Êsai 26:17 - Sơ̆p Hlabơar Nơ̆r 'Bok Kei-Dei

¹⁷ Nhen thoi drŏ-kăn ôr kơ jĭ anăp sư wă jê̆ tơpŭ. Ơ Kră Yang, lu nhôn oei tơ anăp Ih nhen thoi noh.

Êsai 26:17 Referans Kwoze

Yo 16:21

Thoi bơngai drŏ-kăn, truh năr sư wă jê̆ tơpŭ, sư sơ'ngon kơlih kơ sư jĭ. Hlôi sư tơpŭ boih sư hiơt kơ tơdrong jĭ sư kơlih kơ sư chhơp yua kơ đei hơ'lơ̆p boih.

Êsai 13:8

Lu sư hli tơrơ, đei tơdrong hang nuih ơh sơ'ngon gô truh tơ lu sư, lu sư đei tơdrong jĭ truh tơ lu sư thoi drŏ-kăn jĭ anăp wă tơpŭ, lu sư hli tơrơ na lu sư pơglăn băl tơduă lu sư muh măt lu sư nhen thoi pla ŭnh.

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.

Êsai 21:3

Na kơdŭ inh jĭ dêh, inh jĭ tuĕnh nhen thoi drŏ-kăn tơpŭ, lăp inh kơtơ̆ng inh pơ̆k lăp inh 'bôh inh hli tơrơ.

Je 30:6

Jet lăng: Hăm trŏ kơ bơngai drŏ-nglo tơpŭ kon hơ'lơ̆p? Lei liơ mă Inh 'bôh bơngai drŏ-nglo kơ'mĭn klak thoi drŏ-kăn wă tơpŭ? Liơ mă muh măt lu sư dreng hơ'blă?

Je 6:24

Lu nhôn kơtơ̆ng ang boih gah lu sư, kơkŏng ti lu nhôn đĭ rơdu; Tơdrong hli gơhret lu nhôn, Jơhngơ̆m lu nhôn jĭ tuĕnh thoi drŏ-kăn wă tơpŭ.

Je 4:31

Inh kơtơ̆ng nơ̆r ôr thoi drŏ-kăn tơpŭ, ôr hơdrăi thoi bơngai adruh tơpŭ kon blŭng-a. Noh nơ̆r ôr lu kon Adruh Siôn, ôr tơngưih plaih ti na khan răm dêh kơ inh, “inh lôch hơngơ̆t bơih, 'bơ̆t anăp lu bơngai chă pơlôch inh!”

Horiso 48:6

Tơ noh lu sư hli tơtơ̆.a Lu sư jĭ jăn pơmat thoi drŏ-kăn tơpŭ.

Tơdrông Tơ'bôh 12:2

Sư jĭ anăp, sư nŏng kơ hmoi kơ jĭ anăp sư chang dah tơpŭ ră.

Êsai 37:3

Lu sư roi kơ Êsai khan: “Pơtao Hesekia pơma thoi âu: Năr âu jơ̆ năr sơ'ngon truh, 'năr đei chrih păng 'năr mơlâu, thoi drŏ-kăn anăp truh bơih năr tơpŭ kơ kon nge mă-lei ưh kơ kĕ đei jơhngơ̆m wă tơpŭ.

Bl 3:16

Kră Yang 'Bok Kei-Dei khan kơ bơngai drŏ-kăn thoi âu: “Inh gô ăn tơdrong gleh pơmat lăm tơdrong anăp; ih gô jĭ pơmat lăm năr hơiơch. Gah tơdrong hưch wă ih gô mơ̆ng kơ klo ih, păng klo ih gô pơgơ̆r ih.”