Êsai 16:14 - Sơ̆p Hlabơar Nơ̆r 'Bok Kei-Dei

¹⁴ Mă-lei dang ei Kră Yang khan: “Lăm pêng sơnăm, thoi lĕ kơ sơnăm đe jang apah đĕch na tơdrong ư-ang lu đe Môap mă hăm lơ khŭl kon pơlei lu sư ră đe gô pơjăm pơjuă păng lu bơngai oei đei pă tŏ sĕt đĕch, ưh kơ jing kiơ bơih.”

Êsai 16:14 Referans Kwoze

Je 48:42

Char Môap đe gô pơrăm, sư ưh pă jing kon pơlei pơla dơ̆ng; yua kơ lu sư pơang pôk hơtŏk lu sư kơdih blah Kră Yang.”

Êsai 23:9

Kră Yang Tih Hloh bơih pơkă pơm tơdrong âu, tơjur tơdrong pơang kơ đĭ-đăng tơdrong 'lơ̆ng rŏ păng pơm kơ lu bơngai đe pơyom lăm teh đak âu mơlâu.

Êsai 21:16

Kră Yang khan kơ inh thoi âu: “Lăm minh sơnăm dơ̆ng, jô̆ thoi sơnăm đe jang apah, dôm tơdrong ư-ang dêh char Kêdar gô hiong.

Je 9:23

Kră Yang khan: “Bơngai hơgei 'nĕ pă pơang kơ sư hơgei, bơngai pran 'nĕ pă pơang kơ sư pran. Bơngai mơdrŏng kư̆m 'nĕ pă pơang kơ sư mơdrŏng;

Êsai 25:10

Ti Kră Yang gô dan kơpal kông âu. Mă-lei teh đak Môap đe gô pơjuă pơđep tơ anih lu sư, thoi đe pơjuă hơnong lăm anih pơm 'mê̆.

Êsai 17:4

Lăm năr noh tơdrong ư-ang đe Jakôp hach hiong bơih, akâu akar bek gô jing hơkĕ hơkong.

Êsai 15:5

Jơhngơ̆m inh hmoi ơh kơ Môap. Lu kon pơlei sư kơdâu ôn tơ pơlei Soar păng truh tơ pơlei Êglat Sêlisia, lu sư tŏk năm tơ pơlei Luhit, nhơ̆m rah yak rah rok trong pơlei Hôrônaim, lu sư hmoi ơh sơ'ngon yua kơ tơdrong đe pơrăm đĭ.

Êsai 7:16

Na hơdrol kơ hơ'lơ̆p ei băt tŭk tơdrong kơnê̆ păng rơih iŏk tơdrong 'lơ̆ng, teh đak 'bar 'nu pơtao mă ih hli noh gô jing juơ.

Esther 5:11

Haman roi pơư kơdih akâu, tơdrong mơdrŏng sư, roi sư đei kon drŏ-nglo lơ, roi kơ pơtao pơyom kơ sư păng sư pơm yŏng hloh kơ lu kuan tih nai.

Both 15:8

Mă-lei athei bơlang ti, asong ăn tŏk iŏk tôm tơmam kiơ mă lu sư kăl wă.

Bl 31:1

Jakôp sư kơtơ̆ng lu kon La'ban đei pơma thoi âu: Jakôp iŏk đĭ mŭk tơmam 'bă bơ̆n păng yua kơ đơ̆ng mŭk măk 'bă bơ̆n, na mă đei mơdrŏng dêh thoi noh.

Jop 7:1

“Chăl arih kon bơngai kơpal teh thoi bơngai linh jang gleh lap, hăm trŏ năr sư arih thoi bơngai jang apah kơ năr?

Jop 14:6

Thoi noh apinh Kră Yang lê̆ pă lăng tơ sư, lê̆ sư hiôk 'biơ̆, Wă kơ sư chơt hiôk lăm năr sư oei arih thoi bơngai jang đei apah.

Êsai 11:14

Mă-lei lu sư gô jur năm pơm kơ Philistin tơ gah bơmơ̆t, lu sư wang plah tơgar iŏk pơlei teh đak gah hơlĕch, lu sư yơ̆r ti pơm kơ Eđôm păng Môap, Ammôn gô chu kơ lu sư.

Êsai 16:13

'Nâu nơ̆r Kră Yang khan boih kơ lu Môap sơ̆.

Êsai 25:11

Mă lu sư gô pơdăng ti lu sư lăm noh, thoi bơngai glơi đak pơdăng ti sư wă glơi, mă-lei Kră Yang gô tơhuŏng lê̆ tơdrong pơang lu sư, Mă ti lu sư yơ̆r hơwơi ră.