Êsai 26:14 - Sơ̆p Hlabơar Nơ̆r 'Bok Kei-Dei

¹⁴ Lu sư lôch bơih ưh kơ gơh iung arih dơ̆ng, đĭ jing atâu bơih ưh kơ gơh iung dơ̆ng. Tơpă Ih phak păng pơlôch lu sư boih. Tơdrong đe 'blŏk hơdơ̆r kơ lu sư ih kư̆m sŭt lê̆ đĭ.

Êsai 26:14 Referans Kwoze

Tơdrông Pơđơk 10:7

Tơdrong 'blŏk kơ lu bơngai tơpăt noh pŭn hiôk, Mă-lei anăn lu bơngai kơnê̆ ôm hach.

Êsai 8:19

Tơdah đei bu khan kơ iĕm Năm apinh jet bĕ lu pơjâu pơma hăm lu bơngai lôch, lu pơma bơlăm thoi sem păng pơma ưh kơ rơđah ôh khan bĕ kơ lu sư: Ưh kơ trŏ ôh hă kon pơlei năm apinh jet Kră Yang 'Bok Kei-Dei lu sư kơdih? Wă tơgŭm ăn kơ bơngai arih, liơ năm apinh jet bơngai lôch?

Horiso 106:28

'Bok lu nhôn kơkuh kơ yang Baal tơ Pêôr, Sa tơmam soi pơm yang kơ bơngai lôch;

Tơdrông Tơ'bôh 20:5

Lu sư noh iung arih mă mônh adrol kơ bơngai nai. Gah lu bơngai nai, lu sư ưh kơ iung arih ôh. Dĭng tôch kơ minh-rơbâu sơnăm ei 'mơ̆i gơh.

Mathiơ 2:20

“Iung bĕ, chông ba Yêsu hăm mĕ Sư wih dơ̆ng tơ dêh Isơrael, lu bơngai wă pơlôch Sư sơ̆ lôch đĭ boih.”

Êsai 10:3

Lăm năr sek tơlang, Kơplah đei tơdrong kơnê̆ truh đơ̆ng ataih lu iĕm gô pơm kiơ? Lu iĕm kơdâu tơ bu mă lu iĕm wă gơnang dŏng tơgŭm? Lu iĕm wă 'măn mŭk tơmam iĕm tơ yơ?

Horiso 109:13

Thŭ ăn kơ lu adrĕch adrung sư răm đĭ, Anăn lu sư thŭ sŭt lê̆ tơ chăl đơ̆ng rŏng.

Horiso 9:6

Lu ayăt tôch đĭ boih, hiong răm đĭ ling-lang hlŏng hloi Ih pơrăm lê̆ boih pơlei lu sư, Ưh pă đei bu 'blŏk kơ lu sư dơ̆ng.

Both 4:28

Tơ noh lu iĕm gô kơkuh kơ rup yang pơm păng 'long păng tơmo, jơ̆ tơdrong jang tơpang ti kon bơngai pơm, ưh kơ gơh 'bôh, ưh kơ kơtơ̆ng ưh kơ gơh sa, kư̆m ưh kơ băt 'bâu.

Le 14:30

Lăm năr 'noh, Kră Yang pơklaih kon pơlei Isơrael đơ̆ng ti bơngai Êyiptơ; kon pơlei Isơrael 'bôh hnơ̆k hnăk bơngai Êyiptơ lôch cheng đak dơsĭ.

Êsai 26:19

Lu bơngai lôch lăm Ih gô iung arih, akâu akar lôch bơih lu sư gô iung dơ̆ng. Ơ lu bơngai lăm 'mui teh iung bĕ, hiôk chơt hơri bĕ. Đak ngom Ih nhen đak ngom pơgê hrôih, teh gô tơpŭ tơlĕch lu bơngai đơ̆ng lôch bơih.

Horiso 36:12

Toc lu bơngai pơm kơnê̆ gô pơ̆k huŏng. Đe gô tơlơ̆ pơ̆k, ưh pă kĕ iung dơ̆ng.

Horiso 59:5

Ơ Kră Yang Ih boih 'Bok Kei-Dei Tih Hloh, jơ̆ Kră Yang 'Bok Kei-Dei Isơrael. Iung bĕ na phak đĭ kơ teh đak. 'Nĕ kơ mơnat kơ lu bơngai pơm kơnê̆. Sêla

Horiso 135:17

Đei đon mă-lei ưh kơ kơtơ̆ng păng kư̆m ưh kơ đei kial dui jơhngơ̆m lăm 'bơ̆r.

Bôk Bơthô 9:5

Bơngai arih sư băt kơdih sư gô lôch; mă-lei bơngai lôch ưh pă băt kiơ boih, kư̆m ưh kơ đei tơmam apah bơnê kiơ mơ̆n, yua kơ đe gô hiơt ưh pă đei bu 'blŏk kơ lu sư dơ̆ng.

Êsai 29:6

Kră Yang Tih Hloh gô yua grơ̆m glaih, teh pơpơ̆, jơwa re, păng pla ŭnh soh phak lu sư.

Êsai 37:19

Klơ̆m lê̆ rup yang lăm ŭnh. Noh ưh kơ yang tơpă ôh, noh đơ̆ng ti kon bơngai pơm păng 'long păng tơmo, na lu sư gơh pơrăm lu yang noh.

Jop 7:9

Thoi hơmơ̆l păr đông hiong đĭ. Thoi noh mơ̆n kon bơngai jur năm tơ pơlei lôch ưh pă gơh brŏk dơ̆ng.

Jop 18:17

Tơdrong 'blŏk hơdơ̆r kơ sư gô hiong đơ̆ng teh đak, Ưh pă đei bu 'blŏk kơ anăn sư đơ̆ng kơpal teh đak.

Jop 24:20

Mĕ mă pŭ gô hiơt lê̆ kơ lu sư; Lu hrai gô sa lu sư; Đe ưh pă 'blŏk kơ lu sư dơ̆ng; Păng tơdrong kơnê̆ tơgơ̆ bŭk thoi tơm 'long.