Êsai 21:9 - Sơ̆p Hlabơar Nơ̆r 'Bok Kei-Dei

⁹ To lu linh hao gre aseh lu sư năm hơgrop 'bar 'bar, sư tơl khan: ‘Pơlei Babilôn pơchah răm bơih! Dôm lu rup yang sư pơchah hĕch đĭ tơ teh bơih!’ ”

Êsai 21:9 Referans Kwoze

Tơdrông Tơ'bôh 18:2

Sư pơma 'bơ̆r re kơ đe thoi âu: “Pơlei Babilôn, pơlei tih dêh, pơchah răm boih, ăn ngôi kơ yang sơmăt mă đe anăn yang kơnê̆ oei, păng đĭ lu sem brem sem păr pơm tơpu oei hơdai lăm noh 'mê̆-'mach dêh.

Tơdrông Tơ'bôh 14:8

Đơ̆ng noh đei linh jang 'lơ̆ng nai mă 'bar kiơ̆ đơ̆ng rŏng sư khan: “Pơlei Babilôn tih krưp tŏ noh ră, mă-lei pơchah pơchek đĭ boih, yua kơ tơdrong yoch lu sư pơm tơ'bôh kơ đe jơ̆p kơ teh đak.”

Je 51:8

Ưh tam kơ băt dêh char Babilôn hơlih păk pơchah. Nhơ̆m hmoi bĕ kơ sư! Iŏk bĕ pơgang pik kơ rơka sư, rŏ lăng sư gô klaih.

Je 51:44

Inh gô phak yang Bel lăm pơlei Babilôn, athei sư hăk lê̆ tơmam mă đêl sư luăn boih; Lu kon pơlei ưh pă đei pơtơm băl năm kơkuh dơ̆ng, Mă dur Babilôn gô hơlih pơchah đĭ!

Êsai 13:19

Babilôn jơ̆ pơlei đe ư-ang rim kơ teh đak, pơlei mă lu bơngai Kalđê ang pơyom kơ sư, Sư jing thoi pơlei Siđôm păng pơlei Gômôrơ, sư gô mă Kră Yang 'Bok Kei-Dei gô pơrăm lê̆.

Tơdrông Tơ'bôh 18:21

Đei minh 'nu linh jang nai pran tih, sư iŏk minh pôm tơpăl tơmo tih tơhuŏng tơ đak dơsĭ păng khan: “Ơ Pơlei Babilôn, e hăm băt đe wă tơhuŏng e thoi inh tơhuŏng tơpăl tơmo tơ đak dơsĭ, đe ưh pă layơ wă 'bôh e dơ̆ng.

Je 51:64

Păng athei khan: Dêh char Babilôn gô huŏng môch thoi noh! Ưh pă đei layơ đông dơ̆ng, yua kơ Inh ăn tơdrong truh pơrăm sư, lu kon pơlei gô pơ̆k huŏng.’ ” Nơ̆r Jêrêmi pơma tôch 'bơ̆t dâu.

Je 51:52

Mă-lei gô đei năr, truh tơpă Kră Yang khan: “Inh gô phak pơrăm lu rup yang đe Babilôn, jơ̆p kơ teh đak, lu bơngai rơka gô ôr tơngưih.

Je 51:47

Thoi noh, gô đei năr, Inh phak lu rup yang dêh char Babilôn; jơ̆p kơ teh đak gô mơlâu kơdơ̆; lu bơngai đe gô 'bet pơlôch pơ̆k lăm đĭ dêh char.

Je 51:27

Hơtol bĕ hla-kơ tơ lăm lu teh đak; hlôm bĕ tơgiĕp tơ jơ̆p kơ dêh char; Hơmet dêh char năm blah sư, Krao pơtơm bĕ lu dêh char Ararat, Mini păng Askenas năm blah sư. Pôk pơjing bĕ yŏng linh! Chông ba bĕ aseh mă lơ năm blah thoi lep tung-nut jơ̆p kơ teh.

Je 50:42

Lu sư chĕp hră, tơju, khĕnh dêh ưh kơ đei băt mơnat. Jơwa re lu sư thoi đak dơsĭ poh-yă; lu sư hao aseh. Lu sư hơmet lê̆ thoi linh năm tơblah wă tơblah hăm ih. Ơ kon adruh Babilôn.

Je 50:38

Phang-ang, pơhrơ̆ đĭ rim đak! Ăn kơ rim đak hrĕng kro. Yua kơ char noh kơkuh kơ rup yang, Yua kơ kiơ̆ lu rup yang noh na lu sư jing wơnh.

Je 50:29

Krao bĕ lu bơngai chĕp hră, Blah prah pơlei Babilôn; Wang tăp dăr kơ pơlei; 'nĕ ăn kơ minh 'nu klaih! Pơm bĕ kơ sư thoi sư đei pơm kơ đe, pơm 'mong tơwih kơ sư thoi sư đei pơm boih; Yua kơ sư pơang blah plơ̆ Kră Yang, Tơ'ngla 'Lơ̆ng Rơgoh Isơrael.

Je 50:9

'Nâu, Inh gô tơiung lơ dêh char pơgơ̆p băl đơ̆ng gah yă-nơ̆m, lu sư gô mơ̆t blah dêh char Babilôn, Lu sư dă linh wă blah iŏk; 'brơ̆m lu sư prah thoi 'brơ̆m lu linh tơblah hơgei, ưh kơ đei brŏk hoh.”

Êsai 14:4

Na iĕm gô yua nơ̆r pơma 'nâu wă pơjăm pơtao Babilôn: Lơliơ mă lu bơngai pơjuă pơđep hiong đĭ, bơngai mă hil areh pă 'bôh dơ̆ng bơih.

Êsai 2:18

Lu rup yang gô hiong đĭ.

Êsai 21:7

Mưh 'bôh lu linh hao gre aseh năm hơgrop 'bar 'bar, hao aseh iĕ, aseh lăk-đa, na sư athei kơchăng mơ̆ng mă nhen.”

Êsai 47:5

Ơ kon adruh bơngai Kalđê, hơ-oei hreh bĕ, năm bĕ lăm anih măng mu! Yua kơ đơ̆ng dang ei đe ưh pă krao ih drŏ-kăn pơtao kơ teh đak dơ̆ng bơih.

Êsai 47:9

Kŭm lăm minh năr. Ih gô đei 'bar tơdrong âu truh kơ ih. Tơdrong hiong kon hơ'lơ̆p păng jing yă adro. Gô truh tôm tơdrong 'noh. Mă khan ih pơjâu pơm lơ tơdrong tơwir dah đei hĭ nơ̆r yang mơsêh pơma hơlĕnh!

Êsai 48:14

Lu iĕm athei akŭm hơdai đĭ-đăng păng athei mơ̆ng: Lăm lu Yang, Yang kiơ roi tơbăt bơih dôm tơdrong 'nâu? Bơngai mă Kră Yang rơih, gô pơm pơkeh tơdrong đêl pơkă blah Babilôn păng yua ti sư gô blah bơngai Kalđê.