Êsai 16:5 - Sơ̆p Hlabơar Nơ̆r 'Bok Kei-Dei

⁵ Na gô đei pơtao pơgơ̆r hăm tơdrong 'mêm mơnat, đơ̆ng adrĕch Đawit gô đei minh 'nu 'bok tŏk pơgơ̆r tơpăt, sư gô sek tơlang, chă tơdrong tơpăt hơnơ̆ng păng pơm hloi tơdrong 'lơ̆ng tơpăt.

Êsai 16:5 Referans Kwoze

Da 7:14

Sư đei tơdrong mơsêh, gơh kĕ, ư-ang păng đĭ dêh char, đĭ adrĕch kon bơngai, đĭ nơ̆r pơma awih awăn kơ Sư. Tơdrong pran kơtang, mơsêh mơyang tơdrong oei oei pơgơ̆r ling-lang ưh kơ tôch păng dêh char Sư đe pă đei pơrăm boih.

Mi 4:7

Đơ̆ng noh Inh gô ăn lu bơngai jo jăn jing kon pơlei mă oei oei păng lu bơngai mă đe pă lăng gô jing minh dêh char pran kơtang, Kră Yang gô pơgơ̆r lu sư tơ kông Siôn đơ̆ng dang ei truh tơ ning-mônh.

Da 7:27

Đơ̆ng noh tơdrong gơh kĕ pơgơ̆r dêh char pơtao, kơkuh pơyom jao ăn teh đak oei ala plĕnh, gô jao ăn kơ 'Bok 'lơ̆ng rơgoh Tih hloh. Dêh char pơtao Sư jing dêh char pơtao ling-lang, lu bơngai pơgơ̆r, bơ̆jang kơ Sư păng chu yom kiơ̆ nơ̆r Sư,

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Tơdrông Pơđơk 20:28

Tơdrong 'mêm păng tơnăp tơpă mă gơh wei pơtao, Đơ̆ng 'mêm mơnat pơkơ̆ng kơjăp tang-dŏ pơtao sư.

II Sam 7:16

Adrĕch hnam ih ưh kơ đei khăi bơngai pơtrơp ih; Inh gô ăn tang-dŏ ih kơjăp khŏm khŏm. Păng dêh char pơtao ih oei kơjăp ling-lang khŏm khŏm.”

Am 9:11

“Lăm năr noh, inh gô tơiung pơdơ̆ng bơsŭn Đawit, mă đêl păk boih păng hơmet ming lu bơlôh hiah sư. Inh gô pơdơ̆ng ming lu đêl pơchah păng man ming thoi sơ̆,

Êsai 55:4

'Nâu, Inh ăn kơ sư jing bơngai pơm kơdranh ăn kơ lơ bơngai, pơm yŏng păng pơm bơngai wei-lăng lơ kon pơlei.

Tơdrông Pơđơk 29:14

Pơtao ayơ sek tơlang tơpăt kơ bơngai dơnuh hin. Tang-dŏ pơtao sư gô oei kơjăp ling-lang.

Horiso 99:4

Pơtao mơsêh mơyang, Sư 'mêm kơ tơdrong tơpăt; Ih pơjing kơjăp tơdrong hơtŏ hơnơ̆ng. Ih sek tơlang hăm tơdrong tơpăt trŏ lăm Jakôp

Horiso 98:9

Yua kơ Sư truh wă sek tơlang kơ teh đak. Sư sek tơlang kơ teh đak hăm tơdrong tơpăt sư, tơpăt hơnơ̆ng. Sư sek tơlang kơ kon pơlei pơla.

Horiso 96:13

Sư truh wă sek tơlang kơ teh đak, Sư gô sek tơlang kơ teh đak hăm tơdrong tơpăt. Yua tơdrong tơpăt sĭt Sư na sek kơ kon pơlei pơla.

Horiso 89:14

Tơdrong 'lơ̆ng tơpăt păng tơdrong tơpăt hơnơ̆ng jing hơnă tăng dŏ pơtao Ih. Tơdrong 'mêm, tơdrong 'lơ̆ng tơpăt năm 'bơ̆t anăp Ih.

Horiso 85:10

Na tơdrong 'mêm mơnat hăm tơdrong 'lơ̆ng tơpăt tơ'bơ̆p băl; Tơdrong tơpăt hăm tơdrong hiôk-hian tơchŭm băl.

II Ho 31:20

Tơ jơ̆p lăm char Juđa, Hesekia pơm thoi noh, sư pơm tơdrong 'lơ̆ng tơpăt 'bơ̆t anăp Kră Yang 'Bok Kei-Dei lu sư.

I Pot 10:9

Kơkuh bơnê kơ Kră Yang 'Bok Kei-Dei ih, yua kơ Sư lăp đon kơ ih ăn kơ ih hơ-oei kơpal tang-dŏ pơtao lu bơngai Isơrael! Yua kơ Kră Yang 'mêm kơ Isơrael ling-lang, thoi noh na Sư ăn kơ ih pơm pơtao wei-lăng wă kơ ih pơm tơdrong trŏ păng 'lơ̆ng tơpăt.

II Sam 23:3

Kră Yang 'Bok Kei-Dei kon pơlei Isơrael bơtho tơ'bôh. Tơmo tih kon pơlei Isơrael pơma hăm inh: “Bơngai ayơ pơgơ̆r kon bơngai mă 'lơ̆ng tơpăt, bơngai ayơ pơgơ̆r hăm jơhngơ̆m hli yom kơ Kră Yang 'Bok Kei-Dei.

II Sam 5:9

Đawit oei lăm kơđông anăn kơđông pơlei Đawit. Sư man dur puăn pah đơ̆ng groi Milô năm tơ gah lăm.

Êsai 33:22

Tơpă, Kră Yang bơih Tơ'ngla sek tơlang lu bơ̆n, Kră Yang Tơ'ngla pơjing ăn kơ lu bơ̆n khôi juăt, Sư bơih Kră Yang pơtao lu bơ̆n, sư bơih Tơ'ngla dŏng pơklaih lu bơ̆n!