Êsai 22:25 - Sơ̆p Hlabơar Nơ̆r 'Bok Kei-Dei

²⁵ Kră Yang Tih Hloh khan: Lăm năr noh, kơđĭnh đêl pơ̆ng 'bơ̆t anih kơjăp gô tơtoh, đe gô lê̆ sư, sư gô huŏng, tơmam trăp hơtol kơpal sư gô koh kơtĕch lê̆. Kră Yang khan thoi noh.

Êsai 22:25 Referans Kwoze

Êsai 46:11

Inh gô krao sem klang đơ̆ng gah hơlĕch; păng krao bơngai đơ̆ng dêh ataih pơm tơdrong inh wă. Tơdrong Inh pơma bơih, Inh gô pơm keh, dôm tơdrong Inh pơkă bơih, Inh gô pơm.

Mi 4:4

Rim 'nu gô tơoei ala tơm hơmu sư kơdih păng ala tơm 'long hơra sư, ưh pă đei bu wă pơm kơ lu sư hli tơtăm; yua kơ nơ̆r đơ̆ng 'bơ̆r Kră Yang Tih Hloh khan thoi noh boih.

Êsai 22:23

Inh gô pơ̆ng sư thoi đe pơ̆ng kơđĭnh 'bơ̆t anih kơjăp păng sư gô jing minh 'nu đe ư-ang ăn kơ hnam 'bă sư.

Horiso 146:3

'Nĕ kơ gơnang kơ lu yŏng, kư̆m 'nĕ kơ gơnang kơ kon bơngai yua kơ lu sư ưh kơ gơh dŏng pơklaih.

Êsêkiên 5:17

Inh gô ăn tơdrong pơngot rơwĕt păng ăn sem bri wă pơrăm lu kon hơ'lơ̆p ih jing pă đei tơdrong lôch hơbuh păng tơdrong tơblah truh tơ pham gô ro truh tơ ih, Inh gô iŏk đao gưm pơrăm ih. Inh boih Kră Yang mă đei khan thoi noh!”

Êsêkiên 5:15

Ih gô jing tơmam đe pơjăm, đe che bơle hiĕk ăr, pơm kơ lu dêh char jum dăr kơ ih hli tơrơ, mưh Inh đei hil mĭl. Păng phak bơtho trăp tơpă. Inh boih Kră Yang mă đei khan thoi noh!

Êsêkiên 5:13

Inh gô tuh tơdrong Inh hil păng Inh gô hil mĭl truh kơ lu sư, na tơdrong blĕk Inh hrăp; păng kơplah Inh pơm keh tơdrong hil kơ lu sư, lu sư gô băt Inh boih Kră Yang, hlôi khan kơ lu sư Inh gar. Lăm tơdrong inh hil mĭl kơ lu sư.

Je 4:28

Thoi noh, teh đak âu gô ơh sơ'ngon, plĕnh gô măng mu, yua kơ Inh đei khan, Inh đei pơkă, ưh pă tơplih, ưh pă gơh hơmet nơ̆r dơ̆ng.”

Êsai 48:15

Inh, Inh đei pơma bơih, tơpă Inh đei krao iŏk sư, Inh gô ba sư. Sư gô kĕ jei hiôk lăm trong sư jang.

Horiso 52:5

Kră Yang 'Bok Kei-Dei gô pơrăm ih hlŏng hloi, Sư gô rôp ih, dui tơlĕch đơ̆ng anih ih. Păng buch lê̆b ih đơ̆ng teh lu bơngai arih. Sêla

Êsai 22:24

Đe gô hơtol kơpal sư dôm tơdrong ư-ang hnam 'bă sư, đơ̆ng kon hơ'lơ̆p, adrĕch adrung păng đĭ-đăng tơmam yua tih iĕ đơ̆ng pơnhan kơthao truh tơ ge gŏ.