Êsai 28:5 - Sơ̆p Hlabơar Nơ̆r 'Bok Kei-Dei

⁵ Lăm năr noh kơnh Kră Yang Tih Hloh gô jing thoi hơgăl pơkao rang mơnhal, păng hơgăl pơkao 'lơ̆ng rŏ kơ lu kon pơlei Sư mă oei oei.

Êsai 28:5 Referans Kwoze

I Pet 5:4

Thoi noh na mưh blư kơ Tơ'ngla Tơm Wei Triu jur ning-mônh Sư bơnê kơ iĕm păng apah iĕm agăl pơkao 'lơ̆ng rŏ ưh kơ layơ jô kro, iĕm gô arih ling-lang.

Êsai 62:3

Ih jing môk pơtao 'lơ̆ng rŏ lăm tơpang ti Kră Yang, pơm môk pơtao lăm tơpang ti Kră Yang 'Bok Kei-Dei ih.

Êsai 60:19

Măt 'năr ưh pă pơchrang hơdah kơ ih kiơ̆ kơ'năr. Tơdrong hơdah rang khei kư̆m ưh pă pơchrang kơ ih kiơ̆ kơmăng. Mă-lei Kră Yang jơ̆ tơdrong hơdah kơ ih ling-lang hlŏng hloi. Kră Yang 'Bok Kei-Dei ih noh tơdrong ư-ang ih.

Êsai 45:25

Lăm Kră Yang đĭ-đăng kon sâu Isơrael gô đei 'lơ̆ng tơpăt păng bơnê ư-ang kơ Kră Yang.

Êsai 41:16

Lu iĕm gô um sư na gô tơthu pơđông lu sư, phŭt gô huơ̆r lu sư tơklah hiong đĭ, mă-lei gah lu iĕm gô chơt hiôk lăm Kră Yang gô ư-ang kơ Tơ'ngla 'Lơ̆ng Rơgoh Isơrael.

Jop 29:14

Inh hrŭk tơdrong 'lơ̆ng tơpăt thoi ao. Tơdrong tơpăt inh sư thoi kơ ao tai păng che tơ̆n.

II Kor 4:17

Nhôn iŏk tơdrong pơmat-tat dang ei kư̆m bưh, sư hơiơch 'biơ̆, nhôn hăt kơ chă tơdrong arih ling-lang ning-mônh ei kăl hloh.

Luka 2:32

Sư dang pơchrang tơdrong hơdah kơ đĭ-đăng kơ khŭl bơngai tam mă lui kơ Ih, 'noh wă tơbăt ăn kơ lu sư tơdrong Ih. Sư gô ăn kơ lu đe Isơrael, bơngai mă kiơ̆ Ih, jing hiôk tơpă.”

Êsai 11:16

Gô đei minh pôm trong tih ăn kơ kon pơlei Kră Yang mă oei đei đơ̆ng dêh Asiri yak năm, kư̆m thoi đei bơih trong tih ăn kơ lu đe Isơrael yak năm, năr mă lu sư lĕch đơ̆ng dêh Êyiptơ noh.

Êsai 4:3

Lu bơngai oei arih lăm pơlei Siôn, lu bơngai oei oei arih lăm pơlei Jêrusalem gô krao lu sư bơngai rơgoh wă khan đĭ-đăng lu bơngai đei chih jô̆ oei arih lăm Jêrusalem.

Êsai 24:16

Lu bơ̆n kơtơ̆ng bơih đơ̆ng tôch kơ teh đak hơri: “Ư-ang kơ Tơ'ngla 'lơ̆ng tơpăt.” Mă-lei inh khan: “Inh hiong bơih! Inh hiong răm-'băm dêh kơ inh! Lu bơngai blơ̆ blĕch hơlĕnh pơdăr, lu bơngai blơ̆ blĕch hơlĕnh pơdăr rai dêh.

Êsêkiên 16:12

Đoh ăn gŏp tơ muh, đoh ăn maih tơ đon, pơyơ̆l ăn hơgăl pơkao tơ kơ̆l ih.

Sa 12:5

Dang ei đei lu kră pơgơ̆r char Juđa pơma lăm jơhngơ̆m lu sư khan: Lu kon pơlei oei tơ Jêrusalem jing tơdrong pran kơtang inh, Kră Yang Tih Hloh, noh boih Kră Yang 'Bok Kei-Dei lu sư.