Êsai 22:6 - Sơ̆p Hlabơar Nơ̆r 'Bok Kei-Dei

⁶ Lu đe Êlam tơ̆n jŏ 'brơ̆m hră, năm kiơ̆ đei gre aseh hăm lu linh hao aseh, lu bơngai Kir chĕp khêl.

Êsai 22:6 Referans Kwoze

II Pot 16:9

Pơtao đe Asiri drơ̆ng iŏk nơ̆r Ahas apinh, sư năm blah Pơlei Đamas păng tơgar iŏk pơlei 'noh, rôp ba kon pơlei sư pơm bơnă tơ Pơlei Kir păng pơlôch lê̆ pơtao Rêsin.

Êsai 21:2

Đei tơ'bôh kơ inh tơdrong hli krưp dêh. Lu bơngai chă tơgar oei chă tơgar, lu bơngai pơrăm, oei chă pơrăm, ơ bơngai Êlam tŏk bĕ, ơ bơngai Mêđi! Wang bĕ, Inh gô pơtôch lê̆ dôm nơ̆r ôr ơh sư.

Am 9:7

Kră Yang khan: Ơ kon sâu Isơrael, hăm trŏ Inh ưh kơ lăng iĕm thoi lu kon sâu bơngai Êthiôpi? Inh ưh kơ trŏ chông tơlĕch iĕm đơ̆ng teh đak Êyiptơ, bơngai Philistin đơ̆ng Kaptôr păng bơngai Siri đơ̆ng char Kir hă?

Am 1:5

Inh gô gơ̆ lê̆ 'long chơkăl 'măng jang pơlei Đamas, Inh gô pơrăm lu kon pơlei oei lăm thŭng Awen păng bơngai mă chĕp 'long jra pơtao sư tơ dêh Bet Eđen; gah kon pơlei Siri gô năm pơm bơnă tơ tơring Kir, Kră Yang khan thoi noh.

Êsai 15:1

Nơ̆r khan lê̆ adrol gah Môap, ô, pơlei tih Ar lăm char Môap pơchah răm lăm minh măng. Lăm minh măng pơlei Kir lăm char Môap pơchah pơchek đĭ!

Bl 10:22

Kon drŏ-nglo Sem anăn Êlam, Asur, Apaksat, Lut păng Aram.

Êsai 22:7

Rim anih thŭng ih 'lơ̆ng hloh đĭ-đăng noh tă 'bĕnh-'bang kơ gre aseh, păng lu linh hao aseh pơrĕng bơih wă tơblah tơ 'măng jang pơlei.

Êsai 11:11

Lăm năr noh kơnh, Kră Yang gô yơ̆r ti Sư pă minh 'măng dơ̆ng wă huai iŏk kon pơlei Sư mă oei đei đơ̆ng lăm teh đak Asiri, Êyiptơ, Patrôs, Êthiôpi, Êlam, Sinar, Hamat păng đơ̆ng lu bŏl đak dơsĭ.