Êsai 24:7 - Sơ̆p Hlabơar Nơ̆r 'Bok Kei-Dei

⁷ Sik hơmu 'nao đĭ hrơ̆, tơm hơmu đĭ jô kro, lu bơngai juăt đei jơhngơ̆m chơt đĭ tơtok tơtăm.

Êsai 24:7 Referans Kwoze

Êsai 16:10

Tơdrong chơt hơiă 'nă hal tơ lăm mir hlă hla chŭn bluh 'lơ̆ng noh pă đei bơih, tơ lăm pơgar hơmu ưh pă đei bu hơri dah jreo chơt hiôk boih lu bơngai pơjuă plei hơmu wă pơm sik kư̆m ưh pă đei dơ̆ng, Inh pơm kơ tơdrong jreo chơt hiôk noh pơdơh hreh.

Êsai 16:8

Chŭn Hesbôn păng 'long hơmu pơlei Sipma đĭ jô kro. Đơ̆ng hơdrol sơ̆ sư chă kơjung mah truh tơ pơlei Jaser, păng truh tơ char glă; tơ'biĕng sư chăt sôr tơ 'nguaih, lĕch truh tơ đak dơsĭ. Na dang ei pơtao lu teh đak choh chre lê̆ boih lu dơng 'lơ̆ng.

Je 7:34

Inh gô pơtôch ưh pă đei kơtơ̆ng nơ̆r hiĕk chơt hiôk năr pơkong klo kăn, tơ lăm pơlei tih Juđa păng tơ rok trong tih pơlei Jêrusalem yua kơ lăm dêh char răm đĭ jing juơ.”

Êsêkiên 6:14

Inh gô yơ̆r ti Inh wă blah lu sư; Inh gô pơm kơ teh đak, anih lu sư oei gô jing juơ; Inh gô pơrăm đơ̆ng char glă truh tơ pơlei Dibla. Thoi noh na lu sư gô băt Inh boih Kră Yang.”