrong hơlĕnh păng pơm pơjâu, tơwir khan ưh kơ trŏ, na iĕm khan: “Kră Yang khan,” mă tơpă Inh ưh kơ đei pơma khan ôh.

Nhom 2:4

Sư gŭt hră thoi lu ayăt, yơ̆r ti 'ma Sư pơm thoi lu bơngai wă blah; Sư pơlôch boih dôm bơngai pơhiôk kơ măt, Lăm anih kon adruh Siôn, Sư tuh tơdrong hil thoi ŭnh.

Je 23:13

“Inh 'bôh hơđăl boih tơdrong glăi yoch krưp, lăm bơngai khan lê̆ adrol char Samari; Lu sư yua anăn yang Baal na khan lê̆ adrol, ba bơngai Isơrael Inh wơ̆l jrok.

Êsai 29:11

Noh jing tôm tơdrong tơ'bôh kơ iĕm 'nâu, nhen thoi nơ̆r pơma lăm sơ̆p hla bơar mă đe chĭt đơ̆p lê̆ bơih. Tơdah ăn kơ bơngai gơh đŏk na khan: “Apinh ih đŏk lăng hla bơar âu!” Na sư gô tơl tơwih: “Inh ưh kơ gơh kơ đŏk yua kơ sơ̆p hla bơar âu đe chĭt đơ̆p lê̆ bơih.”

Êsai 24:2

'Bok soi kư̆m thoi kon pơlei, yŏng tơ'ngla jing thoi đam sư, yă yŏng tơ'ngla kư̆m thoi đam drŏ-kăn sư, bơngai tĕch kư̆m thoi bơngai răt, bơngai ăn mưng kư̆m thoi bơngai iŏk mưng, bơngai đe hre kư̆m thoi bơngai oei hre.

Êsai 22:13

Mă-lei lăng to lăm lu iĕm đei tơdrong chơt hiôk kư̆ kă 'bet sa rơmo, 'buh sa triu, sa 'nhĕm, et tơdrô: “Et sa bĕ yua kơ dơning bơ̆n gô lôch!”

Êsai 5:22

Răm-'băm dêh kơ bơngai bu khan nuih mưh et tơdrô, đei jơhngơ̆m pran hrâu đơ̆ng tơdrô.

Êsai 5:11

Răm-'băm dêh kơ bơngai bu mă đơ̆ng hrôih, drôih chơchă tơdrô, pơgŏk kơ tơdrô dĭng măng, dĭng tơdrô soh chhông lu sư!

Tơdrông Pơđơk 23:30

Noh jơ̆ bơngai oei đom 'bơ̆t tơm tơdrô boih păng mă lu et bơlŭk yơh,

Êsai 24:20

Plei teh tơdrŏ 'ma 'ngiĕo nhen bơngai suai, yĕng yŏng thoi pơk gia, tơdrong yoch sư trăp dêh, sư gô pơ̆k huŏng ưh kơ kĕ iung dơ̆ng.

Êsai 28:1

Răm-'băm dêh hơgăl pơkao lu bơngai suai tơdrô lăm dêh Êphraim pơang răm-'băm dêh kơ pơkao 'bônh kơ jô hŏnh; lu bơngai suai tơdrô ư-ang 'lơ̆ng rŏ pơlei noh oei tơ kơ̆l groi thŭng teh mơ̆r!

Êsai 43:27

'Bok tơm lu iĕm sơ̆ pơm yoch bơih, bơngai pơtruh nơ̆r lăm lu iĕm pơm glăi blah Inh bơih.

Hôsia 7:5

Dĭng 'bơ̆t năr pơtao lu bơ̆n hơmet sŏng sa hơdai, lu kră pơgơ̆r suai yua kơ đơ̆ng huch sik hơmu lơ. Pơtao kư̆m rôp ti hơdai hăm lu bơngai pơm kơnê̆.

Habakuk 2:15

Răm-'băm dêh kơ lu bơngai bu mă tuh ăn tơdrô kơ lu kon pơlei đe huch, wă kơ đe suai, na 'maih lăng đe brao!

Habakuk 2:16

Ih gô 'bĕnh kơ tơdrong mơlâu, ưh kơ đei tơdrong ư-ang ôh, lei ih huch bĕ kơdih ih păng pơm thoi lu bơngai tam mă kăt tơdra akar. Pơnhan tơdrong hil Kră Yang chĕp lăm ti 'ma Sư gô tuh kơ ih tơdrong kơnê̆ 'mê̆-'mach gô klơ̆p lê̆ tơ tơdrong ư-ang ih.

Êsai 5:23

Lu sư achăng lê̆ lu bơngai pơm kơnê̆ yua kơ đei iŏk pơgâm sa tơmam đe răt, sơngah ưh kơ pơm tơdrong 'lơ̆ng tơpăt kơ bơngai ưh kơ đei yoch.