Êsai 28:4 - Sơ̆p Hlabơar Nơ̆r 'Bok Kei-Dei

⁴ Pơkao 'lơ̆ng 'bônh kơ jô hŏnh, Tơdrong ư-ang 'lơ̆ng rŏ sư oei tơ kơ̆l groi anih thŭng teh mơ̆r, kư̆m gô nhen thoi plei hơra đum adrol kơ bơyan phang, đe 'bôh plei sư, ti đe phĕ sa hloi.

Êsai 28:4 Referans Kwoze

Na 3:12

Đĭ-đăng lu kơđông kơjăp ih hiong thoi 'long hơra, đei plei đum blŭng-a lăm bơyan, tơdah đe gơgŭ sư gô hơlŭng huŏng tơ lăm 'bơ̆r lu bơngai 'maih sa.

Mi 7:1

Răm-'băm tơpă kơ inh! Yua kơ ih thoi plei bơyan phang đe phĕ iŏk boih. Thoi plei hơmu đe chă dônh pơpôi đêl đe phĕ boih, ưh kơ đei minh hơie hơmu ayơ wă sa, plei hơra blŭng-a mă jơhngơ̆m inh hơpơi wă kư̆m ưh kơ đei.

Hôsia 6:4

Inh wă pơm liơ kơ lu iĕm, ơ bơngai Êphraim? Inh wă pơm liơ kơ lu iĕm, ơ bơngai Juđa? Iĕm 'mêm thoi tŭk pơgê hrôih, thoi đak ngom 'bônh kơ hrĕng.

Êsai 28:1

Răm-'băm dêh hơgăl pơkao lu bơngai suai tơdrô lăm dêh Êphraim pơang răm-'băm dêh kơ pơkao 'bônh kơ jô hŏnh; lu bơngai suai tơdrô ư-ang 'lơ̆ng rŏ pơlei noh oei tơ kơ̆l groi thŭng teh mơ̆r!

Tơdrông Tơ'bôh 6:13

Sơnglŏng huŏng đơ̆ng plĕnh kơdŭk kơdăk dang plei hơra đum hơlŭng kơ kial thu hơbŭt.

Hôsia 13:15

Mă khan Êphraim đei pơjing rai lơ hloh kơ lu 'nhŏng oh sư, mă-lei kial đơ̆ng gah hơlĕch gô truh, wă khan kial Kră Yang đơ̆ng char glă, gô truh pơhrĕng pơhrơ̆ lê̆ tu đak, păng pơhrơ̆ lê̆ kro lu sơlŭng đak sư, Lu bơngai ayăt gô blah tơgar iŏk lu tơmam gĭt đơ̆ng lăm hnam mong tơmam sư.

Hôsia 13:1

Rim wơ̆t bơngai Êphraim pơma, lu đe hli tơtơ̆; đe pôk hơtŏk lu sư lăm char Isơrael. Mă-lei lu sư yoch boih yua kơ đơ̆ng kơkuh kơ yang Baal na pơm kơ lu sư lôch.

Hôsia 9:16

Inh ăn kơ rơh Êphraim, kro boih, lu sư ưh pă đei plei dơ̆ng boih, mă khan lu sư pơjing kon hơ'lơ̆p, Inh gô pơlôch lê̆ đĭ kon lu sư mă 'mêm kơeng đơ̆ng blu pôih.

Êsai 8:4

Yua kơ adrol kơ kon nge noh gơh pơma krao, 'Bă ơi! Mĕ ơi! Đe gô iŏk lê̆ mŭk tơmam gĭt đơ̆ng pơlei Đamas păng tơmam tơgar iŏk đơ̆ng Samari năm ba 'bơ̆t anăp pơtao Asiri.