Êsai 20:3 - Sơ̆p Hlabơar Nơ̆r 'Bok Kei-Dei

³ Kră Yang khan: “Thoi đĭch đam Inh Êsai năm akâu hoh păng yak jơ̆ng hoh lăm pêng sơnăm wă pơm tơdra tơ'bôh wă blah teh đak Êyiptơ păng Kus.

Êsai 20:3 Referans Kwoze

Êsai 8:18

Âu, inh hăm lu kon mă Kră Yang Sư ăn bơih kơ inh noh tơdra wă pơsĭt lăm Isơrael đơ̆ng Kră Yang Tih Hloh. Tơ'ngla oei kơpal kông Siôn.

Êsai 43:3

Yua kơ Inh Kră Yang 'Bok Kei-Dei iĕm, Tơ'ngla 'lơ̆ng rơgoh Isơrael, Tơ'ngla dŏng pơklaih iĕm. Inh ăn bơih dêh char Êyiptơ jing tơmam huai iŏk iĕm. Char Kus păng Sêba pơm tơmam huai tơplih kơ iĕm.

Êsai 37:9

Kơplah noh pơtao Asiri kơtơ̆ng roi tơdrong Tirhaka pơtao dêh char Kus khan: Sư chĕp ba linh wă tơblah hăm ih. Lăp kơtơ̆ng thoi noh, na sư wơh lu bơngai năm roi khan kơ pơtao Hesekia păng pơkă khan:

Jo 14:34

Lu iĕm gô yak dăr lăng hơdôm năr wă khan puăn-jĭt năr păng lu iĕm gô pŭ iŏk tơdrong phak đơ̆ng yoch lu iĕm kơdih dôm yơ, wă khan puăn-jĭt sơnăm, minh sơnăm jô̆ thoi minh năr; kơplah noh lu iĕm băt boih kơ Inh achăng lê̆ iĕm.

Êsêkiên 4:3

Ih iŏk minh hlak gŏ bơsei, pơdơ̆ng pơm thoi dur bơsei sơlam ih păng pơlei; na ih tơwih muh măt gah pơlei noh ih pơm thoi đe oei wang tăp kơ pơlei noh. Noh tơdrong tơdra kơ bơngai Isơrael.

Êsêkiên 12:6

'Bơ̆t lu sư oei lăng ih athei tôi tơmam ih kơpal hơngiĕng, na yak năm lăm kơsơ̆ măng. Athei gom lê̆ muh măt ih wă huay kơ 'bôh teh đak âu yua kơ Inh pơm kơ ih jing tơdra kơ lu adrĕch Isơrael.”

Êsêkiên 30:6

Kră Yang khan thoi âu: “Lu bơngai mă tơgŭm Êyiptơ gô pơ̆k; jơhngơ̆m pran kơtang mă lu sư ư-ang gô huŏng. Lu sư gô pơ̆k huŏng yua kơ đao tơ noh, iŏk đơ̆ng Mikdôl truh tơ Aswan, Kră Yang khan thoi noh.

Sa 3:8

Ơ Jôsua, 'bok soi tơm, ih hăm buăl ih mă oei 'bơ̆t anăp ih mơ̆ng bĕ, yua kơ lu bơngai âu wă pơm tơdra; 'nâu sĭt tơpă Inh gô pơm kơ lu đĭch đam Inh bluh tơmơ̆ng iung chăt.

Êsai 19:4

Inh gô jao kon pơlei Êyiptơ lăm ti lu yŏng pơgơ̆r kơnê̆ dêh păng ăn kơ minh 'nu pơtao chư̆ kơnê̆ gô pơgơ̆r lu sư. Kră Yang Tih Hloh khan thoi noh.

Je 13:1

Kră Yang khan kơ inh thoi âu: “Năm răt bĕ che hơtăng tơ̆n kơiĕng ih, na tơ̆n 'bơ̆t kơiĕng ih mă-lei 'nĕ kơ tong lăm đak.”

Êsêkiên 4:1

“Na ơ kon bơngai, iŏk minh hlak gŏch, dan gŏch noh 'bơ̆t anăp ih păng chhơ̆ rup pơlei Jêrusalem kơpal gŏch noh.

Êsêkiên 30:4

Đe iŏk đao gô năm blah char Êyiptơ; tơdrong ơh sơ'ngon gô truh lăm char Êthiôp. Lu bơngai mă đe pơlôch gô pơ̆k lăm char Êyiptơ; lu mŭk tơmam đe gô iŏk đĭ păng hơnă anih kơjăp sư đe pơrăm đĭ.

Jêphania 2:12

“Ơ kon pơlei Êthiôpi, đe gô 'bet lu iĕm hăm đao Inh.”