Êsai 17:10 - Sơ̆p Hlabơar Nơ̆r 'Bok Kei-Dei

¹⁰ Ih hiơt bơih kơ Kră Yang 'Bok Kei-Dei Tơ'ngla dŏng pơklaih ih; ih ưh kơ 'blŏk bơih hơgơp tơmo Tih mă ih kơ'nơp. Mă đơ̆ng ih pơtăm 'long arih 'lơ̆ng, ih pơtăm adrĕch 'long hơmu plơ̆ng đơ̆ng nai.

Êsai 17:10 Referans Kwoze

Je 2:32

Kon adruh hăm hiơt kơ tơmam pơguăng sư, mŏ mai hle hăm trŏ kơ sư hiơt kơ hơbĕn ao pơkong sư? Mă-lei kon pơlei Inh hiơt kơ Inh đunh boih pă kĕ jô̆ dang yơ.

Êsai 26:4

Lui gơnang bĕ kơ Kră Yang ling-lang; Kră Yang jing hơgơp tơmo kơjăp ling-lang.

Both 32:18

Ih sơngah kơ Tơmo Tih tơ'ngla pơjing ih, Hiơt boih kơ Kră Yang 'Bok Kei-Dei Tơ'ngla pơjing ih.

Horiso 106:21

Lu sư hiơt kơ Kră Yang 'Bok Kei-Dei Tơ'ngla dŏng pơklaih lu sư. Păng đei pơm lơ tơdrong tih tơ Êyiptơ,

Both 32:4

Kră Yang thoi Tơmo Tih 'lơ̆ng tôm; lu tơdrong Sư jang keh dang 'lơ̆ng tôm, trong Kră Yang tơpăt hơnơ̆ng. Sư boih Kră Yang 'Bok Kei-Dei sĭt, 'lơ̆ng tơpăt ưh kơ đei hơlĕnh. Sư tơpăt ling-lang 'lơ̆ng hơnơ̆ng.

Hôsia 8:14

Lu bơngai Isơrael hiơt boih kơ Tơ'ngla pơjing lu sư, păng đei pơdơ̆ng lu hnam pơtao, Juđa kư̆m đei thim lơ pơlei tih đei dur kơjăp, mă-lei Inh gô ăn ŭnh truh sa tơ pơlei tih, păng ŭnh 'noh soh chhông sa lu kơđông kơjăp lu sư.

Je 17:13

Ơ Kră Yang, Ih boih anih hơmĕng tơm kơ bơngai Isơrael, lu bơngai bu achăng lê̆ Ih gô mơlâu! Bơngai bu weh đơ̆ng Inh, chih jô̆ anăn lu sư gah anih lôch, yua kơ lu sư achăng lê̆ Kră Yang mă tu đak glung arih ling-lang.

Je 12:13

Lu sư rei boih 'ba mi mă-lei kĕch iŏk găr jơla; lu sư jang hrat mă-lei ưh kơ yua kiơ. Gô mơlâu kơ kĕch iŏk tŏ sĕt, Yua kơ Kră Yang hil kơtang tơpă.

Êsai 51:13

Iĕm hiơt bơih kơ Kră Yang Tơ'ngla pơjing lu iĕm, Sư bơih bơyar lu tăl plĕnh. Pơjing hơnă teh. Mă-lei rim năr iĕm hrăn hli tơtey ling-lang. Kơ lu bơngai pơjuă pơđep kơplah sư hil wă pơlôch iĕm? Mă-lei dang ei tơdrong lu bơngai hil blĕk pơjuă noh tơ yơ?

Êsai 12:2

Ih bơih Kră Yang 'Bok Kei-Dei dŏng pơklaih inh, Inh gô gơnang kơ Ih păng ưh kơ hli tơrơ ôh. Kră Yang boih tơdrong inh hơri bơnê, Sư bơih dŏng pơklaih inh.”

