Êsai 24:11 - Sơ̆p Hlabơar Nơ̆r 'Bok Kei-Dei

¹¹ Đe ôr tơ rok trong lăm pơlei yua kơ tơdrô ưh pă đei; tơdrong chơt đĭ pă đei. Tơdrong 'nă hal lăm teh đak đĭ hiong!

Êsai 24:11 Referans Kwoze

Hôsia 7:14

Lu sư ưh kơ đei krao ôr chơchă Inh đơ̆ng lăm jơhngơ̆m, mă-lei lu sư oei ôr krao kơtă kơpal giơng tep lu sư, lu sư akŭm pơpôi 'ba păng sik hơmu păng lu sư achăng lê̆ Inh boih.

Luka 16:25

“Mă-lei Abraham khan kơ sư: ‘Ơ dăm, ih athei 'blŏk mơ̆n kơplah ih oei arih tơ ala teh sơ̆ ih jơnap tơpă, đei tơmam lơ tơpă. Mă-lei Lasarơ ưh kơ đei kiơ păng jĭ ling-lang tăm. Dang ei sư oei tơ âu hiôk dêh, mă-lei ih oei lăm dơnâu ŭnh tŏ hang ling-lang.

Jôel 1:15

Răm-'băm tơpă yua kơ năr noh! Năr Kră Yang wă phak wă jê̆ boih! Năr noh truh hăm tơdrong pơrăm đơ̆ng Kră Yang Mơsêh Mơyang.

Je 48:33

Tơdrong chơt hiôk 'nă hal đơ̆ng lăm mir chŭn ưh pă đei boih lăm char Môap. Inh pơhrơ̆ lê̆ đak sik plei hơmu đơ̆ng lăm anih đe hmĕt. Ưh pă đei bu hiĕk chơt hmĕt plei hơmu dơ̆ng: Tơdrong lu sư hiĕk chơt hiôk ưh pă đei hiôk chơt boih.

Êsai 32:13

'Long jơla hro chăt lăm teh mir kon pơlei pơla Inh, nhơ̆m hmoi kơ rim hnam chơt hiôk, kơ pơlei tih hơdrŭm ơ-ôs ơ-as.

Êsai 16:10

Tơdrong chơt hơiă 'nă hal tơ lăm mir hlă hla chŭn bluh 'lơ̆ng noh pă đei bơih, tơ lăm pơgar hơmu ưh pă đei bu hơri dah jreo chơt hiôk boih lu bơngai pơjuă plei hơmu wă pơm sik kư̆m ưh pă đei dơ̆ng, Inh pơm kơ tơdrong jreo chơt hiôk noh pơdơh hreh.

Êsai 9:19

Lu sư tơgar iŏk sa gah 'ma mă-lei oei pơngot, lu sư iŏk sa gah 'ngiĕo mă-lei ưh kơ phĭ, đĭ-đăng lu sư sa kon sâu kơdih.

Êsai 8:22

Đơ̆ng noh kŭp kơ̆l lăng tơ teh 'bôh tơdrong pơmat-tat măng mu, 'bôh tơdrong ơh sơ'ngon tơhuŏng lê̆ lu sư kơdih tơ anih măng mu gueo.

Tơdrông Pơđơk 31:6

Ăn bĕ tơdrô et suai kơ bơngai wă jê̆ lôch, Ăn kơ lu bơngai ơh sơ'ngon dêh.

Horiso 144:14

Ăn kơ rơmo lu nhôn chek lar rai lơ. 'Nĕ kơ ăn 'lih păng huay kơ lôch hiong. Dah đei nơ̆r ôr pơmat tơ rok trong pơlei tih lu nhôn.

Je 14:2

“Char Juđa ơh sơ'ngon, lu pơlei tih sư kư̆m ơh ăk, kon pơlei nhơ̆m hmoi drap tơ teh, Kơtơ̆ng nơ̆r ôr krao đơ̆ng pơlei Jêrusalem.

Je 46:12

Đĭ-đăng dêh char nai gô kơtơ̆ng ang lu iĕm đei tơdrong mơlâu. Tơ lăm jơ̆p-jang kơ teh đak gô kơtơ̆ng ang tơdrong lu iĕm ôr krao dŏng; linh âu kơtơih kơ linh nai. Bre sư gô pơ̆k pơđĭ.”

Jôel 1:12

Tơm hơmu đĭ jô, tơm hơra đĭ kro, tơm 'long gărnăt, 'long gol, dôm tơnơm 'long tơ mir đĭ jô kro boih; tơdrong chơt hiôk kon bơngai đĭ hiong boih.

Êsai 32:10

Lăm minh sơnăm dơ̆ng, lu iĕm jơ̆ bơngai mă ưh kơ tơtăm, gô hli tơtơ̆ păng rŭng răng yua kơ bơyan phĕ plei hơmu iĕm ưh pă đei, păng bơyan phĕ plei nai ưh pă đei dơ̆ng mơ̆n.