Êsai 16:4 - Sơ̆p Hlabơar Nơ̆r 'Bok Kei-Dei

⁴ Lê̆ lu bơngai Môap mă đe puh tơweh oei hơdai ih. Ăn kơ lu sư chă ôn kơ'nơp đơ̆ng đe wă pơrăm lu sư. Lu bơngai pơjuă pơđep gô pă đei, tơdrong pơrăm gô tôch đĭ. Lu bơngai chă plah tơgar iŏk gô hiong đĭ đơ̆ng teh âu.”

Êsai 16:4 Referans Kwoze

Êsai 14:4

Na iĕm gô yua nơ̆r pơma 'nâu wă pơjăm pơtao Babilôn: Lơliơ mă lu bơngai pơjuă pơđep hiong đĭ, bơngai mă hil areh pă 'bôh dơ̆ng bơih.

Malachi 4:3

Lu iĕm gô pơjuă gơhlơ̆r lê̆ lu bơngai pơm kơnê̆, yua kơ lăm năr mă Inh pơm noh, lu sư nhen thoi rơnok tơ ala jơ̆ng lu iĕm.” Kră Yang Tih Hloh khan thoi noh.

Êsai 51:13

Iĕm hiơt bơih kơ Kră Yang Tơ'ngla pơjing lu iĕm, Sư bơih bơyar lu tăl plĕnh. Pơjing hơnă teh. Mă-lei rim năr iĕm hrăn hli tơtey ling-lang. Kơ lu bơngai pơjuă pơđep kơplah sư hil wă pơlôch iĕm? Mă-lei dang ei tơdrong lu bơngai hil blĕk pơjuă noh tơ yơ?

Êsai 9:4

Đĭ-đăng chơkhŏ đêl lu bơngai 'bot năm tơblah, hăm ao mam đêl pham klep gô soh rŭk tơ ŭnh pơđĭ.

Tơdrông Tơ'bôh 11:2

Gah tơ 'ngoaih hnam tơ cham ih lê̆ kơ pơtŏ kư̆m bưh, yua kơ cham noh đe pơjao ăn kơ lu bơngai oei tơ teh âu juă lăm pơlei 'lơ̆ng wă khan Pơlei Jêrusalem kơplah lăm puăn-jĭt 'bar khei.

Luka 21:24

Đe gô koh pơlôch lu sư păng đao. Đe gô rôp lu sư, anhăk lu sư jơ̆p kơ teh đak pơm bơnă đe. Lu bơngai dêh đe gô pơjuă pơđep Pơlei Jêrusalem truh tơ 'Bok Kei-Dei ăn kơ sư rơngei đơ̆ng lu bơngai dêh đe ning-mônh.

Sa 10:5

mă-lei lu sư jơ̆ lu bơngai nuih pran pơjuă lu ayăt kơ lu sư, thoi đe pơjuă teh hlŭt rok trong đe năm tơblah; lu sư gô blah jei, yua kơ Kră Yang oei hơdai lu sư, na lu linh ayăt hao aseh gô thuơ păng mơlâu kơ lu sư.

Je 48:18

Ơ kon pơlei Dibôn; Jur bĕ đơ̆ng anih ư-ang ih, na hơ-oei tơ teh hrĕng kro. Bơngai pơrăm char Môap gô truh wă pơrăm ih, pơrăm kơđông kơjăp ih.

Je 48:8

Lu bơngai chă pơrăm năm tơ jơ̆p pơlei, ưh kơ đei minh pôm pơlei ayơ gơh klaih; đe gô pơrăm tơ kơpal dơnă goh 'biao, kơpal groi kông kư̆m pơchah pơchek. Thoi nơ̆r Kră Yang đei khan boih.

Je 21:12

Kră Yang khan: “Ơ adrĕch Đawit, Pơm bĕ tơdrong 'lơ̆ng tơpăt hơnơ̆ng rim pơgê hrôih, Dŏng pơklaih bĕ lu bơngai đe sa pơgâm, đơ̆ng ti lu bơngai pơjuă pơđep, Kơnh hli kơ Inh hil khơ̆ng thoi ŭnh, ưh kơ đei bu kĕ pĭt, Yua kơ đơ̆ng tơdrong lu iĕm đei pơm yoch kơnê̆.”