Horiso 106:13

Mă-lei lu sư 'bônh kơ hiơt kơ tơdrong Sư đei pơm boih. Ưh pă đei gô nơ̆r Kră Yang pơđâu.

Horiso 85:4

Ơ Kră Yang 'Bok Kei-Dei Tơ'ngla dŏng pơklaih lu nhôn, apinh Ih tơiung lu nhôn dơ̆ng bĕ. Apinh Ih lê̆ pă blĕk kơ lu nhôn.

Both 32:31

Tơmo tih lu sư ưh kơ dang thoi Tơmo Tih lu bơ̆n, lu bơngai ayăt kư̆m băt thoi noh mơ̆n.

Horiso 79:9

Ơ Kră Yang 'Bok Kei-Dei Tơ'ngla dŏng pơklaih nhôn, yua kơ wă ư-ang anăn Ih apinh Ih tơgŭm nhôn. Yua kơ anăn Ih, apinh Ih dŏng pơklaih lu nhôn, păng mơnat ăn kơ tơdrong yoch lu nhôn.

I Ho 16:35

Khan bĕ. “Pơklaih nhôn bĕ, ơ Kră Yang 'Bok Kei-Dei Tơ'ngla dŏng pơklaih lu nhôn. Akŭm păng pơklaih bĕ lu nhôn đơ̆ng lăm lu dêh char wă kơ nhôn gơh hơri bơnê kơ anăn 'lơ̆ng rơgoh Ih. Na nhôn đei ư-ang kơ Ih lăm tơdrong hơri bơnê kơ Ih.”

Both 32:15

Jêsurunb wă rai bek mơdrŏng pran, wă iŏk jơ̆ng đă plơ̆ akâu sư bek lơluĭnh boih na lu sư achăng lê̆ Kră Yang 'Bok Kei-Dei Tơ'ngla mă pơjing lu sư, păng pơjăm lê̆ Tơmo Tih mă dŏng pơklaih.

Both 28:30

Minh 'nu lăm lu iĕm hơkơ̆t boih hăm minh 'nu bơngai adruh, mă-lei đei bơngai drŏ-nglo nai oei kơ sư. Iĕm pơm hnam, mă-lei ưh kơ đei oei; iĕm pơtăm minh hlak pơgar hơmu, mă-lei ưh kơ đei phĕ sa plei sư.

Both 8:19

Tơdah iĕm hiơt kơ Kră Yang 'Bok Kei-Dei iĕm, na kiơ̆ lu yang nai, bơ̆jang păng drap kơkuh kơ lu yang ei, inh khan tơpă năr âu. Lu iĕm gô lôch hiong đĭ!

Both 8:14

Athei kơchăng 'nĕ kơ pơang păng 'nĕ hiơt kơ Kră Yang 'Bok Kei-Dei iĕm, Tơ'ngla chông ba iĕm lĕch đơ̆ng dêh Êyiptơ, lĕch đơ̆ng pơm đĭch.

Both 8:11

Athei kơchăng bĕ, 'nĕ hiơt kơ Kră Yang 'Bok Kei-Dei, wei răk dôm nơ̆r Sư tơtă, nơ̆r Sư tơbăt păng khôi juăt Sư mă đơ̆ng inh bơtho lu iĕm năr 'nâu.

Both 6:12

Lu iĕm kơchăng bĕ kơdih 'nĕ hiơt kơ Kră Yang tơ'ngla chông tơlĕch iĕm đơ̆ng dêh Êyiptơ, đơ̆ng pơm đĭch.

Lêwi 26:20

Jơhngơ̆m pran lu iĕm gô hiong tơdrong kơ đei, teh đak ưh pă đei chăt lu hla 'nhot, tơm 'long lăm char lu iĕm kư̆m ưh pă đei plei sa.