Êsai 33:1

Răm-'băm dêh kơ ih, ơ bơngai pơrăm đe, đe ưh tam mă đei pơrăm ih, ơ bơngai blơ̆ blĕch đe, đe ưh tam đei blơ̆ ih! Kơplah mă ih pơdơh pơrăm đe, đe gô pơrăm ih dơ̆ng. Kơplah ih ưh pă blơ̆ blĕch đe gô blơ̆ ih.

Êsai 25:10

Ti Kră Yang gô dan kơpal kông âu. Mă-lei teh đak Môap đe gô pơjuă pơđep tơ anih lu sư, thoi đe pơjuă hơnong lăm anih pơm 'mê̆.

Êsai 15:6

Krong Nimrim hrơ̆ đĭ, 'nhĕt đĭ kro krĕnh. 'Nhĕt 'lơ̆p hơdrih pă đei, ưh pă đei 'nhĕt dah 'long hơdrih ayơ dơ̆ng.

Both 24:14

Iĕm 'nĕ kơ pơm kơ lu bơngai dơnuh păng bơngai hoh kơ đei, mă khan 'nhŏng oh iĕm bơngai Isơrael dah bơngai tơmoi chă oei lăm pơlei iĕm.

Rom 16:20

'Bok Kei-Dei wă kơ bơ̆n gơh oei hiôk hăm bôl buăl, thoi noh na Sư ưh kơ ăn kơ tơdrong kơnê̆ pran hloh kơ iĕm, Sư ăn kơ iĕm pran hloh kơ tơdrong kơnê̆; noh dang Sư ăn kơ iĕm juă bơhlơ̆r kơ̆l yang Satan. 'Noh na inh apinh Kră Yang Yêsu Krist wei-lăng iĕm.

Sa 9:8

Inh gô war bơwei tăp dăr kơ hnam Inh, tơblah hăm lu linh, wă ưh kơ đei bu mơ̆t lĕch. Lu bơngai pơgô̆ đe ưh pă đei pơgô̆ boih, yua kơ dang ei măt Inh lăng bơwei sư.

Êsai 49:26

Inh gô pơm kơ lu bơngai pơjuă pơđep iĕm lu sư gô pơlôch dih băl, lu sư jing suai yua kơ đơ̆ng hil blĕk, thoi lĕ suai sik; Đĭ-đăng kon bơngai gô băt kơ Inh, Kră Yang Tơ'ngla dŏng pơklaih iĕm, Tơ'ngla huai iŏk iĕm păng Tơ'ngla mơsêh adrĕch Jakôp.”

Êsai 54:14

Tơdrong 'lơ̆ng tơpăt hơnơ̆ng gô pơm kơ ih kơjăp Tơdrong đe pơjuă pơđep gô weh ataih đơ̆ng ih yua kơ ưh kơ đei hli tơdrong kiơ ôh. Ih gô klaih đơ̆ng tơdrong hli tơrơ, yua kơ tơdrong noh ưh kơ đei layơ truh jê̆ ih.

Êsai 58:7

Hăm trŏ kơ ih athei asong tơmam sa kơ lu bơngai pơngot rơwĕt, chông ba lu bơngai dơnuh hin ưh kơ đei hnam wih tơ lăm hnam iĕm kơdih, lăp iĕm 'bôh bơngai akâu hoh athei pơhrŭk ăn, păng 'nĕ kơ weh muh măt ưh kơ lăng lu 'nhŏng oh minh sĕch akar lu iĕm kơdih, dah kiơ?

Je 40:11

Đĭ-đăng bơngai Juđa oei lăm char Môap, Ammôn, lăm char Eđôm păng oei lăm dêh char nai kư̆m kơtơ̆ng pơtao Babilôn kư̆m oei lê̆ kon pơlei oei lăm char Juđa, na pơtao pôk Gêđalia, kon drŏ-nglo Ahikam sâu Saphan, pơm yŏng pơgơ̆r lu sư.

Ob 1:14

Trŏ kơ ih 'nĕ kơ dơ̆ng găn 'bơ̆t trong tơklah pêng wă pơlôch lu bơngai mă kơdâu ôn păng kư̆m 'nĕ kơ rôp ăn kơ đe pơlôch lu bơngai mă klaih oei arih lăm năr gleh tih hli tơrơ.