Lêwi 26:16

Mưh lei tơdrong âu Inh gô pơm kơ lu iĕm: Inh gô ăn kơ lu iĕm đei tơdrong hli truh tih, tơdrong jĭ jăn, bơlŏ chĕp tơngiĕt pơm kơ măt iĕm bơbôl, jơhngơ̆m rơmơ̆n rơmok. Lu iĕm rei pơtăm ră mă-lei hŭt đĕch jing tơdrong kơ đei, bơngai ayăt kơ iĕm gô iŏk sa yua đĭ.

Jêphania 1:13

Mŭk tơmam lu sư đe gô tơtông iŏk, hnam lu sư jing juơ tơtŭng; lu sư pơm hnam ră mă-lei ưh kơ đei oei; pơtăm tơm hơmu ră mă-lei ưh kơ đei sa plei păng huch đak.

Habakuk 3:18

Inh kư̆m oei chơt hiôk lăm Kră Yang; Chhôk hal Kră Yang 'Bok Kei-Dei Tơ'ngla Dŏng Pơklaih inh.

Am 5:11

Yua kơ lu iĕm pơjuă lu bơngai dơnuh răm păng pơgŏ lu sư rai ăn 'ba mi, mă khan lu iĕm đei pơm boih lu hnam man păng tơmo iĕm kư̆m ưh kơ gơh oei ôh. Lu iĕm đei pơtăm boih pơgar hơmu đei plei 'ngam mă-lei kư̆m ưh kơ đei huch đak sik sư ôh.

Hôsia 4:6

Kon pơlei Inh răm boih yua kơ lu sư ưh kơ hlôh wao. Yua kơ ih sơngah boih kơ tơdrong băt hlôh, Inh kư̆m lei-lăi gô sơngah kơ ih na ih ưh pă jing bơngai khan lê̆ adrol dơ̆ng. Yua kơ ih hiơt boih tơdrong juăt Inh Kră Yang 'Bok Kei-Dei ih, kư̆m lei-lăi thoi noh mơ̆n Inh kư̆m gô hiơt kơ kon sâu ih.

Horiso 65:5

Ơ Kră Yang 'Bok Kei-Dei Tơ'ngla dŏng pơklaih lu nhôn. Hăm tơdrong trŏ Ih gô tơl tơwih kơ lu nhôn kiơ̆ tơdrong tơpăt. Ih jơ̆ anih lu bơngai đơ̆ng tôch kơ teh đak păng jơ̆p kơpal đak dơsĭ ataih hơđơ̆ng hơmĕng.

Horiso 31:2

Apinh Ih pơgling đon mơ̆ng inh, mă kuăng kuăng dŏng pơklaih inh; Pơm bĕ thoi tơmo tih kơjăp ăn kơ inh kơ'nơp, Păng thoi kơđông kơjăp dŏng pơklaih inh.

Horiso 18:2

Kră Yang thoi tơmo pĕng inh, jing kơđông inh, Kră Yang dŏng pơklaih inh; Kră Yang 'Bok Kei-Dei thoi tơmo pĕng inh, inh gô kơ'nơp tơ lăm Sư; khêl inh, hơke dŏng pơklaih inh păng anih kơjăp inh.

Horiso 9:17

Lu bơngai pơm kơnê̆ gô huŏng tơ pơlei lu lôch, Păng đĭ lu bơngai mă hiơt kơ Kră Yang 'Bok Kei-Dei.

Êsai 17:9

Lăm năr noh lu pơlei tih kơjăp Isơrael gô jing anih đe lê̆ juơ tơ lăm bri roh dah tơ kơpal kông, kư̆m thoi lu anih đĭ jing juơ 'bơ̆t anăp lu đe Isơrael. Đĭ-đăng jing anih juơ rơhiăng.

Êsai 18:5

Adrol kơ bơyan yuă, kơplah pơkao đĭ wă plei. Păng pơkao hơmu đĭ plei wă jê̆ đum, na Kră Yang gô iŏk săng kô kăt lê̆ lu tơ'biĕng păng lu dơng bluh hla dêh.

Êsai 25:4

Ih boih Kră Yang jing anih kơjăp lu bơngai dơnuh gơnang. Pơlei hơđơ̆ng ăn kơ lu bơngai hoh kơđei kơplah năr pơmat-tat, pơm anih kơ'nơp năr kial hơbŭt, pơm yơ̆p wă huay kơ tŏ, kơplah lu bơngai pơm kơnê̆ khĕnh lu sư lĕch thoi hơyuh kial hơbŭt tơthu bah tơ dur pơlei.

Êsai 30:29

Lu iĕm gô hơri thoi lăm măng iĕm pơm giĕng 'lơ̆ng rơgoh, jơhngơ̆m lu iĕm gô chơt hiôk thoi bơngai hlôm 'lal tŏk tơ kông Kră Yang, truh tơ Tơmo Tih đe Isơrael.

Êsai 33:2

Ơ Kră Yang mơnat bĕ kơ lu nhôn! Lu nhôn oei chang gô Ih, Apinh ih ăn kơ nhôn đei jơhngơ̆m pran rim năr rim pơgê, apinh Ih dŏng pơklaih lu nhôn đơ̆ng lăm tơdrong pơmat-tat!

Êsai 44:8

'Nĕ kơ hli 'nĕ kơ tơtơ̆ ôh, hăm trŏ kơ đơ̆ng sơ̆ Inh roi tơbăt kơ iĕm bơih. Lu iĕm pơm kơdranh gah Inh. 'Nguaih kơ Inh hăm đei Yang nai dơ̆ng ưh? Tơpă ưh kơ đei Tơmo tih nai dơ̆ng ôh, Inh băt ưh kơ đei bu!

Êsai 61:10

Inh gô hiôk chơt dêh lăm Kră Yang. Jơhngơ̆m inh hiôk 'nă hal lăm Kră Yang 'Bok Kei-Dei inh yua kơ sư pơhrŭk ăn kơ inh ao dŏng pơklaih; tơsu ăn kơ inh ao tai 'lơ̆ng tơpăt nhen thoi lĕ tơdăm iŏk akăn yơ̆l môk wăn kơ̆l sư nhen thoi adruh iŏk klo pơguăng akâu sư hăm tơmam kăp jên.

Êsai 62:11

'Nâu, Kră Yang roi tơbăt bơih. Truh tơ jơ̆p-jang lăm teh đak. “Roi tơbăt bĕ kơ kon adruh pơlei Siôn. “Âu Tơ'ngla dŏng pơklaih ih truh bơih. To lu bơngai mă Kră Yang dŏng pơklaih gô năm hơdai Sư.”

Je 3:21

Đe kơtơ̆ng nơ̆r tơ kơpal kông groi: Noh nơ̆r lu kon pơlei Isơrael nhơ̆m hmoi păng ôr krao, yua kơ lu sư yak kiơ̆ trong glăi, hiong hiơt boih kơ Kră Yang 'Bok Kei-Dei lu sư.

Êsêkiên 23:35

Na Kră Yang khan: “Yua kơ ih hiơt kơ Inh, hŭt lê̆ Inh tơ rŏng, thoi noh ih chu pŭ tơdrong phak lăm tơdrong ih pơm đi, pơm pơyô kư̆ kă.”

Jôel 1:17

Găr adrĕch đĭ jô bơih tơ lăm kơnglat teh; pơk mong adrĕch đĭ djuơh, yua kơ 'ba đĭ ưh pă đei bơih.

Êsêkiên 22:12

Lăm ih đei bơngai iŏk sa pơgâm wă pơm tơdrong đei tuh pham, ăn đe tŏk iŏk đei iŏk lơi adrol păng iŏk jên kon lơ dêh; ih pơjuă sa lu bơngai jê̆ ih păng ih hiơt kơ Inh, Kră Yang khan thoi noh.